دویم پتروس 2:12 - کتاب مقدس به زبان کردی جنوبی - گویش کلهوری

¹² وەلێ ئیانه هەر جور گیانەوەریل نەفامن که ڕێ رەوشتیان له ڕوی سریشتێانه و هاتنەسه دنیا تا بکەفنه تەله و نابود بون. ئیانه له باوەت چشتیلی که نیەزانن چەس، کفر کەن. جا ئەوانه وەناو گەنیان خوێان، نابود بون.

دویم پتروس 2:12 Referans Kwoze

یەهودا 1:10

وەلێ ئی ئایەمیله وه گشت ئەو چشتیله که نیەفامن خراو دەن و گشت ئەو چشتیلی که جور گیانەوەریل بێ فام، له ڕوی سریشت فامن، هەر ئەوەیشه بوده سەوەو له بین چیێنیان.

دویم پتروس 2:19

وه ئەوانه وادەێ ڕزگاری دەن، وەحاڵێگەو خوێان خوڵام گە‎نیانن؛ چوینکه هەر چشتێ که وه مل ئایەم زاڵ بود، ئایەم بوده خوڵام هەر ئەو چشته.

نامه وە غەلاتییل 6:8

کەسێگ که ئەڕا جەسەێ خوەێ بکاڵێد، له جەسەوه گەنیان درەو کەی؛ وەلێ کەسێگ که ئەڕا روح خودا بکاڵێ، له روح خودا زنەیی ئەبەدی درەو کەی.

دویم پتروس 1:4

ئەیو وه وەسلەێ ئیانه وادەیل گران قیمەت و فره گەوراێ خوەێ وەپێمان بەخشیه، تا له ڕێ ئەوانه هاوبەش سریشت خودایی بوین و له گە‎نیانیگ که له مەیل گونا ها ناو دنیا ، دەر بچین.

یوحەنا 8:21

ئمجا وه دواره عیسا وەپێان وەت: «مه چم و ئیوه مینێ مه کین و وەناو گونادان مرین. ئیوه نیەتویەنین باین ئەڕا ئەو شونه که مه چم.»

مەرقوس 7:22

تەما، بەێ خوازی، فێڵبازی، هەرزەیی، حەسویی، بخت کردن، لویتبەرزی و گیلگەوجی.

نامه وه کولوسییل 2:22

ئیانه گشتێ له باوەت ئەو چشتیلیەسه که وه وەسلەێ وه کار بردن، له بین چن و له بان حوکمیل و تالیمیل بەشەری نریانەسه پاوه.