دویم قورنتییل 8:9 - کتاب مقدس به زبان کردی جنوبی - گویش کلهوری

⁹ چوینکه له فیز خوداوەندمان عیسا مەسیح ئاگادارین که هەر چەن دەوڵەمەن بی، وەبونەێ ئیوه دەستەنگێ گردەوەر تا ئیوه وەبونەێ دەستەنگێ ئەیو دەوڵەمەن بوین.

دویم قورنتییل 8:9 Referans Kwoze

رومیەگان 8:32

ئێ خوداێگ که کوڕەگەێ خوەێ دریخ نەکرد، بەڵکەم ئەیو له ڕێ گشتمان داده دەسەو، ئێ وەگەردیشێەو گشت چشتێگ وه دەس دڵوازای نيەوەخشێده پێمان؟

ئنجیل مەتا 20:28

تەنانەت کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا ڕزگاری ئایەمیل فرەێگ فەدا بکێ.»

رومیەگان 5:8

وەلێ خودا مابەت خوەێ وه ئیمه ئیجوره نیشان دەێ که هناێ ئیمه هێمراێ گوناکار بیمن، مەسیح ئەڕامان مرد.

دویم قورنتییل 6:10

وەگەردمان جور ئایەمیل خەمبار ڕێ رەوشت کریەێ، وەئی حاڵەو هەمویشه دڵشادیم؛ وەگەردمان جور دەستەنگیل ڕێ رەوشت کریەێ، وەئیحالەو فره کەس دەوڵەمەنەو کیم؛ وەگەردمان جور کەسێگ که هویچ نێری ڕێ رەوشت کریەێ، وەئیحالەو خاون گشت چشتێگیم.

ئەفسوسیێل 2:7

تا وه دەورەی وەرەڕوی، دەوڵەمەنی بی ئەنازەی فیز خوەێ، له ڕێ مێرەبانی که وەناو مەسیح عیسا وه ئیمه دێرێ، نیشان بێید.

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یاقوب 2:5

برایل عەزیزم، گوش بگرن! مەر خودا دەستەنگیل ئی جهانه هەڵنەوژاردیه تا وەناو ئیمان دەوڵەمەن بون و پادشایێگ وه میراتی بوەن که ئەیو وه ئەوانه که دوسی دێرن، واده داس؟

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

یەکم نامەێ تیموتاوس 6:18

وه ئەوانه دەستور بیه که خاسێ بکەن و ئەڕا کاریل خاس، دەوڵەمەن بون و بەخشەنه و دەسدڵواز بون.

دویم قورنتییل 13:14

فیز خوداوەند عیسا مەسیح، مابەت خودا و هاوبەشی روح‌القودوس وەگەرد گشتدانەو بود.

لوقا 16:11

ئمجا ئەگەر لەباوەت ماڵ دارایی نارەوای ئی دنیا ئەمین نوین، کیه که ماڵ دارایی ڕاسەکانی وه ئیوه بسپارێ؟

عبرانییل 1:2

وەلێ وەناو ئی ڕوژیل ئاخره وه وەسلەێ کوڕەگەێ خوەێ وەگەرد ئیمه قسیه کردێه، هەر ئەو کوڕه که ئەیو وه میراتیخوەر گشت چشتێگ دیاری کرد و وه وەسلەێ ئەیویش جهان درس کرد.

لوقا 9:58

عیسا جواو دا: «ڕووییل کونا ڕووی دێرن و باڵەندەیل ئاسمان لانه، وەلێ کوڕ ئنسان شونێگ ئەڕا سەر وه زەوی ناین نێری.»

وەحی وه یوحەنا 3:18

ئاموژیارید کەم که تەڵای ناب له ئاگر گوزەریاێ له مه بسێنێ تا دەوڵەمەنەو بید و دڵنگیل چەرمگ له مه بسێنێ تا بکێده وەرێد و شەرمزاری ڕویتیەگەد دیار نود؛ مەلهەمێگ له مه بسێنێ، تا بماڵیده بان چەویل خوەد و بیناوه بید.

ئەفسوسیێل 3:19

مابەت مەسیح بناسین که فره بانتر له ماریفەت بەشەریه، تا له گشت پڕی خودا نیقەڵتوز بوین.

