دویم قورنتییل 2:3 - کتاب مقدس به زبان کردی جنوبی - گویش کلهوری

³ مه ئەوجورە ئەڕادان نویسام تا وەختێگ هاتمه ئەڕا لادان، ئەوانه که باێه دڵشادمەو بکەن، بایس خەمباریم نەون. ئەڕا ئیەک دڵنیام که شادی من گشتدان شادەو کەێد.

دویم قورنتییل 2:3 Referans Kwoze

نامه وە غەلاتییل 5:10

وەناو خوداوەند دڵنیام که باوەڕێگتر قەبوڵ نیەکین. وەلێ ئەوه که پەشێودان کەی، هەر کەسێگ بود، وه سزاێ کارەگەێ رەسێد.

دویم قورنتییل 8:22

وەگەرد ئەوانه براگەمانیش کل کیم، که چەن جار ئەزمونێ کردیم و دیمن که وەناو فره له کاریل وه ئەزرەتترە، وەلێ ئێرنگه وەبونەێ دڵنیایی فره وه ئیوه، وه ئەزرەتتر له هەمویشەس.

نامه وه فیلیمون 1:21

ئیه نویسم چوینکه دڵنیام گوشە لێم تەکنێد و زانم تەنانەت فرەتر له ئەو چشته که ئویشم، وه جێ تیەرێد.

دویم قورنتییل 7:12

جا ئەگەر ئەڕادان نامه نویسام وەبونەێ ئەو کەسه که خراوی کردێه و یا ئەوه که وەپێ خراوی بیه، نویه؛ بەڵکەم وه ئی بونه بی که لەلاێ خوداوه غیرەتدان وه ئیمه، وه خوەدان ئاشکرا بود.

دویم تسالونیکییل 3:4

ئیمه وەناو خوداوەند له لێدان دڵنیایم که ئەو چشتیلی وه پێدان حوکم کيمن هەم ئیسه دێرین وه جێ تیەرێن و هەم له ئیەولا له سەری بەردەوام بوین.

دویم قورنتییل 12:21

هەر ئیجوره ڕخم چود وەختێ بامه ئەڕا لادان، خودا یەێ جارتر من له لاێ ئیوه بی فیسەو بکێ و ئەڕا بڕێگ که له جاران گونا کردن و له ناپاکی، خیزی و هەرزەیی خوێان توبه نەکردنه، خەمبارەو بوم.

دویم قورنتییل 12:11

گیلگەوج بیمه! ئیوه ناچارم کردین. باێه تاریفم بکردیاین، ئەڕا ئیه که هەر چەن مه هویچم، وەلێ له ئەوانه که خوێان وه ’گەورا ڕەسولەیل‘ خوەنن چشتێ کەم نێرم.

دویم قورنتییل 7:8

چوینکه تەنانەت ئەگەر وەگەرد نامەگەم خەمباردان کردم، له کردەوێ خوەم بەتاڵ نیم. ئەڕا ئیه که هەرچەن توزێگ بەتاڵەو بیم - چوینکه دیم نامەگەم خەمباردانەو کردوی -

دویم قورنتییل 7:6

وەلێ خودا، که دڵنەوایی مات ‎و مەلولیل کێ، وەگەرد هاتن تیتوس دڵنەواییمان کرد و

دویم قورنتییل 1:15

ئەڕا ئیه که له ئی باوەته دڵنیا بیم، تواسم وەرجه هەر چشتێ بام بوینمەدان تا ئەڕا دوێم جار فیز بگرینەوەر.

یەکم قورنتییل 4:21

کامێان پەسەندانه؟ وه کوتەک بامه ئەڕا لادان یا وه مابەت و روحێگ دڵنەرم؟

دویم قورنتییل 1:23

خودا شاێەته که تەنیا وەبونەێ بەزەیی وه ئیوه بی که ناتمەو ئەڕا قورنتوس.

دویم قورنتییل 2:9

سەوەو نویساینم ئیه بی تا ئەزموندان بکەم بزانم له هەرچێ چشته گوشە لێم تەکنین یا نه؟

دویم قورنتییل 7:16

دڵشادم که وەناو هەر چشتێ وەپێدان دڵنیام.

دویم قورنتییل 13:10

هەر وه ئی بونه، چوینکه خوەم له لادان نیم ئی چشتیله ئەڕادان نویسم، تا وەختێگ هاتمه ئەڕا لادان، ناچار نەوم دەسڵات خوەم وه تونی وه کار بوەم، ئەو دەسڵاته که خوداوەند بەخشیەسه پێم نه ئەڕا خاپور کردن، بەڵکەم ئەڕا بنیاد ناینه.