یەکم نامەێ تیموتاوس 6:4 - کتاب مقدس به زبان کردی جنوبی - گویش کلهوری

⁴ مەس لویتبەرزی بیه و هویچ نیەفامێ. ئیجوره کەسێگ خودپەسەن و نەفامه و خوەشی تێ له سەر کلیمەیل دەمقاڵ و باس و مرافه بکێد، که له لێ حەسویی و دەسەبەنی و دشمین داین و بەێ گومانی هەڵسێده پا

یەکم نامەێ تیموتاوس 6:4 Referans Kwoze

دویم تیموتاوس 2:23

له باسیل پویچ و وه ڕوی نەفامی دویرەو بگر، ئەڕا ئیه که زانی شەڕیلێگ هەڵگڕنێد.

دویم تیموتاوس 3:4

خەیانەتکار، دەربەن هویچ نوی و له لویتبەرزی پف کردنه. لەزەت، فرەتر له خودا دوس دێرن

یەکم نامەێ تیموتاوس 3:6

جا نوئیمانیش نود، نەخواێ لویتبەرز بود و جور ئبلیس تویش ماکومیەت باێد.

یەهودا 1:10

وەلێ ئی ئایەمیله وه گشت ئەو چشتیله که نیەفامن خراو دەن و گشت ئەو چشتیلی که جور گیانەوەریل بێ فام، له ڕوی سریشت فامن، هەر ئەوەیشه بوده سەوەو له بین چیێنیان.

دویم پتروس 2:12

وەلێ ئیانه هەر جور گیانەوەریل نەفامن که ڕێ رەوشتیان له ڕوی سریشتێانه و هاتنەسه دنیا تا بکەفنه تەله و نابود بون. ئیانه له باوەت چشتیلی که نیەزانن چەس، کفر کەن. جا ئەوانه وەناو گەنیان خوێان، نابود بون.

دویم تیموتاوس 2:14

ئیانه یەێ‌سەر باره هویرێان و وه لاێ خودا دەستور بیه پێان که وه مل کەلیمەیل دەمقاڵ نەکەن، که بێجگه له بێن چێن ئەوانه که گوش گرن بارێگ تر نێرێ.

یەهودا 1:16

ئیانه خوتەخوتکەر و گلەییکەرن و کەفتنەسه شون ئاوەختیێل گونابار خوێان؛ قوڕات قوین و وەبونەێ وه دەس هاوردن نەف خوێان پشت بڕێگ گرن.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

یەکم نامەێ تیموتاوس 1:7

توان بونه ماموستایل شەریعەت، وه حاڵێگەو نیەزانن چه ئویشن یا له چ چشتێگ ئیجوره وه دڵنیایی قسیه کەن.

یەکم نامەێ تیموتاوس 1:4

و سەر خویان وەگەرد مەسلەتیل و بنەچەکیلێ که بنێ نیەتێی گەرمەو نەکەن، چوینکه ئیانه له جێ بڵاو کردن کار خودا که له ڕێ ئیمان تێدە دی، دامەن دەنه قسیه و باسیل.

یاقوب 1:19

برایل عەزیزم، ئیه بزانن: هەر کەس وەناو شنەفتن تن بود، وەناو قسیه کردن کول بود و وەناو توڕه بوینیش کول بود!

تیتوس 3:9

وەلێ له قسیه و باسیل گیلگەوجانه، له بنەچەکیل، له جیایی خستن و له مرافەیلێگ که له باوەت شەریعەته دویرەو بگر، چوینکه ئی چشتیله پویچه و هویچ نیەتیەرزێد.

کاریل ڕەسولەیل 15:2

جا وەشون ئەوه که پولوس و بەرنابا له نوایان وسان و باس و دەمقاڵ سەختێگ کردن، وه ئیه ڕەسین که پولوس و بەرنابا و چەن نەفەرتر لەليان بچنه ئەڕا شار ئورشەلیم ئەڕا لاێ ڕەسولەگان و شێخیل له ئەو باوەتەو پرسیارەلێان بکەن.

وەحی وه یوحەنا 3:17

چوینکه ئویشێد: ”دەوڵەمەنم؛ ماڵ گردەو کردمه و هەوەجیم وه چشتێگ نیه.“ جا خەوەر نێری که چارەسیه و بێبەخت و گێا و کور و ڕویتی.

دویم تسالونیکییل 2:4

ئەوه له نوای هەر چی که خودا خوەنریەد و پەرەسیەد، وسێد و خوەێ نێده بانتر، جوری که له ناو مابەد خودا دانیشێد و خوەێ وه خودا ناسنێد.