یەکم قورنتییل 1:4

مه هەمویشه ئەڕا ئیوه سپاس خوداێ خوەم کەم، وەبونەێ فیز خودا که وەناو مەسیح عیسا بەخشریاسە پێدان.

لوقا 2:7

ئەوه یەکم زگێ که کوڕێگ بی وه دنیا هاورد. مناڵەگەێ پێچاده ناو کوڵپیچگ و نادێ ناو ئاخوڕێگ و خەفانی، چوینکه وەناو مێوانخانه شونێگ ئەڕاێان پەێا نوی.

یوحەنا 16:15

هەر چی هن باوگه، هن منه. جا وه ئی بونه وەتم ئەو چشته که هن منه گرێد و وەپێدان جار دەێ.

یوحەنا 1:17

چوینکه شەریعەت له ڕێ موسای پەێخەمەر دریاد؛ فیز و ڕاسی له ڕێ عیسا مەسیحەو هات.

یوحەنا 1:10

ئەیو وەناو جهان بی و جهان له ڕێ ئەیو وه دی هات؛ هەر چەن جهان نەناسێی.

ئنجیل مەتا 8:20

عیسا وەپێ وەت: «ڕووییل کونا ڕووی دێرن و باڵەندەیل ئاسمان لانه، وەلێ کوڕ ئنسان شونێگ ئەڕا سەر وه زەوی ناین نێری.»

وەحی وه یوحەنا 21:7

هەر کەسێگ بوێدەو، ئیه وه میراتی بەێد و مه بومه خوداێ ئەوه و ئەوه بوده کوڕ مه.

یەکم قورنتییل 15:47

ئنسان یەکم له خوڵ زەویه؛ ئنسان دویم له ئاسمانه.

رومیەگان 11:12

ئیسه ئەگەر خەتای ئەوانه بوده بایس دەوڵەمەنی جهان و ئەگەر شکەسیان بوده بایس دەوڵەمەنی ناجویلەکەیل، جا وەختێ که ژمارەێ جویلەکەیلی که نجات پەێا کەن، کامڵەو بود، چەنێ فرەتر بوده بایس دەوڵەمەنی؟

یوحەنا 17:19

وەبونەێ ئەوانه خوەم تەقدیس کەم، تا ئەوانیش وەناو ڕاسی تەقدیس بون.

یوحەنا 12:30

عیسا وەت: «ئی دەنگه ئەڕا ئیوه بی، نه ئەڕا مه.

مەرقوس 6:3

ئەیو مەر ئەو چو تاشه نیه؟ مەر کوڕ مریەم و براێ یاقوب و یوشا و یەهودا و شەمعون نیه؟ مەر خویشکیلێ وه ئێرا، لەلامان نين؟» وه ئی بونه وه لێان بەر خوارد.

ئنجیل مەتا 17:27

وەلێ ئەڕا ئیه که نەرەنجنیمنیان، بچوه لیوەێ دەریاچەگه و قولاوی بخه. یەکم ماسی که گردی، دەمێ بکەرەو. سکەێگ چوار درهەمی پەێا کەی، بوەری و بەش خوەم و خوەد بیه پێان.»

نامه وه کولوسییل 1:24

ئێرنگه له رەنجیلێ که وەبونەێ ئیوه کیشام خوەشاڵم و هەر کەم کەسری بەردیلی که مەسیح وەبونەێ جەسەێ یانێ کلیسا کیشاس، وەناو جەسەێ خوەم کامڵەو کەم.

لوقا 8:3

یوئانا ژن خوزا، کار وه دەس هیرودیس، سوسەن و قێرێ ژنیل تر. ئی ژنیله وه دارایی خوێان، مەیەت عیسا و شاگردیلی دیان.

رومیەگان 15:3

چوینکه مەسیح وەشون خوەشنودی خوەێ نوی، بەڵکەم هەر ئەوجورە که وەناو کتاو زەبور نویسریاس: «سەرزەنشتیل ئەوانه که سەرزەنشتد کردن ڕشیا ملما.»

وەحی وه یوحەنا 2:9

له بەرد و دەستەنگێد ئاگادارم، وەلێ دەوڵەمەنی! له بختیل ئەوانه که خوێان جویلەکە زانن وەلێ نین، بەڵکەم کەنیسەێ شەیتانن، خەوەر دێرم.