دویم تسالونیکییل 3:8 - کتاب مقدس به زبان کردی جنوبی - گویش کلهوری

⁸ نه نان کەسێگ وه مفت خواردیم، بەڵکەم شەو و ڕوژ کار کردیم و زامەت کیشایمن تا بار وه سەر کوڵ هویچکامدان نویمن.

دویم تسالونیکییل 3:8 Referans Kwoze

ئنجیل مەتا 6:11

نان ڕوژانەمان ئیمڕو بیه پێمان.

یەکم تسالونیکییل 2:9

چوینکه ئێ برایل، مێنەت و سەختیمان ها هویردان، که شەو و ڕوژ کار کردیایم تا وەختێگ ئینجیل خودا وەپێدان جار دايمن، سەربار هویچ کامدان نویمن.

کاریل ڕەسولەیل 18:3

جا چوینکه کەسب و کارێ جور ئەوانه دەوار دویڕانن بی، مەنه لاێان و وەگەردێان کار کرد.

یەکم تسالونیکییل 4:11

تاسەێ ئیه داشتوین که زنەیی ئارامێگ بیاشتوین و سەردان خەریک کار خوەدان بود و وه دەسيل خوەدان کار بکەن، هەر ئەوجورە که وه ئیوه حوکم کردیم،

ئەفسوسیێل 4:28

دز دیتر دزی نەکێ، بەڵکەم وه جێ ئەوه کار بکێ، وه دەس خوەێ وه ڕاسی کار بکێ، تا بتویەنێ وه کەمدەسیلیش چشتێ بێی.

یەکم قورنتییل 4:12

زامەت کیشیمن و وه دەس خوەمان کار کەیمن. وەختێ نووڕمان بکەن، داواێ بەەرکەت کیم؛ جا وەختێ ئەزیەتمان بکەن، تاموڵ کيمن؛

دویم تسالونیکییل 3:12

ئێرنگه وەناو خوداوەند عیسا مەسیح وه ئیجور کەسیلێگ حوکم کيمن و هانیان دیمن که بیدەنگ کار خوێان بکەن و نانیان دەر بارن.

دویم قورنتییل 11:9

جا وەختێ وەگەرددان بیم و هەوەجیم وه چشتێگ کەفتوی، بارێگ نەناویمه سەر کوڵ کەسێگ، ئەڕا ئیه که برایلێ که له مەنتەقەێ مەقدونیەوه هاتوین هەوەجییەلم پەرچەو کردن. جا مه بێ گومان بارێگ وه سەر کوڵدان نویمه و وەشون ئیەیشه نیوم.

کاریل ڕەسولەیل 20:34

خوەدان زانين که وه دەس خوەم، هەوەجییل خوەم و هاوڕێیلم پەرچەو کردمه.

یەکم قورنتییل 9:4

ئێ حەق نێریم بخوەیمن و بنوشیم؟

دویم قورنتییل 11:27

وەناو سەختی و مینەت، وەناو شەو نەخەفتەنیل فرەێگ؛ وەناو ورسیایی و تیەنیایی، فره وەختیل بی نان، وەناو سەرما و ڕویتی.