دویم قورنتییل 11:3 - کتاب مقدس به زبان کردی جنوبی - گویش کلهوری

³ وەلێ ڕخم چود هەر ئەوجورە که حەوا فریو فێڵبازی مارەگه خوارد، فکریلدانیش له ئەو سەرسپردەیی ڕاسەکانی و خاڵسه که ئەڕا مەسیح دێرین، له ڕێ وه دەر بچود.

دویم قورنتییل 11:3 Referans Kwoze

نامه وه کولوسییل 2:8

ئاگادار بوین کەسێگ ئیوه وەگەرد فەلسەفه و فریو پویچ گیرودەدان نەکەید، که وه پێ نەریت ئایەمیل و بیروڕایل سەرەتایی ئی جهانەسه، نه وه پێ مەسیح.

نامه وە غەلاتییل 1:6

تاجو کەم چوی ئیوه وه ئی زویه له ئەو کەسه که ئیوه دەنگ کردێەسه ناو فیز مەسیح، هەڵوگەردیاین و وەرەو ئینجیلێگ تر چین.

ئەفسوسیێل 4:14

ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.

نامه وه کولوسییل 2:4

ئیه ئویشم تا هویچکەسێگ ئیوه وەگەرد باسیلێگ که بود باوەڕێ بکێ، گولدان نێید.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.

یەکم نامەێ تیموتاوس 2:14

جا ئایەم گول نەخوارد، بەڵکەم ژن بی که گول خوارد و خەتاکار بی.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

عبرانییل 13:9

وەگەرد تالیمیل جورواجور و عەڵاجوی له ڕێ دەر نەچین؛ چوینکه خاسه که دڵ ئنسان له فیز وەقەوەتەو بود، نه له خواردەمەنیێلێ که ئەڕا کەسیلێگ که خوێان وەقفێ کردنه، هویچ نەفێگ نیاشتیه.

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

نامه وە غەلاتییل 3:1

ئێ غەلاتییل نەزان، کی جادودان کردێه؟ مردن عیسا مەسیح وه ڕوشنی ئەڕادان شێو کریا جوری که چماێ لەنواێ چەویلدان وه سەلیب کیشریا.

دویم قورنتییل 1:12

شانازی ئیمه شاێەتی وژدانمانه که کردەوەمان وەناو جهان، وەتاێبەتی لەباوەت ئیوه، وەگەرد سادەی و ڕویڕاسی خودایی بی. ئیمه نه وه ڕوی زانیاری ئنسانی، بەڵکەم وه پێ فیز خودا کار کردیمنه.

یەکم یوحەنا 2:18

ئێ ڕوڵەیل، سات ئاخر ڕەسیه و هەر ئەوجورە که شنەفتینه ”زد مەسیح“ تێد، ئێرنگەیش فره له زد مەسیحیل هاتنه، وه ئی بونه زانیمن که سات ئاخره.

دویم پتروس 3:17

جا ئیوه ئێ عەزیزەیل، ئێرنگه که وه نواوه ئی چشتیله زانين، هوشدان بود نەخواێ وه خەتای مەردم نادرس له ڕێ دەر بچین و بەردەوامیدان له دەس بیەین،

نامه وە غەلاتییل 4:11

زاورم چود نەکێ زامەتیلێگ که ئەڕادان کیشامه له کیس چوی.

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

دویم پتروس 3:3

وەرجه هەر چشتێگ، بزانن که له ڕوژیل ئاخر تویلەکی کەریلیگ تیەن که هانه شون ئاوەختیێل گونابار خویان و هەر ئیجوره که تویلەکی کەن،

دویم تیموتاوس 3:13

وەلێ ئەوانه که کارێان شەڕئاشویه و فێڵبازن وەناو خراوی چنه نوا؛ گول دەن و گول خوەن.

