دویم قورنتییل 4:4 - کتاب مقدس به زبان کردی جنوبی - گویش کلهوری

⁴ خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

دویم قورنتییل 4:4 Referans Kwoze

یوحەنا 12:40

«ئەیو چەویلیان کور و دڵیان ڕەقەو کردێه، تا نەخواێ وه چەویلیان بوینن و وه دڵیان بفامن و هەڵوگەردیەن و شەفاێان بێەم.»

دویم قورنتییل 3:14

وەلێ زەینێان تیەریکەو بی. چوینکه تا وه ئیمڕو، هەر وەخت پەێمان کویەنه خوەنن ئەو ڕویبەنه مەنیه و لا نەوریاس، چوینکه تەنیا وه وەسلەێ مەسیح لاچود.

کاریل ڕەسولەیل 26:18

تا چەویلیان واز بکێ که له تیەریکی ئەڕا نویر و له هێز شەیتان ئەڕا لاێ خودا هەڵوگەردیەن، تا گونایلێان بوەخشرێید و وەناو ئەوانه که وەگەرد ئیمان وه من موقەدەسەو بینه، بەشێگ بیاشتون.“

یەکم یوحەنا 5:19

ئیمه زانیمن که له خودایمن و گشت جهان پاڵەو داسه ژێر هێز ئەو شەڕئاشوه.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

ئەفسوسیێل 2:2

یەێ وەختێگ وەناو ئەوانه زنەیی کردیاین، ئەوسا که کەفتوینه شون ڕێ رەوشت ئی جهان و سەروک هێز هەوا، یانێ ئبلیس، هەر ئەو روحه که ئێرنگه وەناو کوڕیل ملچەفتەوکەر کار کەی.

ئەفسوسیێل 6:12

چوینکه ئیمه وەگەرد ئایەمیل که له خوین و گوشتن زوران نیەگریم، بەڵکەم ئیمه وه زد فەرمانرەوایل و دەسڵاتداریل، وه زد هێزیلێ که هانه مل ئی جهان تیەریکه و وه زد لەشکەریل روحیل شەڕئاشو که هانه ناو شونیل ئاسمانی، زوران گریم.

یوحەنا 12:31

ئێرنگه وەخت داوەری ئی جهانەسه؛ ئێرنگه سەروک ئی جهانه دەر کریەد.

یوحەنا 8:12

عیسا وه دواره وەگەرد مەردم قسیه کرد و فەرمایش کرد: «منم نویر جهان. هەر کەسێگ بکەفێه شونم وەناو تیەریکی ڕێ نیەکێ، بەڵکەم نویر زنەیی دێرێد.»

یوحەنا 12:35

جا عیسا وەپێان وەت: «نویر ئەڕا قێرێگ‎تر ها گەرددانەو. تا نویر ها گەرددانەو، ڕێ بکەن نەخواێ تیەریکی ئیوە بگرێده وەر. هەر کەس وەناو تیەریکی ڕێ کێ، نیەزانێ ئەڕا کوره چود.

یوحەنا 14:30

وەخت فرەێگ نەمنیه که وەگەرددانەو قسیه بکەم، چوینکه سەروک ئی جهانه دێرێ تێی. ئەوه هویچ قوڕاتیگ نیەتویەنێ ئەڕام بێید؛

دویم قورنتییل 3:18

گشتمان‎ وەگەرد دەمچەویل بی ڕویبەن، هەر جور نوڕین وەناو جامەک نوڕێیمنه جەڵاڵ خوداوەند. جور وێنەێ که وەناو جامەک دوینیم له یە جەڵاڵ وه جەڵاڵ گەوراتر گویڕێیم. چوینکه ئیه له لاێ خوداوەند سەرچاوه گری هەر ئەو خوداوەند که روحه.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

نامه وه کولوسییل 1:15

ئەیو وێنەێ خوداێ نادیاریه، یەکم زگ، نواتر و بانتر له گشت درسکریایل خوداس،

یەکم یوحەنا 2:8

وەلێ وه ئی حاڵەو ئیه حوکمێگ تازەس که ئەڕادان نویسم که ڕاسیەگەی ئی حوکمه وەناو ئەیو و وەناو ئیوه دیاره، چوینکه تیەریکی چوده سەر و نویر ڕاسەکانی هەر ئێرنگەیش دروشێدەو.

