دویم تسالونیکییل 1:8 - کتاب مقدس به زبان کردی جنوبی - گویش کلهوری

⁸ ئەیو خودا نەناسیل و نافەرمانیل وه ئینجیل خوداوەند ئیمه عیسا، سزا دێ.

دویم تسالونیکییل 1:8 Referans Kwoze

یەکم پتروس 4:17

چوینکه وەخت ئەوه ڕەسیه که داوەری له ئاڵ ماڵ خودا شرو بود؛ ئەگەر شروی له ئیمەس، جا ئاخر ئەوانه که گوش له ئینجیل خودا نیەتەکنن، بوده چه؟

دویم پتروس 3:7

وەلێ هەر وه ئەو کەڵامه، ئاسمانیل و زەوی که ئێرنگه هەس ئەڕا ئاگر هەڵگریاس و تا ڕوژ داوەری و له بین چین خودانەناسیل، پارێزێید.

عبرانییل 10:27

ئەو چشته که مینێد، چەوەڕێ بێن زیەلەتەرەکنێگ له داوەریه و گڕەێ ئاگرێگه که دشمەنیل خودا سزنێد و کەێده خوڵەکەو.

عبرانییل 10:30

چوینکه ئەوه ناسیم که فەرمایش کرد: «خوینخوازی هن منه؛ منم که سزا دەم،» هەر ئیجوره: «خوداوەند قەومەگەێ خوەێ داوەری کەێد.»

عبرانییل 2:3

جا ئەگەر ئیجور نجات فره گەوراێگ نوینیم، ئێ چوی تویەنیم له سزاگەێ دەر بچیم؟ یەکم جار له ڕێ خوداوەند عیسا ئی نجاته جار دریاد و وەشونێ له ڕێ کەسیلێ که شنەفتن، ئەڕامان مور کریا،

نامه وە غەلاتییل 4:8

وەرجه ئیه، وەختێ خودا نیەناسیاین، خوڵامی چشتیلی کردیاين که وه ڕاسی خودا نین.

رومیەگان 6:16

ئێ نيەزانين ئەگەر خوەدان جور خوڵامیلێ که هانه ژێر فەرمان، بێینه دەس کەسێگ، ئەوسا بوینه خوڵامیل ئەو کەسه که گوشە لێ تەکنین، تواێ خوڵام گونا، که وەرەو مەرگ بەێد، تواێ خوڵام گوش تەکانن له خودا، که وەرەو سالح بوین بەێد؟

ئنجیل مەتا 25:41

ئمجا وه ئەوانه که هانه لاێ چەپی ئویشێ: ”ئێ ئیوه که لانەت کریاینه، له لێم دویرەو بون و بکەفنه ناو ئاگر ئەبەدی که ئەڕا ئبلیس و فریشتەگانێ گورجەو بیه،

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.

عبرانییل 12:29

چوینکه «خوداێ ئیمه ئاگرێگه که سزنێد و کەێده خوڵەکەو.»

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»

وەحی وه یوحەنا 6:10

ئیانه دەنگ بەرز هەڵ هاوردن که: «ئێ خوداوەندێگ که وه هەر چی چشته حاکمی، ئێ قودوس، ئێ که حەقی، تا کەی داوەری نیەکێ و ئنتقام خوین ئیمه له نیشتەجێیل زەوی نیەسینێد؟»

یەکم تسالونیکییل 4:5

نەبایه هەر جور ناجویلەکەیلێگ که خودا نیەناسن، دەسخوەشەێ هەواوهەوەس شاوەت بوین.

رومیەگان 1:28

وەبونەێ ئیه که ئەڕا ئەوانه ناسین خودا نیەتیەرزیاد، خودایش ئەوانه هیشته ناو فکریل ناشیرێن تا کارێگ بکەن که نەبایه بکرێید.

