دویم تسالونیکییل 1:7 - کتاب مقدس به زبان کردی جنوبی - گویش کلهوری

⁷ تا ئیوه که بەرد کیشین و هەرئیجورەیشه وه ئیمه، ئارامی بێید. ئیه وەختێگ تێدە دی که خوداوەند عیسا وەگەرد فریشتەیل تویەناێ خوەێ وەگەرد ئاگر گڕانیگ له ئاسمانەو ئاشکرا بود.

دویم تسالونیکییل 1:7 Referans Kwoze

وەحی وه یوحەنا 14:13

ئمجا دەنگێگ له ئاسمانەو شنەفتم که وەتیا، «بنویس: خوەش وه حاڵ ئەوانه که له ئیەولا وەناو خوداوەند مرن.» جا روح خودا فەرمایش کرد: «وه ڕاسی خوەش وه حاڵ ئەوانه چوینکه له زامەتیل خوێان ئارام گرن، ئەڕا ئیه که کاریلێان وه شونێانەو تێد!»

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

وەحی وه یوحەنا 22:16

«مه، عیسا، فریشتەێ خوەم کل کردمەسه ئەڕا لادان تا ئی چشتیله وه کلیسایل شاێەتی بێید. مه ریشه و نەتەوەێ داود پادشا و هەسارەێ درەوشیاێ شەوەکیم.»

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

دویم قورنتییل 4:17

چوینکه ورده بەرد و گوزەراێ ئیمه جەڵاڵێگ ئەبەدی ئەڕامان گورجەو کێ که نیود وەگەرد هویچ بەردێگ بەراوردێ بکی.

وەحی وه یوحەنا 21:4

ئەیو هەر ئەسرێگ له چەویلیان پاکەو کەێد. دیتر مەرگ نیه؛ و دیتر ئازیەتی و گیره و ژان هەر نیه، چوینکه چشتیل جاران گوزەریاس.»

رومیەگان 8:17

ئەگەر ڕوڵەیلیم، جا میراتی خوەریش هیمن، یانێ میراتی خوەریل خودا و هاومیراتی مەسیح. وه ئی مەرجه که ئیمه وەگەرد ئەیو عەزاو بکیشیم تا ئیمەیش وەگەردیەو جەڵاڵ پەێا بکێم.

لوقا 17:30

ڕوژ هاتنەوەێ کوڕ ئنسانیش هەر ئیجوره بود.

ئنجیل مەتا 25:31

«وەختێ کوڕ ئنسان وەناو جەڵاڵ خوەێ وەگەرد گشت فریشتەگان باێد، ئەوسا وه سەر تەخت پڕ جەڵاڵ خوەێ دانیشێد و

وەحی وه یوحەنا 22:9

وەلێ ئەو وه مه وەت: «نەبایه ئیجوره بکێ! منیش هەر جور توی و برایل توی، یانێ پەێخەمەریل و جور ئەوانه که کەڵام ئی کتاوه پارێزنن، خزمەتکارم. خودا بپەرەس.»

وەحی وه یوحەنا 22:6

فریشته وەته پێم: «ئی قسیەيله شایسەێ دڵنیاییه و ڕاسه. خوداوەند، خوداێ روحیل پەێخەمەریل، فریشتەێ خوەێ هەناردێه تا ئەو چشته که باێه زوی هەڵبکەفێ، وه خزمەتکاریل خوەێ نیشان بێید.»

وەحی وه یوحەنا 20:11

ئمجا تەخت گەورا و چەرمگیگ دیم و کەسێگ که له بانی دانيشتوی. زەوی و ئاسمان له لاێ ئەیو دەرچین و شونێگ ئەڕا ئەوانه پەێا نوی.

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.

یەکم پتروس 3:22

هەر ئەو عیسا مەسیحه که چیەسه ئاسمان و ئێرنگه ها له دەس ڕاس خودا و فریشتەیل و دەسڵاتداریل و هێزيل هانه ژێر فەرمانێ.

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.

عبرانییل 4:11

جا باین تەقالا بکێم تا وه ئەو شون ئاشاسێگه ڕێ پەێا بکێم، تا هویچکەس وه ئەوجورە ملچەفتەو کردنێگ، نەکەفێد.

عبرانییل 4:9

جا ویجوره ئەڕا قەوم خودا ئاشاسێگ شەبات که هەر ئەو شەمەێ موقەدەس جویلەکەیله، مینێد.

عبرانییل 4:1

جا تا وەختێ که وادەێ ڕێ پەێا کردن وەشون ئاشاسێگ ئەیو هێمراێ ها سەر جێ خوەێ، بان زاورمان بچود تا نەخواێ دیار بێید که یەکی له ئیوه وەپێ دەس پەێا نەکردیه.

دویم تیموتاوس 2:12

ئەگەر تاموڵ بکێم، وەگەرد ئەیو سەڵتەنەتیش کەیمن. ئەگەر حاشاێ بکێم، ئەیویش حاشامان کەید.

نامه وه کولوسییل 1:16

چوینکه گشت چشتێگ وه وەسلەێ ئەیو وه دی هاتێه: هەر چی که ها ناو ئاسمان و هەر چی که ها بان زەوی، هەر چی دیاره و هەر چی نادیاره، چ تەختیل چ حوکمرانیێل چ سەروکیل چ دەسڵاتداریل، گشت چشتێگ له ڕێ ئەیو و ئەڕا ئەیو هاته دی.

ئەفسوسیێل 1:2

فیز و ئاشتی و سڵامەتی له لاێ خودا، باوگ ئیمه و خوداوەند عیسا مەسیح، وه ملدانەو بود.

