دویم پتروس 2:18 - کتاب مقدس به زبان کردی جنوبی - گویش کلهوری

¹⁸ چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

دویم پتروس 2:18 Referans Kwoze

دویم پتروس 2:20

چوینکه ئەوانه که وەگەرد ناسین خوداوەند و نجات دەر ئیمه عیسا مەسیح، له ناپاکییل جهان دەرچینه، ئەگەر وه دواره تویش ئەو چشتیله با‎ن و ئەوانه وه سەر ئی ئایەمیله زاڵ بون، ئاخرێان خراوتر له سەرەتاێانه.

دویم پتروس 1:4

ئەیو وه وەسلەێ ئیانه وادەیل گران قیمەت و فره گەوراێ خوەێ وەپێمان بەخشیه، تا له ڕێ ئەوانه هاوبەش سریشت خودایی بوین و له گە‎نیانیگ که له مەیل گونا ها ناو دنیا ، دەر بچین.

رومیەگان 13:13

بان ڕێ رەوشتمان ئەوجورە درس بود که شایسەێ کەسیلێگه که هانه ناو ڕوشنایی ڕوژ. جا وەختمان وەناو عەێاشی و سەرخوەشی و خیزی و هەرزەیی و مرافه و حەسویی، وه سەر نەوەێم،

یاقوب 5:5

ئیوه له بان زەوی وەناو دەوڵەمەنی و عیش و نوش زنەیی کردینه و دڵیلدان ئەڕاێ ڕوژ سەر بڕین پەروار کردينه!

دویم تسالونیکییل 2:4

ئەوه له نوای هەر چی که خودا خوەنریەد و پەرەسیەد، وسێد و خوەێ نێده بانتر، جوری که له ناو مابەد خودا دانیشێد و خوەێ وه خودا ناسنێد.

وەحی وه یوحەنا 13:11

ئمجا دیم گیانەوەر دڕنەێگ تر له زەوی تێده دەیشت. هەر جور وەرک دو گله شاخ داشت و جور ئەژدەها قسیه کردیا.

یەهودا 1:13

ئیانه هەر جور تافیل خروشان دەریان که کاریل نەنگ هاورێان هەر جور کەف تێدە بان ئاو؛ هەساریل وێڵێگن که تیەریکی و زولەمات، تا ئەبەد ئەڕاێان دیاری کریاس.

کاریل ڕەسولەیل 8:9

وەلێ پیاێگ وه ئەو شاره زنەیی کردیا که ناوێ شەمعون بی که بایس بوی ئەڕا ماوەێگ مەردم سامره له کاریلێ سەریان سڕ بود، وه ئیجوره وەتیا که چماێ ئەڕا خوەێ کەسێگه.

کاریل ڕەسولەیل 2:40

پتروس وەگەرد قسیەيل فرەێگ تر شاێەتی دا و هانیان دا، وەت: «خوەدان له ئی نەتەوەێ له ڕێ دەرچیه ڕزگار بکەن!»

ئەفسوسیێل 4:17

ئێرنگه ئیه ئویشم و وەناو خوداوەند شاێەتی دەم که دی نەبایه جور ناجویلەکەیل زنەیی بکێن که ڕێ رەوشتیان وه پێ پویچێ فکریلێانه.

دویم پتروس 2:2

قێر فرەێگ کەفنه شون هەرزەیی ئەوانه و وه بونەێان وه ڕێ ڕاسی کفر ئویشریێ.

دویم پتروس 2:7

و ئەگەر لوت سالحان که له ڕێ رەوشت هەرزەیی ئەو ئایەمیله شەڕئاشوه فره پەشێو بوی ڕزگار کرد،

دویم پتروس 2:14

چەویلێگ دێرن پڕ له داوانپێسی که له گونا کردن تێر نیود. ئی مناڵیل لانەت کریایه، ئایەمیلێگ خەڵەتنن که بەردەوام نین، ئەوانه دڵیلێان هوکارەێ تەما بیه!

دویم پتروس 3:17

جا ئیوه ئێ عەزیزەیل، ئێرنگه که وه نواوه ئی چشتیله زانين، هوشدان بود نەخواێ وه خەتای مەردم نادرس له ڕێ دەر بچین و بەردەوامیدان له دەس بیەین،