دویم پتروس 1:12 - کتاب مقدس به زبان کردی جنوبی - گویش کلهوری

¹² جا توام ئی چشتیله هەمویشه بخەمه هویردان، هەر چەن ئەوانه زانين و له ئەو ڕاسیه که دێرین، بەردەوامین.

دویم پتروس 1:12 Referans Kwoze

یەکم یوحەنا 2:21

مه ئیه ئەڕادان نیەنویسم وەبونەێ ئەوه که ڕاسی نیەزانین، بەڵکەم وەبونەێ ئیه که ڕاسی زانین و هەرئیجوره زانین که هویچ دروێگ له ڕاسی سەرچاوه نیەگرێ.

نامەێ فیلیپییل 3:1

دەس ئاخر ئێ برايلم، وەناو خوداوەند دڵشاد بوین! نویساین هەر ئەو چشتیله ئەڕادان، زامەتێگ ئەڕام نێری بەڵکەم ئەڕا ئەمن بین ئیوەس.

نامه وه کولوسییل 2:7

وەناو ئەیو ریشه بکوتن و بنریەنە سەرپاوه و هەر ئەوجورە که تالیم گردین، وەناو ئیمان بەردەوام بون و نیقەڵتوز شوکر کردن بون.

یەهودا 1:5

ئێرنگه هەر چەن ئیوه یەێ جار له گشت ئی چشتیله ئاگادارەو بوینه، وەلێ توام بخەمه هویردان که خوداوەند عیسا که قەوم جویلەکە له میلکان مسر نجات دا، وەلێ وەشون ماوەێگ تر ئەوانه که ئیمان نیاشتن، نابود کرد.

دویم یوحەنا 1:2

وەبونەێ ئەو ڕاسیه که وەناومان نیشتەجێ بیه و تا ئەبەد وەگەردمانەو مینێد.

دویم پتروس 1:13

مه فکر کەم ئیجوره درسه که تا وەختێگ هامه ناو ئی جەسه، وه وەسلەێ وه هویر خستن ئی چشتیله، هەڵدانگڕنم،

یەهودا 1:17

وەلێ ئیوه ئێ عەزیزەیل، باێه پێشگویییل ڕەسولەیل خوداوەند ئیمه عیسا مەسیح وه هویردان بود.

یەهودا 1:3

ئێ عەزیزەیل، ئەگەر چ تاسەێ فرەێگ داشتم تا له باوەت نجاتیگ که وەناوێ بەشداریم ئەڕا ئیوه بنویسم، وەلێ واجو دیم ئیه ئەڕادان بنویسم و بلاڵکمه پێدان که ئەڕا ئەو ئیمانه زورزمەکی بکێن، هەر ئەو ئیمانه که یەێ جار ئەڕا هەمویشه وه ئیمانداریل وه مەسیح سپاریاس.

دویم پتروس 3:17

جا ئیوه ئێ عەزیزەیل، ئێرنگه که وه نواوه ئی چشتیله زانين، هوشدان بود نەخواێ وه خەتای مەردم نادرس له ڕێ دەر بچین و بەردەوامیدان له دەس بیەین،

دویم پتروس 3:1

ئێ عەزیزەیل، ئیه نامەێ دویمه که ئێرنگه ئەڕادان نویسم. هەر دو نامەگه وه بونەێ ئیه که بارمه هویردان‎ نویسامه تا ئیوه ئەڕا یە فکر پاک هەڵگڕنم،

دویم پتروس 1:15

مه هەر چی له دەسم تێ کەم تا بتویەنێن وه شون چیێنم له ئی دنیا هەمویشه ئی چشتیله بارینه هویردان.

یەکم پتروس 5:12

وه وەسلەێ سیلاس که ئەوه هەر جور براێ ئەمینێگ زانم، ئی چەن خەته کوڵ و کوڵبڕ ئەڕا ئیوه نویسامه تا هاندان بێەم و شاێەتی بێەم که هەر ئیەسه فیز ڕاسەکانی خودا. وەناو ئی فیزه قورس بوسن.

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.

عبرانییل 13:9

وەگەرد تالیمیل جورواجور و عەڵاجوی له ڕێ دەر نەچین؛ چوینکه خاسه که دڵ ئنسان له فیز وەقەوەتەو بود، نه له خواردەمەنیێلێ که ئەڕا کەسیلێگ که خوێان وەقفێ کردنه، هویچ نەفێگ نیاشتیه.

عبرانییل 10:32

وەلێ ئەو ڕوژیل جارانه بارنه هویردان، وەختێگ که تازه وەگەرد نویر خودایی نویرانیەو بوین؛ له ناو ئەو ڕوژیله، وه تاموڵ رەنجیل وەناو جەنگین سەختێگ بەردەوامی داینه خەرج.

دویم تیموتاوس 1:6

وه ئی بونه، خەمه هویرد که ئەو خەڵاتی خودا که وه پێ دەس ناین مه، له ناو توی جێ گردێه، گڕه بخێده لێ.

یەکم نامەێ تیموتاوس 4:6

ئەگەر ئی کاریله بخیدەێ هویر برایل، بیده خزمەتکار خاس مەسیح عیسا، گەورا بی وەناو کەڵام ئیمان و تالیم خاسێگ که کەفتیدەسه شونێ.

کاریل ڕەسولەیل 16:5

جا کلیسایل وەناو ئیمان گیان گردیان و هەرچێ ڕوژه فرەترەو بویان.

نامه وه کولوسییل 1:5

ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،