نامەێ فیلیپییل 2:6

ئەیو که هاوشیوەێ خودا بی، له بەرابەری وەگەرد خودا وه نەف خوەێ باره نەگرد،

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

یوحەنا 16:11

له باوەت داوەری، چوینکه سەروک ئی جهانه ماکوم کریاس.

دویم پتروس 1:19

بێجگه ئیه، کەڵام فره دڵنیاێ پەێخەمەریل دێریم که خاسه وەپێ سەرنج بێین، ئەڕا ئیه که هەر جور چراخێگ له شونێگ سیه و تیەریک دروشید تا ئەو وەخته که شەفەق بێید و هەسارەێ شەوەکی له ناو دڵیلدان هەڵ باێد.

دویم قورنتییل 3:11

جا ئەگەر ئەو چشته که وەر‎و نابودی چود وەگەرد جەڵاڵەو هات، ئێ ئەوه که هەمویشەییه چەنێ فرەتر جەڵاڵ دێرێ.

یەکم قورنتییل 10:20

نه، مەبەستم ئیەسه ئەو چشته که بتپەرەسیل قوروانی کەن، وه دێویل پیشکەش کەن، نه وه خودا، جا من نیەتوام وەگەرد دێویل بەشدار بوین.

یوحەنا 12:45

هەر کەس مه دوینی، ئەیو که کلم کرد دیه.

یوحەنا 15:24

ئەگەر وەناوێان ئەو کاریله نەکردیام که کەسێگ بێجگه مه نەکردیه، گوناێگ نیاشتن؛ وەلێ ئێرنگه، هەر چەن ئەو کاریله دینه، هەم له من و هەم له باوگم قینێان تێ.

یوحەنا 1:18

هەراێهەر کەسێگ خودا نیه. وەلێ ئەو تەنیا کوڕه که ها لاێ باوگ ئاسمانی، ئەیو ناسانێه‎.

یەکم نامەێ تیموتاوس 1:11

تالیمێگ وه ڕوی ئینجیل پڕ جەڵاڵ خوداێ بمارک که وه مه سپاریاس.

ئنجیل مەتا 13:22

تویەمی که کەفێه ناو دڕگیل، کەسێگه که کەڵام شنەفێ، وەلێ نگرانییل ئی جهان و فریو دەوڵەمەنی، کەڵامەگه خنکنێد و بی بەرێ کەێد.

کاریل ڕەسولەیل 26:23

ئیه که مەسیح باێه رەنج بکیشێ و یەکمین کەسێگ بود که له ناو مردگیل زنیەو بود، تا ڕوشنایی وه ئی قەوم و قەومیل تر جار بێی.»

دویم قورنتییل 2:11

تا شەیتان فرێومان نێی، چوینکه له فێڵەگانێ بی خەوەر نیمن.

دویم قورنتییل 2:12

جا وەختێ ئەڕا جارداین مزگانی مەسیح چیمه تروئاس، زانستم که خوداوەند وه ئەوره دەر گەوراێگ وه ڕویم واز کردێه.

نامه وە غەلاتییل 1:4

هەر ئەیو عیسا مەسیحه که خوەێ ئەڕا گونایل ئیمه بەخشا تا ئیمه وه پێ خاست خودا و باوگ ئاسمانیمان له ئی دورەی شەڕئاشویه که هایمنه ناوێ ڕزگارمان بکێ

عبرانییل 6:4

چوینکه ئەوانەێ که یەێ جار وه نویر خودایی نویرانیەو بینه و تام ئەو خەڵاتی ئاسمانیه کردنه و وەناو روح‌القودوس بەشدارەو بینه

یەکم یوحەنا 2:11

وەلێ ئەوه که قینێ له براێ خوەێ تێ، ها ناو تیەریکی و وەناو تیەریکی ڕێ کێ. نیەزانێ وەرەو کوره چود، چوینکه تیەریکی چەویلی کور کردێه.