یەکم تسالونیکییل 3:5

وه ئی بونه، وەختێ دیتر تویەنا نیاشتم، تیموتاوس کل کردم تا له ئیماندان ئاگادارەو بوم، چوینکه ڕخم چیاد که ئەو خەڵەتنه یانێ ئبلیس وه لەونێ ئیوه بخەڵەتنی و زامەت ئیمه له کیس بچود.

ئەفسوسیێل 6:24

فیز خودا وه مل گشت کەسیلێ بود که خوداوەند ئیمه عیسا مەسیح وەگەرد مابەتێگ نەمر دوس دێرن.

نامه وە غەلاتییل 2:4

ئیه له ئەو باوەتەو پێش هات که بڕێگ له برایل دروەکانی وه دزیەو هاوردوینه ناومان و ئەوانه سڕ خواردنه ناومان تا ئەو ڕزگاریه که وەناو مەسیح عیسا دێریم جاسوسی بکەن و وه خوڵامی بکیشنەمان.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

یەهودا 1:4

چوینکه بڕێگ که له جارانەو ئەڕا ئی ماکومیەته دیاری کریانه، بیدەنگ خز خواردنەسه ناودان. ئیانه خودانەناسیلێگن که فیز خوداێ ئیمه کەنه هەرزەیی و عیسا مەسیح، که هەر یەێ ئەرواو و خوداوەندمانه، حاشا کەن.

تیتوس 1:10

چوینکه ئایەمیل ملهوڕ، وڕاوەکەر و فێڵباز فرەن، وه تایبەتی له بین ئەوانه که وه خەتەنه کردن پاملن،

یەکم نامەێ تیموتاوس 1:3

ئەو جورەکه له وەخت هاتنم وه مەنتەقەی مەقدونیه پاملد بیم، وه دواره له لێد توام وەناو ئەفسوس بمینێ تا وه بڕێگ فەرمان بێید که تالیمی تر نیەن

نامه وه کولوسییل 2:18

مێیلن کەسێگ که پامل سوکەو کردن جەسه و پەرەسین فریشتەیله، ڕەددان بکەید. ئیجور کەسێگ سەر خوەێ گەرم چشتیلی کەید که وەناو رویایلی دیه و فکر دنیایی ئەوه وه هویچ پەتی، قوزی کردێه.

دویم قورنتییل 11:29

کیه که له لێدان بی هازه و مه وەگەرد بی هازیەگەێ بەشدار نەوم؟ کیه که له لێدان بکەفێ و من ئەڕاێ نەسوزیەم؟

رومیەگان 12:8

کەسێگ که هان دەێ، وەناو هان داینەگەێ. کەسێگ که مەیەت دەستەنگیل دەێ، ئی کاره وه دەسدڵوازیەو بکێ. کەسێگ که ڕابەری کێ، ئی کاره وه غیرەتەو بکێ. کەسێگ که بەزەیی کێ، ئی کاره وه خوەشیەو بکێ.

وەحی وه یوحەنا 20:2

ئەوه، ئەژدەها، ئەو مار جارانه که هەر ئەو ئبلیس و شەیتانەسه، گرد و ئەڕا هەزار ساڵ گیرودەێ کرد و

دویم قورنتییل 11:20

وه ڕاسی ئەگەر یەکیگ ئیوه بکێده خوڵام خوەێ، یا قویرتدان بێی، یا وەگەردانەو مامڵەێ خراو بکێ، یا وه ملدانەو گەورایی بکێ، یا وه چەپاڵه بیده ناو گوشدان، وه خاسێ تاموڵ کین.

ئەفسوسیێل 4:22

ئیوه یاێ گردین که باێه ئەو ئایەم کویەنەدانه له وەردان دەر بارین که هن شێوەێ زنەیی جاراندانه و له ڕێ مەیلیل فریوکارانه گەنیاس.

وەحی وه یوحەنا 12:15

مارەگه وه شون ئەو ژنه له دەم خوەێ ئاوێگ هەر جور چەم خسته ڕێ تا لافاو ئەو ژنه وەگەرد خوێەو بوێد.