نامه وه کولوسییل 2:18

مێیلن کەسێگ که پامل سوکەو کردن جەسه و پەرەسین فریشتەیله، ڕەددان بکەید. ئیجور کەسێگ سەر خوەێ گەرم چشتیلی کەید که وەناو رویایلی دیه و فکر دنیایی ئەوه وه هویچ پەتی، قوزی کردێه.

نامەێ فیلیپییل 2:14

هەر کارێگیش بی خوتەخوت یا قسیه و باس وەجێ بارن،

نامەێ فیلیپییل 2:3

هویچ کارێگیش له سەر جێخوازی یا لویتبەرزی نەکەن، بەڵکەم وه بێ فیسەو ئەو باقی مەردم له خوەدان خاستر بزانن.

نامەێ فیلیپییل 1:15

وه ڕاسی بڕێگ له ڕوی حەسویی و هاوماڵی، مەسیح بانگەوازی کەن، وەلێ بڕێگتر وه نیەت خاسێگ.

نامه وە غەلاتییل 6:3

چوینکه ئەگەر ئایەمێگ هەرچەن کەسێگ نیه و خوەێ وه ئایەم گەوراێگ بزانێ، دێرێ خوەێ گول دی.

نامه وە غەلاتییل 5:26

بان تا خودپەسەن نویمن و یەکترەکی توڕه نەکێمن و وه یەکترەکی حەسویی نەکێمن.

نامه وە غەلاتییل 5:15

وەلێ ئەگەر قەپ بکێنه یەکترەکی و یەکان قویرت بێین، هوشدان بود که وه دەس یەکترەکی له بین نەچین.

دویم قورنتییل 11:20

وه ڕاسی ئەگەر یەکیگ ئیوه بکێده خوڵام خوەێ، یا قویرتدان بێی، یا وەگەردانەو مامڵەێ خراو بکێ، یا وه ملدانەو گەورایی بکێ، یا وه چەپاڵه بیده ناو گوشدان، وه خاسێ تاموڵ کین.

یەکم قورنتییل 11:18

ئەڕا ئیه که یەکم جار، شنەفم که وەختێ جور کلیسا گردە‎و بوین، دو دەسەیی کەفێه ناودان و ئیه تا ئەنازەێگ باوەڕه پێ دێرم.

یەکم قورنتییل 11:16

ئەگەر کەسێگ بتواێ له ئی باوەته مرافە بکێ، باێه بویشم که ئیمه و کلیسایل خودا بێجگه ئیه نەریتیگ تر نێریم.

یەکم قورنتییل 3:18

هویچ کەسێگ خوەێ فریو نەێەێ. ئەگەر کەسێگ له لێدان خوەێ وەگەرد پەێمانەیل ئی زەمانه زانا بزانێ، ئەڕا ئیه که بوده زانا باێه نەزان بود.

یەکم قورنتییل 3:3

ئەڕا ئیه که هێمراێ له جەسەین. وەختێ وەناودان حەسویی و مرافه هەس، ئێ نیشانەێ ئەوه نیه که له جەسەین و ڕێ رەوشتدان جور باقی ئایەمیله؟

رومیەگان 14:1

کەسێگ که ئیمانێ بی هازه، ڕێی بێەنه ناو خودان، بی ئەوه که وه سەر باوەڕیل مرافه بکێن.

رومیەگان 13:13

بان ڕێ رەوشتمان ئەوجورە درس بود که شایسەێ کەسیلێگه که هانه ناو ڕوشنایی ڕوژ. جا وەختمان وەناو عەێاشی و سەرخوەشی و خیزی و هەرزەیی و مرافه و حەسویی، وه سەر نەوەێم،

رومیەگان 12:16

وەگەرد یەکترەکی بسازن! لویتبەرز نەون، بەڵکەم وەگەرد ئایەمیل پایەنزم، هات بچو بکەن. هویچ وەخت خوەدان وه زانا میەنه قەڵەم.

رومیەگان 2:8

وەلێ وه خودپەسەنیل و ئەوانه که له ڕاسی گوش نیەتەکەنن بەڵکەم گوش له نادرسێ تەکنن، توڕەیی و خەزەو ڕشنێ.

کاریل ڕەسولەیل 18:15

وەلێ وەختێ وه سەر کەلیمەیل و ناویل و شەریعەتدانه، جا خوەدان بخەنێ یەک. من نیەتوام له باوەت ئیجور کاریلێ داوەری بکەم.»

کاریل ڕەسولەیل 8:9

وەلێ پیاێگ وه ئەو شاره زنەیی کردیا که ناوێ شەمعون بی که بایس بوی ئەڕا ماوەێگ مەردم سامره له کاریلێ سەریان سڕ بود، وه ئیجوره وەتیا که چماێ ئەڕا خوەێ کەسێگه.