دویم قورنتییل 7:3 - کتاب مقدس به زبان کردی جنوبی - گویش کلهوری

³ من ئیه ئەڕا ماکوم کردنێدان، نیویشم. چوینکه وەرجەوە وەپێدان وەتویم که ئەوجورە ئیوه هاینه ناو دڵمان که گورجیم تا وەگەرددان وه یەکەو بمریمن و وەگەرددان وه یەکەو زنەیی بکێم.

دویم قورنتییل 7:3 Referans Kwoze

یەکم تسالونیکییل 2:8

ئەوقره خوەشمانه لێدان هات که گورجەو بیمن نه تەنیا ئینجیل خودا وەپێدان برەسنیم، بەڵکەم گیانمانیش له ڕێ ئیوه بێیم، وەبونەێ ئیه که ئیوه ئەڕامان فره عەزیزەو بوین.

دویم قورنتییل 13:10

هەر وه ئی بونه، چوینکه خوەم له لادان نیم ئی چشتیله ئەڕادان نویسم، تا وەختێگ هاتمه ئەڕا لادان، ناچار نەوم دەسڵات خوەم وه تونی وه کار بوەم، ئەو دەسڵاته که خوداوەند بەخشیەسه پێم نه ئەڕا خاپور کردن، بەڵکەم ئەڕا بنیاد ناینه.

دویم قورنتییل 12:15

جا مه وه خوەشی فرەێگەو هەر چه دێرم دەم تەنانەت گیانمیش دریخ نیەکەم. ئەگەر من ئی هەمگه دوسدان دێرم، ئێ ئیوه باێه کەمتر دوسم بیاشتوین؟

دویم قورنتییل 11:11

ئێ ئەڕا چه؟ وەبونەێ ئیەسه که دوسدان نێرم؟ خودا زانی که دوسدان دێرم!

دویم قورنتییل 7:12

جا ئەگەر ئەڕادان نامه نویسام وەبونەێ ئەو کەسه که خراوی کردێه و یا ئەوه که وەپێ خراوی بیه، نویه؛ بەڵکەم وه ئی بونه بی که لەلاێ خوداوه غیرەتدان وه ئیمه، وه خوەدان ئاشکرا بود.

دویم قورنتییل 3:2

ئیوه خوەدان سفارش نامەێ ئیمەین، نامەیگ که وەناو دڵمان نویسریاس تا گشتیەکی بخوەنن و بفامن.

نامەێ فیلیپییل 1:7

من حەق دێرم که له باوەت گشتدان ئیجور ئافتوهەستێگ بیاشتویم، ئەڕا ئیه که ئیوه هاینه ناو دڵم؛ چوینکه گشتدان وەگەردمەو وەناو فیز خودا بەشدارین، چ وەناو زندان بوم و چ خەریک دەفا و مور بین ڕاس درسی ئینجیل.