دویم قورنتییل 1:12 - کتاب مقدس به زبان کردی جنوبی - گویش کلهوری

¹² شانازی ئیمه شاێەتی وژدانمانه که کردەوەمان وەناو جهان، وەتاێبەتی لەباوەت ئیوه، وەگەرد سادەی و ڕویڕاسی خودایی بی. ئیمه نه وه ڕوی زانیاری ئنسانی، بەڵکەم وه پێ فیز خودا کار کردیمنه.

دویم قورنتییل 1:12 Referans Kwoze

یەکم قورنتییل 2:13

جا ئیمه له ئیه قسیه کیم، ئەویشه نه وەگەرد کەلیمەیلێگ که وه وەسلەێ زانیاری ئنسانیه، بەڵکەم وەگەرد کەلیمەیلێگ که روح خودا تالیم دەێ؛ جا ویجوره حەقیقەتیل روحانی وەگەرد کەلیمەیل روحانی ئویشیمن.

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

یەکم تسالونیکییل 2:10

ئیوه شاێەتین و خودایش خوەێ شاێەته که رێ رەوشتمان وەگەرد ئیوه ئیمانداریل چەنێ موقەدەس و سالحان و بی نەخس بی.

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،

عبرانییل 13:18

ئەڕا ئیمه دوعا بکەن، چوینکه دڵنیایم که وژدانمان پاکه و توایم وەناو گشت چشت وه درسی ڕێ رەوشت بکێم.

دویم قورنتییل 8:8

ئی دەستوره نیەمه پێدان، بەڵکەم وه بەراورد وەگەرد تەقالاێ کەسیل تر توام ڕاسی مابەتدان ئەزمون بکەم.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

کاریل ڕەسولەیل 24:16

جا من ئەڕا داشتن وژدانێگ پاک له لاێ خودا و مەردم تەقالا کەم.

کاریل ڕەسولەیل 23:1

پولوس چەو بڕیە ئاڵ شورا و وەت: «برایل، مه تا ئیمڕو له لاێ خوداوه وەگەرد وژدان پاکێگەو زنەیی کردمه.»

یەکم پتروس 3:16

وژداندان پاک بپارێزنن تا کەسیلێگ که له ڕێ رەوشت خاس ئیوه وەناو مەسیح، خراو ئویشن له خراو وەتن خوێان شەرمزارەو بون.

یەکم نامەێ تیموتاوس 1:5

ئامانج ئی فەرمانه دوس داشتنه، دوس داشتنێگ که له دڵ پاک و وژدان درس و ئیمانێگ بی دوڕویی هەڵساس.

نامەێ فیلیپییل 1:10

تا خاسترین چشت بناسین، تا ئەڕا ڕوژ هاتنەوەێ مەسیح، پاک و بی نەخس بوین و

ئەفسوسیێل 6:14

جا بوسنه پاوه، هەر ئەوجورە که قەێوەن ڕاسی بەساینه ناوقەیدان و زرەپوش سالح بوین کردینەسه وەردان و

نامه وە غەلاتییل 6:4

وەلێ هەر کەسێگ باێه کردەوەێ خوەێ ئەزمون بکێ. ئەوسا مدوێگ که ئەڕا شانازی دێرێ تەنیا وه خوەێ بود، نه وه هاوساگەێ.

دویم قورنتییل 11:3

وەلێ ڕخم چود هەر ئەوجورە که حەوا فریو فێڵبازی مارەگه خوارد، فکریلدانیش له ئەو سەرسپردەیی ڕاسەکانی و خاڵسه که ئەڕا مەسیح دێرین، له ڕێ وه دەر بچود.

دویم قورنتییل 1:17

ئێ وەختێگ تواسیام ئی کاره بکەم، شک وه دڵ بیم؟ یا ئیه که تواسنم مینێده‎ ئایەمیل مامولی، وه لەونێگ که له یەێ ئان بویشم ’ئەرێ ئەرێ‘ و بویشم ’نه نه‘؟

یەکم قورنتییل 5:8

جا بان ئی جەشن پسەخه نه وەگەرد خەویرترش کویەنه، یانێ خەویرترش دڵپێسی و شەڕئاشویی، بەڵکەم وەگەرد فەتیرەێ ڕاسی و درسی وه جێ باریم.

یەکم قورنتییل 4:4

ئەڕا ئیه که هویچ نەخسێگ وەناو خوەم نیوینم، وەلێ ئیه مه بێ گونا نیەکێ. بەڵکەم خوداوەنده که له باوەت من داوەری کێ.

رومیەگان 9:1

وەناو مەسیح ڕاس ئویشم، درو نیویشم، وژدانمیش وەناو روح‌القودوس شاێەتی ئەڕام دەێ که

یاقوب 4:6

وەلێ فیزێگ که خودا بەخشێد، فڕه فرەترە. وەئی بونه وەناو کتاو مەسلەتیل سلێمان پادشا، نویسریاس: «خودا لەنواێ لویتبەرزیل وسێد، وەلێ وه بێ فیسیل فیز بەخشێد.»

تیتوس 2:7

خوەد له گشت چشتێگ نمونەێ کاریل خاس بو. وەناو تالیم خوەد ڕاس درس و سەنگین ڕەنگین به و

یەکم قورنتییل 1:17

چوینکه مەسیح مه کل نەکرد تا تەعمید بێەم بەڵکەم تا مزگانی بێەم، وەلێ نه وه قسیەیل زیرەکانه و له ڕوی زانیاری، نەخواێ هێز سەلیب مەسیح پویچەو بود.

یەکم قورنتییل 12:8

ئەڕا ئیه که وه یەکی له ڕێ روح خودا، کەڵام زانیاری درێید، وه یەکیگتر له ڕێ هەر ئەو روحه، کەڵام ماریفەت و