دویم پتروس 3:4 - کتاب مقدس به زبان کردی جنوبی - گویش کلهوری

⁴ ئویشن: «جا چه بی وادەێ هاتن ئەیو؟ چوینکه له زەمانێگ که باپیریلمان له ئی خەو چینه ئەو خەو، گشت چشتێگ هەر ئەوجورەسە که له سەرەتایی وەدی هاتن دنیا بی!»

دویم پتروس 3:4 Referans Kwoze

لوقا 12:45

وەلێ ئەگەر ئەو خوڵامه وه خوەێەو بویشی که ”ئەرواو وه هاتنێ دێر کردێه،“ شرو بکێده کوتاین خوڵامیل و کەنیزیل و بنیشێده خواردن و نوشاین و سەرخوەش کردن،

ئنجیل مەتا 24:48

وەلێ ئەگەر ئەو خوڵام شەڕئاشوه وه خوەێ بویشی که ”ئەرواوەگەم وه هاتنێ دێر کردێه،“

یەکم تسالونیکییل 2:19

چوینکه چەس ئمید یا خوەشی یا تاج شانازی ئیمه له نوای خوداوەندمان عیسا له وەخت هاتنێ؟ مەر ئیوه نیين؟

مەرقوس 13:19

چوینکه وه ئەو ڕوژیله، ئەوجورە بەردیگ پێش تێ که له شرو جهان که خودا وه دی هاورد تا ئێرنگه پێش ناتیه و هویچ وەختیش پێش نیەتێید.

وەحی وه یوحەنا 3:14

«وه فریشتەێ کلیساێ شار لائودیکیه بنویس: «ئەیو که ئامینه، ئەیو که شاێەت ئەمین و حەقه، ئەیو که سەرکیەنی درسکریایل خوداس، ئیجوره ئویشێد:

مەرقوس 10:6

وەلێ له شرو وه دی هاتن دنیا، خودا ”ئیانه پیا و ژن وه دی هاورد.“

ئنجیل مەتا 24:28

هەر کوره لەشێگ بود، وه ئەوره بوده داڵەگڕان.

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

ئنجیل مەتا 16:28

وه ڕاسی، وەپێدان ئویشم بڕێگ وه ئەوانه که وه ئێرا وسانه، تا کوڕ ئنسان نوینن که وەناو پادشاێ خوەێ تێدەو، تام مەرگ نیەکەن.»

کاریل ڕەسولەیل 7:60

ئمجا زرانی دا و وه دەنگ بەرز کردی هاوار: «خوداوەندا، ئی گوناێانه مەنویسه پاێان.» ئیه وەت و گیان سپارد.

دویم پتروس 3:12

چەوەڕێ هاتنەوەێ ڕوژ خودا بوین و جوری زنەیی بکێن تا ئەو ڕوژه زویتر برەسێ. وەبونەێ ئەو ڕوژه ئاسمانیل وه ئاگر کیشیەن و تویچیەن و ئەجرام ئاسمانی هەر ئەوجورە که سزیەن، تاویەنەوه.