دویم قورنتییل 10:5 - کتاب مقدس به زبان کردی جنوبی - گویش کلهوری

⁵ ئیمه هەر باسێگ و هەر گومان قوڕات قویگ که وەنواێ ماریفەت خودا وسێد له بین بیمن و هەر فکرێگ ئەڕا گوش تەکانن له مەسیح وه بەن کیشیم و

دویم قورنتییل 10:5 Referans Kwoze

عبرانییل 4:12

چوینکه کەڵام خودا زنیه و کارکەره و تێژتر له هەر شمشێر دو دەمێگه و ئەوجورە چوده ناو که گیان و روح، مەفسەلیل و مەخز سقانیل جیاوه کەید و فکریل و نیەتیل دڵ هەڵسەنگنێد.

رومیەگان 7:23

وەلێ یاساێگتر وەناو ئەنامیل خوەم دوینم که وەگەرد شەریعەتێگ که زەین من قەبوڵێ کەێ، شەڕ کەێ و مه گیرودەێ یاساێ گونا کەێ که وەناو ئەنامیلم نیشتەجێه.

ئنجیل مەتا 15:19

چوینکه له دڵه که فکریل خراو، خوین‎کردن، داوانپێسی، خیزی، دزی، شاێەتی درو، بخت کردن تێدە دەیشت.

رومیەگان 1:21

ئەڕا ئیه که هەر چەن ئەوانه خودا ناسین، وەلێ جور خودا حرمەت ئەیو نەگردن و سپاسێ نەکردن، بەڵکەم وەناو فکرێان تویش چشتیل پویچ هاتن و دڵ بێ فامێان تیەریکەو بی.

یەکم قورنتییل 3:19

وەبونەێ ئیه که زانیاری ئی جهانه له وەر چەو خودا نەزانیه. ئەوجورە که وەناو کتاو ئەیوب نویسریاس: «زانیاریل تویش فێڵبازی خوێان تیەرێ.»

یەکم قورنتییل 1:19

چوینکه وەناو کتاو ئەشعەیاێ پەێخەمەر نویسریاس: «زانیاری زانیاریل له بین بەم و فام فامداریل پویچەو کەم.»

عبرانییل 5:9

وەختێ کامڵەو بی، ئەڕا گشت ئەوانەیش که له ئەیو گوش تەکنن، بیه سەرچاوەی نجات ئەبەدی.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

دویم تسالونیکییل 2:8

ئەو وەخته ئەو بی دینه ئاشکرا بود، هەر ئەوه که خوداوەند عیسا وه هەناس دەم خوەێ ئەوه کوشێد و وەگەرد شکوی هاتن خوەێ، ئەوه له بین بید.

لوقا 1:51

خوداوەند وه باڵ بازو خوەێ قەوەتی نیشان داس و کەسیلێ که وەناو فکریل دڵ خوێان لویتبەرزن، تویچانه یەکەو.

دویم تسالونیکییل 2:4

ئەوه له نوای هەر چی که خودا خوەنریەد و پەرەسیەد، وسێد و خوەێ نێده بانتر، جوری که له ناو مابەد خودا دانیشێد و خوەێ وه خودا ناسنێد.

دویم قورنتییل 9:13

وه بونەێ مور ئی خزمەته وه زنەییدان، مەردم ستایش خودا کەن وەبونەێ گوش تەکانن و ئێقراردان وه ئینجیل مەسیح، هەر ئیجوره ئەڕا دەسدڵوازیدان له مەێەت وه ئەوانه و وه گشت نیشان دین.

رومیەگان 16:26

وەلێ ئێرنگه ئاشکراوه بیه و له ڕێ نویسرایەگان پەێخەمەریل، وه پێ حوکم خوداێ ئەبەدی، وه گشت ملەتیل ئاشکرا بیه تا ئەوانه ئیمان بارن و گوش بتەکنن.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

دویم قورنتییل 11:20

وه ڕاسی ئەگەر یەکیگ ئیوه بکێده خوڵام خوەێ، یا قویرتدان بێی، یا وەگەردانەو مامڵەێ خراو بکێ، یا وه ملدانەو گەورایی بکێ، یا وه چەپاڵه بیده ناو گوشدان، وه خاسێ تاموڵ کین.

نامەێ فیلیپییل 4:7

ئاشتی و سڵامەتی خودا که فره بانتر له گشت فامەیله، دڵیل و فکریلدان وەناو مەسیح عیسا پارێزنێد.