کاریل ڕەسولەیل 6:7

جا کەڵام خودا پەخشەو بویاد و ژمارەێ شاگردەگان له شار ئورشەلیم فره فرەوه بی و جەم فرەێگ له کاهنيلیش ئیمان هاوردن.

یوحەنا 3:19

جا مدوێ ماکومیەتەگەێ ئیەسه که نویر هاتیەسه ناو جهان، وەلێ مەردم وه جێ نویر تیەریکی دوس داشتن، چوینکه کردەوەێان خراو بی.

ئنجیل مەتا 25:46

جا ئەوانه چنه ئەڕا ناو سزاێ ئەبەدی، وەلێ سالحان ئەڕا زنەیی ئەبەدی.»

یەکم پتروس 3:6

ئەو جوره که سارا له ئێبراهیم گوش تەکانیاد و وەپێ وەتیا گەورەم. ئیوەیش ئەگەر کردەوەدان خاس بود و له هویچ چشت زیلەتەرەکنیگ ڕخدان نەچود، بوینه ڕوڵەیل سارا.

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

عبرانییل 11:8

وه ئیمان بی که ئێبراهیم پەێخەمەر وەختێ دەنگ کریا، تا بچوده ئەڕا شونێگ که وەشونێ وه میراتی گردیاد، گوش تەکان؛ هەرچەن نیەزانست چوده ئەڕا چ شونێگ وەلێ کەفته ڕێ.

عبرانییل 5:9

وەختێ کامڵەو بی، ئەڕا گشت ئەوانەیش که له ئەیو گوش تەکنن، بیه سەرچاوەی نجات ئەبەدی.

نامه وە غەلاتییل 3:1

ئێ غەلاتییل نەزان، کی جادودان کردێه؟ مردن عیسا مەسیح وه ڕوشنی ئەڕادان شێو کریا جوری که چماێ لەنواێ چەویلدان وه سەلیب کیشریا.

دویم قورنتییل 10:5

ئیمه هەر باسێگ و هەر گومان قوڕات قویگ که وەنواێ ماریفەت خودا وسێد له بین بیمن و هەر فکرێگ ئەڕا گوش تەکانن له مەسیح وه بەن کیشیم و

یەکم قورنتییل 15:34

بانه سەر خوەدان و دیتر گونا مەکەن؛ چوینکه بڕێگ هەن که خودا نیەناسن. ئیه ئەڕا شەرمزاریدان ئویشم.

رومیەگان 16:26

وەلێ ئێرنگه ئاشکراوه بیه و له ڕێ نویسرایەگان پەێخەمەریل، وه پێ حوکم خوداێ ئەبەدی، وه گشت ملەتیل ئاشکرا بیه تا ئەوانه ئیمان بارن و گوش بتەکنن.

رومیەگان 15:18

چوینکه جرئەت نیەکەم له باوەت چشتێگ قسیه بکەم بێجگه ئەو چشته که مەسیح له ڕێ منەو وه جێ هاوردێه تا ناجویلەکەیل ئەڕا گوش تەکانن له ئیمان بارم - وەگەرد قسیەیلم و وەگەرد کاریلم،

رومیەگان 10:16

وەلێ ئەوانه گشتێان گوش له ئینجیل نەتەکاننه، چوینکه ئەشعەیاێ ئویشێ: «چ کەسێگ ئێ خوداوەند ئی چشته که له ئیمه شنەفتێه، باوەڕ کردێه؟»

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

یوحەنا 8:19

ئمجا وه عیسا وەتن: «باوگد ها کوره؟» عیسا وەت: «نه مه ناسین و نه باوگم. ئەگەر مه بناسیاین باوگمیش ناسیاین.»

یەهودا 1:7

هەر ئیجوره، شاریل سودوم و عەموره و شاریل دوروەور، که هەر جور ئەوانه خیزی کردن و کەفتنه شون هەوەسبازییلێگ که ئەڕا جەسه سریشتی نوی، وه کەفتن وه ژێر موجازات ئاگر ئەبەدی، بینه دەرس عبرەتێگ.