دویم قورنتییل 3:7 - کتاب مقدس به زبان کردی جنوبی - گویش کلهوری

⁷ ئێرنگه، ئەگەر خزمەتێگ که بویاده بایس مردن و وه کەلیمەیل هەڵکەنریاێ وه سەر کوچگ بەردەوامه، وه جەڵاڵەو ئاشکرا بوی، وه لەونی که قەوم ئێسرائیل وەبونەێ جەڵاڵ دەمچەو موسای پەێخەمەر نیەتویەنسیان بنوڕنه پێەو، هەر چەن ئەو جەڵاڵه وەرەو نابودی چیاد،

دویم قورنتییل 3:7 Referans Kwoze

یەکم قورنتییل 13:10

وەلێ وەختێ کامڵەگه باێ، قرتکەگه له بین چود.

رومیەگان 10:4

چوینکه مەسیح بن شەریعەته تا هەر کەس ئیمان بارێ، سالحان وه حساو باێ.

دویم قورنتییل 3:6

ئەیو لیاقەت بەخشیەسه پێمان تا خزمەتکاریل پەێمان نو بویمن، پەێمانێگ که وه کار روح خودا بەردەوامه، نه وه ئەو چشته که نویسریایگ فرەتر نیه. چوینکه ’نویسریای‘ کوشێد، وەلێ روح خودا زنەیی بەخشێد.

دویم قورنتییل 3:3

ئیوه نیشان داینه که نامەێ مەسیحین و بەر خزمەت ئیمه، نه وه مرەکەو، بەڵکەم وه روح خوداێ زنی نویسریاس، نه وه سەر تەخته کوچگیگ، بەڵکەم وه سەر تەخته دڵیل بەشەری.

رومیەگان 4:15

چوینکه شەریعەت خەزەو خودا تیەرێ؛ وەلێ شونێ که شەریعەت نیه، دەس دریژی له شەریعەتیش نیه.

رومیەگان 7:10

هەر ئەو حوکمه که وادەێ زنەیی دا، ئەڕا من مەرگ وه بار هاورد.

کاریل ڕەسولەیل 6:15

وه ئی وەخته گشت ئەوانەێ که دانیشتوینه ناو شورا چەو بڕوینه پێ و دین که دەمچەوی بیەسه جور دەمچەو فریشتەیل.

رومیەگان 7:22

چوینکه من وەناو ئایەم دەروینیم له شەریعەت خودا دڵشادم،

عبرانییل 9:4

له ناو ئی بەشه، قوروانگای تەڵایی ئەڕا سزانن بوخور بی و هەرئیجوره سنویق پەێمان که له هەر لاێگەو وەگەرد تەڵا پوشریاوی. وەناو ئی سنویقه، کویزەێ تەڵایی که نان ’مەنا‘ وەناوێ بی، هەرئیجوره گوچان هارون که قومچه کردوی و تەختەیل کوچگین پەێمان نریاوید.

رومیەگان 5:20

ئێرنگه، شەریعەت هات تا خەتا فرەوه بود؛ وەلێ شونێ که گونا فرەوه بی، فیز فره فرەترەو بی.

رومیەگان 7:5

چوینکه وەختێ که وه ژێر حوکمرانی جەسه زنەیی کردیایم، هەواوهەوەسیل گونابارمان که شەریعەت هانێان دیاد، وەناو ئەنامیلمان کار کردیا تا ئەڕا مەرگ بەر باریم.

دویم قورنتییل 3:8

ئێ خزمەتی که له ڕێ روح خوداس، جەڵاڵ فرەترێگ نێری؟

نامه وە غەلاتییل 3:10

چوینکه گشت ئەوانه که پشت بەسانەسه کردەوەێ شەریعەت، هانه ژێر لانەت، ئەڕا ئیه که له ناو تەورات نویسریاس: «لانەته پێ بود هەر کەس له وه جێ هاوردن گشت ئەو چشته که وەناو کتاو شەریعەت نویسریاس، بەردەوام نەمینێ.»

نامه وە غەلاتییل 3:21

جا ئێ شەریعەت ها له ڕوی وه ڕوی وادەیل خودا؟ هەراێهەر! چوینکه ئەگەر شەریعەتێگ دریاوی که بتوانستیا زنەیی بوەخشێ، ئمجا وەڕاسی سالح بوین له ڕێ شەریعەتەو هاتیاده دی.

عبرانییل 3:3

چوینکه هەر ئەوقره که حرمەت ماڵ درسکەرگە له خود ماڵەگه فرەتره، عیسایش شایسەێ جەڵاڵێگ فرەتر له موسا وه حساو هاتێه.

عبرانییل 12:18

چوینکه وه کویەێگ نزیکەو نوینه که بود دەس بیێده قەێەو، کویەێگ که گڕێ ئاگرێ باێد؛ نه وه تیەریکی و سیەی و وای تن؛