دویم پتروس 1:1 - کتاب مقدس به زبان کردی جنوبی - گویش کلهوری

¹ له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

دویم پتروس 1:1 Referans Kwoze

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

تیتوس 1:4

وه تیتوس، ڕوڵەێ ڕاسەکانیم وەناو ئیمانێگ که نسیو گشتمان بیه: له لاێ خوداێ باوگ و نجات دەر ئیمه مەسیح عیسا فیز و ئاشتی و سڵامەتی وه ملدەو بود.

دویم قورنتییل 4:13

وەناو کتاو زەبور نویسریاس: «ئیمان هاوردم، جا قسیه کردم.» هەر ئەو روح ئیمانه وەناو ئیمەیش هەس و ئیمەیش قسیه کەیمن.

یوحەنا 12:26

ئەگەر کەسێگ خزمەتم کەی، باێه بکەفێه شونم؛ مه له هەر کوره بوم، خزمەتکارەگەمیش ها ئەوره. ئەگەر کەسێگ خزمەتم بکێ، باوگ ئاسمانی سەربەرزێەو کەێ.

رومیەگان 1:12

یانێ تا له ئیمان یەکترەکی دڵگەرمەو بویمن، من له ئیمان ئیوه و ئیوه له ئیمان من.

دویم پتروس 1:4

ئەیو وه وەسلەێ ئیانه وادەیل گران قیمەت و فره گەوراێ خوەێ وەپێمان بەخشیه، تا له ڕێ ئەوانه هاوبەش سریشت خودایی بوین و له گە‎نیانیگ که له مەیل گونا ها ناو دنیا ، دەر بچین.

یەکم پتروس 1:1

له پتروس، ڕەسول عیسا مەسیح، وه ئەو هەڵوژاریەگانێ که وەناو مەنتەقەیل پونتوس و غەلاتیه و کاپادوکیه و ئاسیا و بێتینیه وەناو غەریوی تەفرتوینان؛

ئەفسوسیێل 4:11

جا ئەیو بی که بەخشی ڕەسولەیل، نەبوەتکەریل، مزگانیدەریل، شوانیل و ماموستایل،

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

لوقا 1:47

روحم وەبونەێ نجات دەرم خودا، کەیف و خوەشی کەی،

یەکم پتروس 5:1

من که خوەم یەکی له شێخیلم و شاێەت رەنجیل مەسیح و هاوبەش جەڵاڵێگ که وه ئی زویه ئاشکرا بود، شێخیلێگ که هانه ناودان ئاموژیاری کەم که:‏

دویم تیموتاوس 1:5

ئیمان بی خڵت خەوش توی تیەرمه هویرم که یەکم جار له ناو نەنگد لوئیس و ئمجا له ناو داڵگد یونیکی نیشتەجێ بی و دڵنیام ئێرنگەیش له ناو توی نیشتەجێه.

نامەێ فیلیپییل 3:9

وەناو ئەیو پەێا بوم، نه وەگەرد سالح بوین خوەم که له شەریعەته، بەڵکەم وەگەرد ئەو سالح بوینه که له ڕێ ئیمان وه مەسیح وه دەس تێد، ئەو سالح بوینه که له خوداس و وه ڕوی ئیمانه.

کاریل ڕەسولەیل 15:14

شەمعون پتروس وەت که چوی ئەڕا یەکم جار ناجویلەکەیل پەسەن خودا هاتن و وەناوێان قەومێگ ئەڕا خوەێ هەڵوژاردێه.

ئنجیل مەتا 10:2

ئیەسه ناو ئەو دوانزه ڕەسوله: یەکمین شەمعون ناودار وه پتروس وەگەرد ئاندریاس براێ؛ یاقوب کوڕ زبدی و یوحەناێ براێ؛

یەکم پتروس 2:7

جا ئی کوچگه ئەڕا ئیوه که ئیمان هاوردینه، حرمەته؛ وەلێ ئەڕا ئەوانه که ئیمان ناوردنه، «کوچگیگ که بەناگان ڕەدێ کردن بیەسه گرنگترین کوچگ بنەوا،»

یەکم پتروس 1:7

تا بی خڵت خەوش بوین ئیماندان له ناو ئەزمون مور بود و له وەخت ئاشکرابوین عیسا مەسیح بایس ستایش و جەڵاڵ و حرمەت بود، هەر ئەو ئیمانه که فره گران قیمەت‎تر له تەڵاێگه که هەرچەن له بین چود وەلێ وه وەسلەێ ئاگر ئەزمون بود.

