دویم تسالونیکییل 2:10 - کتاب مقدس به زبان کردی جنوبی - گویش کلهوری

¹⁰ هەر ئیجوره ها گەرد گشت جور شەڕئاشویی، که ئەوانه که هانه ڕێ نابودی، گول دەێد. ئیانه وه ئەو خاتره له بین چن که نەتواسن ڕاسی دوس بیاشتون و ئیجوره نجات پەێا بکەن.

دویم تسالونیکییل 2:10 Referans Kwoze

یەکم قورنتییل 1:18

چوینکه پێخام سەلیب ئەڕا ئەوانه که وەرەو نابودی چن گیلگەوجیه، وەلێ ئەڕا ئیمه که هایمنه ڕێ نجات هێز خوداس.

دویم پتروس 2:12

وەلێ ئیانه هەر جور گیانەوەریل نەفامن که ڕێ رەوشتیان له ڕوی سریشتێانه و هاتنەسه دنیا تا بکەفنه تەله و نابود بون. ئیانه له باوەت چشتیلی که نیەزانن چەس، کفر کەن. جا ئەوانه وەناو گەنیان خوێان، نابود بون.

یەکم قورنتییل 16:22

کەسێگ که خوداوەند دوس نێری، لانەته پێ. خوداوەند ئیمه، بەو!

رومیەگان 16:18

ئەڕا ئیه که ئیجور کەسیلێگ وه خوداوەندمان مەسیح خزمەت نيەکەن، بەڵکەم وه زگێان خزمەت کەن و وەگەرد قسیەیلی ڕەنگین و زوانبازی فریو دڵ ئایەمیل ساده دەن.

دویم قورنتییل 11:15

چشت ئەڵاجویێگ نیه که خزمەتکاریل خویشێ بکێده جور خزمەتکاریل ڕێ سالحان. دەسئاخر سزاێگ که حەقیانه گرن.

یەکم نامەێ تیموتاوس 2:4

که تواێد گشتیەکی نجات پەێا بکەن و وه ماریفەت ڕاسی برەسن.

ئەفسوسیێل 4:14

ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

دویم قورنتییل 2:15

چوینکه ئەڕا خودا هەویرات خوەش مەسیحم، چ وەناو نجات دریایل و چ وەناو ئەوانه که له بین چن.

رومیەگان 10:1

ئێ برایل، ئاوەختی دڵ و دوعای من وه دەرگاێ خودا ئەڕا قەوم ئێسرائیل ئیەسه که نجات پەێا بکەن.

رومیەگان 6:17

وەلێ سپاس ئەڕا خودا که هەر چەن یەێ وەختێگ خوڵامیل گونا بین، وەلێ وه قوڕن دڵ مل ناینەسه ژێر ئەو تالیمه که وەپێ سپاریاین.

یوحەنا 5:34

نه ئیه که مه شاێەتی ئنسان قەبوڵ بکەم، بەڵکەم ئی چشتیله ئویشم تا ئیوه نجات پەێا بکێن.

یوحەنا 3:17

ئەڕا ئیه که خودا کوڕەگەێ کل نەکرده جهان تا جهان ماکوم بکێ، بەڵکەم هناردێ تا جهان وه وەسلەێ ئەیو نجات پەێا بکێ.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

عبرانییل 3:13

بەڵکەم هەرچێ ڕوژه، تا وەختێگ که وەپێ ئویشرێ ’ئیمڕو‘ یەکترەکی هان بێین، تا هویچ کەسێگ له ئیوه وه فێڵ گونا، دڵڕەقەو نود.

یەکم تسالونیکییل 2:16

و نێیلن ئیمه وەگەرد ناجویلەکەیل قسیه بکێم تا نجات پەێا بکەن. وەئیجوره هەمویشه پەێمانەی گونایلێان نیقەڵتوزەو کەن. وەلێ خەزەو خودا دەس ئاخر وه ملێانەو ڕشیاس.

دویم قورنتییل 11:13

چوینکه ئیجور کەسیلێ، ڕەسولەیل دروەکانی و کارکەریل فێڵبازن که خوێان وه وێنەێ ڕەسولەیل مەسیح دەر تیەرن.

ئنجیل مەتا 13:11

عیسایش جواو دا: «دەرک رازیل پادشایی ئاسمان وه ئیوه دریاس، وەلێ وه ئەوانه نێریاس.

دویم تسالونیکییل 2:12

تا گشت کەسیلێگ که ڕاسی باوەڕ نەکردنه بەڵکەم له نادرسێ خوەشنودەو بین، ماکوم بون.

دویم تسالونیکییل 2:13

وەلێ ئێ برایل که عەزیز خوداوەندین، ئیمه باێه هەمویشه وەخاتر ئیوه سپاس خودا بکێم، چوینکه خودا ئیوه جور نەوبەر هەڵوژارد تا وه وەسلەێ کار تەقدیسکە‎‏ر روح خودا و ئیمان وه ڕاسی، نجات پەێا بکێن.