دویم قورنتییل 4:10 - کتاب مقدس به زبان کردی جنوبی - گویش کلهوری

¹⁰ هەمویشه مەرگ عیسا وەناو جەسەمان هەڵگریمن تا زنەیی عیسایش وەناو جەسەمان ئاشکراوه بود.

دویم قورنتییل 4:10 Referans Kwoze

رومیەگان 6:5

جا ئەگەر وەناو مردنێگ جور مردن ئەیو، وەگەردیەو بویمنەسه یەکی، بی خەڵاف وەناو زنیەوبینێگ جور زنیەو بین ئەیویش وەگەردیەو بویمنه یەکی.

دویم تیموتاوس 2:11

ئی قسیه شایسەێ دڵنیاییه که: ئەگەر وەگەرد ئەیو مردیم، وەگەرد ئەیو زنەییش کەیمن.

یەکم پتروس 4:13

بەڵکەم خوەشاڵ بوین له ئیەک وەناو رەنجیل مەسیح بەشدار بوین، تا له وەخت ئاشکرابوین جەڵاڵ ئەیو هەم دڵشاد بوین و هەم خوەشی بکێن.

رومیەگان 6:8

ئێرنگه ئەگەر وەگەرد مەسیح مردیمنه، ئیمان دێریم که وەگەردیەو زنەییش کەیمن.

دویم قورنتییل 13:4

وەبونەێ ئیه که هەر چەن وەناو بی هازی وه سەلیب کیشریا، وەلێ وه هێز خودا زنەیی کێ. هەر ئیجوره، ئیمەیش وەناو ئەیو بی هازیم، وەلێ وەگەردیەو وه نوای ئیوه وه هێز خودا زنەیی کەیمن.

دویم قورنتییل 1:5

چوینکه هەر ئەوجورە که وەناو عەزاویل مەسیح، وه فراوانی هاوبەشیم، له ڕێ مەسیح له دڵنەوایی فرەێگەو هاوبەشیمن.

رومیەگان 8:36

هەر ئەوجورە که وەناو کتاو زەبور نویسریاس: «ئیمه وه دریژایی ڕوژ، وەبونەێ تو ڕوی وه ڕوی مەرگ بویمن و جورێگ نوڕنه پێمانەو که چماێ پەسیلێگیم که ڕز کریایمنه تا سەرمان بوڕن.»

نامه وه کولوسییل 1:24

ئێرنگه له رەنجیلێ که وەبونەێ ئیوه کیشام خوەشاڵم و هەر کەم کەسری بەردیلی که مەسیح وەبونەێ جەسەێ یانێ کلیسا کیشاس، وەناو جەسەێ خوەم کامڵەو کەم.

دویم قورنتییل 1:9

وه ڕاسیش گومان کردیایم حوکم وه مردنمان دانه. وەلێ ئیانه گشتێ هەڵکەفت تا نه وه خوەمان، بەڵکەم وه خوداییگ پشت بوەسیم که مردگیل زنیەو کەێد.

نامه وە غەلاتییل 6:17

لەئیەودویا کەسێگ پەشێوم نەکێ، چوینکه مه وه جەسەم داخیل عیسا دێرم.

یوحەنا 14:19

کەمێگ تر جهان دیتر مه نیوینێ، وەلێ ئیوه دوینینەم. چوینکه مه زنیم، ئیوەیش زنەیی کین.

وەحی وه یوحەنا 1:17

وەختێگ ئەیو دیم هەر جور مردگ کەفتمه نوای پایلێ. وەلێ ئەیو دەس ڕاسی ناده بانم ‎و وەت: «ڕخد نەچود، منم سەرەتا و منم ئاخر،

دویم قورنتییل 4:11

چوینکه ئیمه که زنەیمن، هەمویشه وەبونەێ عیسا مریمن تا زنەیی عیسا وەناو جەسەمان که مرێ، ئاشکراوه بود.

یەکم پتروس 4:14

ئەگەر وەبونەێ ناو مەسیح خراو دانه پێدان، خوەش وه حاڵدان، چوینکه روح جەڵاڵ که هەر ئەو روح خوداسه، وه ملدانەو نیشتەجێ بود.