کاریل ڕەسولەیل 1:11

وەتن: «ئێ پیاێل جەلیلی، ئەڕا وساینه و چەو بڕینەسه ئاسمان؟ هەر ئی عیسا که له لاێ ئیوه بڕیاده ئاسمان، هەر ئەوجورە که دین چیه ئاسمان، وه دواره تێیدەو.»

یوحەنا 1:51

ئمجا عیسا فەرمایش کرد: «وه ڕاسی، وه ڕاسی، وەپێدان ئویشم، دوینین که ئاسمان واز و فریشتەیل خودا له لاێ کوڕ ئنسان چنه ئاسمان و له ئاسمان تیەنه ئەڕا لاێ کوڕ ئنسان.»

یوحەنا 1:3

گشت چشتێگ له ڕێ ئەیو وه دی هات و له هەر چشتێگ که وه دی هات هویچ چشتێگ بی ئەیو وه دی نات.

لوقا 16:25

وەلێ ئێبراهیم جواو دا: ”ڕوڵەم، باره هویرد که تو وەناو زنەیی، له چشتیل خاس خوەد لەزەت بردێ، ئەو وەخته چشتیل خراو نسیو ئیلعازەر بی. ئێرنگه ئەوه وه ئێرا ها ناو ئاشاسێگ و تو هایده ناو عەزاو.

مەرقوس 14:62

عیسا وەپێ وەت: «من ئەوەم، کوڕ ئنسانیش دوینین که وه دەس ڕاس خوداێ تویەنا نیشتیه و وەگەرد هەوریل ئاسمانەو تێی.»

مەرقوس 8:38

چوینکه هەر کەس وەناو ئی نەتەوەێ داوانپێس و گوناکاره له من و قسیەیلم عارێ باێ، کوڕ ئنسانیش وەختێ که وه جەڵاڵ باوگ خوەێ وەگەرد فریشتەیل موقەدەس باێ له لێ عارێ تێی.»

ئنجیل مەتا 26:64

عیسا وەپێ وەت: «تو خوەد ئیجوره وەتی! وەلێ مه وەپێدان ئویشم وەشون ئیه کوڕ ئنسانیش دوینین که وه دەس ڕاس خوداێ هەر وه تویەنا نیشتیه و له بان هەوریل ئاسمانەو تێی.»

ئنجیل مەتا 16:28

وه ڕاسی، وەپێدان ئویشم بڕێگ وه ئەوانه که وه ئێرا وسانه، تا کوڕ ئنسان نوینن که وەناو پادشاێ خوەێ تێدەو، تام مەرگ نیەکەن.»

ئنجیل مەتا 25:41

ئمجا وه ئەوانه که هانه لاێ چەپی ئویشێ: ”ئێ ئیوه که لانەت کریاینه، له لێم دویرەو بون و بکەفنه ناو ئاگر ئەبەدی که ئەڕا ئبلیس و فریشتەگانێ گورجەو بیه،

کاریل ڕەسولەیل 3:19

جا توبه بکەن و هەڵوگەردینه لاێ خودا تا که گونایلدان پاکەو بود،

یەکم قورنتییل 3:13

کار هەر کەس ئاشکرا بود، ئەڕا ئیەک ’ڕوژ داوەری‘ گشت چشتێگ ئاشکراوه بود. چوینکه ئاگر دەرئەنجام کارەگه ئاشکرا کێ، نیشان دەێ کار هەر کەس چوینه.

یەکم تسالونیکییل 3:13

تا دڵدان قورسەو بکێ تا ئەو وەخته که خوداوەندمان عیسا وەگەرد گشت موقەدەسیل خوەێ تێد، وه لاێ خودامان یانێ باوگ ئاسمانیمان، بی نەخس و موقەدەس بوین.

عبرانییل 10:27

ئەو چشته که مینێد، چەوەڕێ بێن زیەلەتەرەکنێگ له داوەریه و گڕەێ ئاگرێگه که دشمەنیل خودا سزنێد و کەێده خوڵەکەو.

عبرانییل 12:29

چوینکه «خوداێ ئیمه ئاگرێگه که سزنێد و کەێده خوڵەکەو.»

دویم پتروس 3:7

وەلێ هەر وه ئەو کەڵامه، ئاسمانیل و زەوی که ئێرنگه هەس ئەڕا ئاگر هەڵگریاس و تا ڕوژ داوەری و له بین چین خودانەناسیل، پارێزێید.

یەهودا 1:7

هەر ئیجوره، شاریل سودوم و عەموره و شاریل دوروەور، که هەر جور ئەوانه خیزی کردن و کەفتنه شون هەوەسبازییلێگ که ئەڕا جەسه سریشتی نوی، وه کەفتن وه ژێر موجازات ئاگر ئەبەدی، بینه دەرس عبرەتێگ.

وەحی وه یوحەنا 6:11

ئمجا وه هەر کام له ئەوانه، بەتیەێ چەرمێگ دریاد و وەتریاده پێان که قێرێگ‎تر ئارام بگرن تا وەختێگ که ژمارەێ هاوخزمەتیل و برایلێان که باێه جور ئەوانه بکوشریەن، کامڵەو بود.

وەحی وه یوحەنا 14:10

ئەو کەسیشه له شراو خەزەو خودا نوشید، شراوێ پڕ قەوەت و ناب که وەناو جام خەزەو ئەیو ڕشیاس. ئەو کەسیشه وه لاێ فریشتەیل موقەدەس و وه لاێ وەرکەگه وەگەرد ئاگر و گوگرد، عەزاو دوینید.