دویم پتروس 1:2 - کتاب مقدس به زبان کردی جنوبی - گویش کلهوری

² وه وەسلەێ ناسین خودا و خوداوەند ئیمه عیسا، فیز و ئاشتی و سڵامەتی فرەفره وه ملدانەو بود.

دویم پتروس 1:2 Referans Kwoze

دویم پتروس 3:18

بەڵکەم وەناو فیز و ناسین خوداوەند و نجات دەر ئیمه عیسا مەسیح، گەوراوه بین. وه ئەیو له ئێرنگه تا ئەبەد و تا ئەبەد جەڵاڵ بود! ئامین.

نامەێ فیلیپییل 3:8

وەڕاسی گشت چشتێگ وەبونەێ ناسین خوداوەندم مەسیح عیسا که باێەختر له هەر چی چشته، زیان ژمارم. وەبونەێ ئەیو گشت چشتێگ له دەس دامه و هەر جور گناڵخه وه حساو تیەرم تا مەسیح وه دەس بارم و

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

یەهودا 1:2

بەزەیی و ئاشتی و سڵامەتی و مابەت، فرەفره وه ملدانەو بود.

رومیەگان 1:7

وه گشت ئەوانه که وەناو شار روم، خودا دوسیان دێرێ و دەنگ کریانه تا له موقەدەسیل بون: فیز و ئاشتی و سڵامەتی لەلاێ خودا، باوگ ئیمه و خوداوەند عیسا مەسیح، وەگەرددانەو بود.

لوقا 10:22

باوگم گشت چشتێگ وه مه سپاردیه. هویچکەس نیەزانێ کوڕ کیه بێجگه باوگ، هویچکەیش نیەزانێ باوگ کیه بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.»

وەحی وه یوحەنا 1:4

له یوحەنا، وه هەفت کلیسا که هانه ناوچەێ ئاسیا: فیز و ئاشتی و سڵامەتی وە لاێ ئەیو که هەس و بی و تێد‎ و له لاێ هەفت روح نوای تەخت ئەیو،

دویم پتروس 2:20

چوینکه ئەوانه که وەگەرد ناسین خوداوەند و نجات دەر ئیمه عیسا مەسیح، له ناپاکییل جهان دەرچینه، ئەگەر وه دواره تویش ئەو چشتیله با‎ن و ئەوانه وه سەر ئی ئایەمیله زاڵ بون، ئاخرێان خراوتر له سەرەتاێانه.

دویم پتروس 1:8

چوینکه ئەگەر ئی چشتیله وه ناودان بود و فرەوه بود، نێیلید وه ناو ناسین خوداوەند ئیمه عیسا مەسیح، بێ فایده یا بی بەر بوین.

دویم پتروس 1:3

هێز خودایی ئەیو هەر چی که ئەڕا زنەیی و خوداپەرەسی هەوەجیه، ناسه وەر دەسمان. ئیه له ڕێ ناسین ئەیوه که ئیمه وه جەڵاڵ و خاسێ خوەێ دەنگمان کرد.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

دویم پتروس 1:5

وه ئی بونه، حساوی تەقالا بکەن تا وه مل ئیماندان خاسێ فرەوه بکێن و وه مل خاسێ، ناسین