تیتوس 1:1

له لاێ پولوس، خوڵام خودا و ڕەسول عیسا مەسیح. مه دیاری کریام که ئیمان هەڵوژاریەگان خودا وه قەوەتەو بکەم و ڕاسیێگ که ها مل دینداری، بویشم.

نامەێ فیلیپییل 1:29

چوینکه ئی شانازیه نسیو ئیوه بیه که نه تەنیا وه مەسیح ئیمان بارین، بەڵکەم وەبونەێ ئەیو رەنجیش بکیشین.

ئەفسوسیێل 4:5

یەێ خوداوەند، یەێ ئیمان، یەێ خوسڵ تەعمید؛

ئەفسوسیێل 3:5

رازێگ که وەناو نەتەوەیل جاران وه بەنی ئایەم ئاشکرا نەکریاوی، هەر ئەوجورە که ئیسه له ڕێ روح خودا وه ڕەسولەیل موقەدەسێ و نەبوەتکەریل، ئاشکرا بیه.

نامه وە غەلاتییل 2:8

چوینکه خوداێگ که هێز داده پتروس تا ڕەسول خەتەنه کریایل بود وه منیش هێز دا تا بومه ڕەسول ناجویلەکەیل.

دویم قورنتییل 5:21

خودا کەسێگ که گونا نەناسێ، ئەڕا ئیمه کرده گونا، تا وه یەکەو بون وەگەرد ئەیو بویمنه سالحان خودا.

یەکم قورنتییل 15:9

چوینکه من وەناو ڕەسولەیل له گشتێان کەمترم و شایسەێ ئەوه نیم وه ڕەسول ناوم بوەن، ئەڕا ئیه که وه کلیساێ خودا ستەم کردیام.

یەکم قورنتییل 9:1

ئێ مه ڕزگار نیم؟ ئێ مه ڕەسول نیم؟ ئێ خوداوەندمان عیسا نێیمه؟ ئێ ئیوه بەر کار من وەناو خوداوەند نین؟

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

رومیەگان 1:17

چوینکه وەناو ئینجیل، ئەو سالح بوینه که له خوداس ئاشکراوه بود، که له سەرەتا تا وه ئاخر ها مل ئیمان. هەر ئەوجورە که وەناو کتاو حەبەقوق پەێخەمەر نویسریاس: «سالحان وه ئیمان زنەیی کەی.»

یوحەنا 20:21

عیسا وه دواره وەپێان وەت: «سڵام وه ئیوه! هەر ئەوجورە که باوگ مه کل کردێه، منیش ئیوه کل کەم.»

یوحەنا 1:42

ئاندریاس براگەێ خوەێ برده ئەڕا لاێ عیسا. عیسا تماشاێ کرد و وەت: «تو شەمعون کوڕ یوحەناێ، وەپێد ئویشن ’کیفا‘.» وه کیفا له زوان یونانی ئویشن پتروس که وه ماناێ تاش کەمەره.

لوقا 11:49

وه ئی بونه زانیاری خودا فەرمایش کردێه که ”مه ئەڕا ئەوانه پەێخەمەریل و ڕەسولەیل کل کەم. وەلێ بڕێگیان کوشن و بڕێگیان عەزاو دەن.“

ئنجیل مەتا 4:18

وەختێ عیسا وه لیوەێ دەریاچەێ جەلیل ڕێ کردیا، دو برا دی، شەمعون که وەپێ وەتیان پتروس وەگەرد ئاندریاس براێ، که توڕ خستیانه دەریاچەگه، چوینکه ماسیگر بین.

نامەێ فیلیپییل 1:1

له پولوس و تیموتاوس خوڵامیل مەسیح عیسا، ئەڕا گشت موقەدەسیل که هانه ناو مەسیح عیسا له شار فیلیپی، وەگەرد هێوەتکەریل و شەماسەیل:

یاقوب 1:1

له یاقوب، خوڵام خودا و خوداوەند عیسا مەسیح، وه دوانزه هوز قەوم ئێسرائیل که وەناو جهان تەفرتوینان. سڵام!

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه: