دویم قورنتییل 4:7 - کتاب مقدس به زبان کردی جنوبی - گویش کلهوری

⁷ وەلێ ئی گەنجینه لەناو دەفریل خەڕێین دێریم، تا ئاشکراوه بود که ئی هێز ئەڵاجویە له خوداس نه له ئیمه.

دویم قورنتییل 4:7 Referans Kwoze

دویم قورنتییل 5:1

ئێرنگه زانیمن هەر وەخت ئی دەواره که ها بان زەوی که وەناوێ نیشتەجێیمن بڕمێد، ماڵێگ له خودا دێریم که ئەبەدیه و ها ناو ئاسمان، ماڵی که دەس درسی نەکردیه.

یەکم قورنتییل 1:28

خودا ئەو چشته که وەناو ئی جهانه پایەنزم و سوکه و تەنانەت وه هویچ و پویچن، هەڵوژارد تا چشتیلی که هەن، پویچەڵ بکێ،

نامه وه کولوسییل 2:3

هەر ئەو مەسیحه که گشت خەزانەیل زانیاری و ماریفەت وەناو ئەیو شاریاسەو.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

دویم قورنتییل 10:10

چوینکه بڕێگ ئویشن: «نامەیلی قورس و وه هێزن، وەلێ بیێنەگەی بی هازه و قسیەگانی سوکه.»

ئنجیل مەتا 13:44

«پادشایی ئاسمان جور گەنجێگه که وەناو زەویزارێگ شاریاویدەوه، جا یەکی پیاێ کەید و وه دواره شارێدێەو، ئمجا وه خوەشیەو چود هەر چی دێرێ فروشێد و ئەو زەویزاره سێنێ.

دویم تیموتاوس 2:20

وەناو ماڵ گەوراێگ، تەنیا دەفریل تەڵا و نقره نیه، بەڵکەم دەفریل چویی و خەڕێنیش هەس؛ ئەوانه وه دەرد کاریل خاس خوەن، ئیانه وه دەرد کاریل دەم دەسێ.

دویم قورنتییل 4:1

ئمجا وەگەرد داشتن ئیجور خزمەتێگ که وەبونەێ ئەو بەزەیی خودا دێریم، دڵسەرد نیویمن.

نامه وه کولوسییل 2:12

وەناو خوسڵ تەعمید، وەگەرد مەسیح نریاینەسه قەور و وەگەردیەو زنییشەو بینه، له ڕێ ئیمان وه کار هێزدار خوداێگ که مەسیح له مردگیل زنیەو کرد.

یەکم تسالونیکییل 1:5

ئەڕا ئیه که ئینجیلێگ که ئیمه جار دایمنه نه تەنیا وەگەرد کەلیمەیل، بەڵکەم وەناو هێز و وەناو روح‌القودوس و وەگەرد دڵنیایی کامڵ وه پێدان رەسێ، ئیوه زانين که وه خاتر ئیوه رێ رەوشتمان وه‌ناودان چوی بی.

ئەفسوسیێل 2:5

تەنانەت وەختێ که وەناو خەتایلمان مردویمن، ئیمه وەگەرد مەسیح زنیەو کرد. جا له ڕێ فیزه که نجات پەێا کردینه؛

دویم قورنتییل 13:4

وەبونەێ ئیه که هەر چەن وەناو بی هازی وه سەلیب کیشریا، وەلێ وه هێز خودا زنەیی کێ. هەر ئیجوره، ئیمەیش وەناو ئەیو بی هازیم، وەلێ وەگەردیەو وه نوای ئیوه وه هێز خودا زنەیی کەیمن.

دویم قورنتییل 6:10

وەگەردمان جور ئایەمیل خەمبار ڕێ رەوشت کریەێ، وەئی حاڵەو هەمویشه دڵشادیم؛ وەگەردمان جور دەستەنگیل ڕێ رەوشت کریەێ، وەئیحالەو فره کەس دەوڵەمەنەو کیم؛ وەگەردمان جور کەسێگ که هویچ نێری ڕێ رەوشت کریەێ، وەئیحالەو خاون گشت چشتێگیم.

ئنجیل مەتا 13:52

عیسا فەرمایش کرد: «جا، هەر ماموستاێ تەوراتێگ که له باوەت پادشایی ئاسمان تالیم گردێه، جور ساێو ماڵێگه که له گەنجینەێ خوەێ چشتیل نو و کویەنه دەر تیەرێ.»

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

یەکم تسالونیکییل 4:4

هەر کامدان باێه بزانێ که چوی وەناو موقەدەس بوین و حرمەت، جەسەێ بگرێه ژێر فەرمان خوەێ.