یەکم نامەێ تیموتاوس 6:18 - کتاب مقدس به زبان کردی جنوبی - گویش کلهوری

¹⁸ وه ئەوانه دەستور بیه که خاسێ بکەن و ئەڕا کاریل خاس، دەوڵەمەن بون و بەخشەنه و دەسدڵواز بون.

یەکم نامەێ تیموتاوس 6:18 Referans Kwoze

عبرانییل 13:16

خاسێ کردن و بەشدار کردن ئەو باقی مەردم وه ئەو چشته که دێرین مەخەنه پشت گوش، چوینکه ئیجور قوروانیيلێگ خودا خوەشنودەو کێ.

یەکم یوحەنا 3:17

وەلێ ئەگەر کەسێگ دارایی و ماڵ دنیا داشتوی و براێ خوەێ وه نەداری بوینی وەلێ بەزەیێه پێ نای، ئێ چوی مابەت خودا وەناو ئیجور کەسێگ نیشتەجێ بود؟

رومیەگان 12:8

کەسێگ که هان دەێ، وەناو هان داینەگەێ. کەسێگ که مەیەت دەستەنگیل دەێ، ئی کاره وه دەسدڵوازیەو بکێ. کەسێگ که ڕابەری کێ، ئی کاره وه غیرەتەو بکێ. کەسێگ که بەزەیی کێ، ئی کاره وه خوەشیەو بکێ.

تیتوس 3:8

ئی قسیه شایسەێ دڵنیاییه. له لێد توام که ئەڕا ئی کاریله پا بیێدەگەز، تا ئەوانه که وه خودا ئیمان هاوردنه، له هویرێان نەچود که خوێان خەریک وه جێ هاوردن کاریل خاس بکەن، ئی چشتیله ئەڕا مەردم فره خاسه و باێەخ دێرێ.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

لوقا 12:21

ئیه ئاخر کەسێگه که ئەڕا خوەێ ماڵ و دارایی گردەو کەی، وەلێ له لاێ خوداوه دەوڵەمەن نیه.»

نامه وە غەلاتییل 6:10

جا تا دەرفەت دێریم بان تا وه گشتیەکی خاسێ بکێم، وه تایبەتی وه کەسیلێ که وه مەسیح ئیمان دێرن.

رومیەگان 12:13

وەناو پەرچەو کردن هەوەجییل ئیمانداریل وه مەسیح بەشدار بون و مێواندار بون.

یەکم نامەێ تیموتاوس 5:10

هەر ئیجوره باێه وه خاسێ ناوێان دەرچوی، یانێ مناڵیل خوێان خاس تەربیەت کردوین، غەریونەواز بون، پایل ئیمانداریل وه مەسیح شوردوین و وه مەیەت کەسیلێ که تویش بەردیل هاتنه دەوین و خوێان ناوینه ئەڕا وه جا هاوردن هەر جور کار خاسێگ.

دویم قورنتییل 8:9

چوینکه له فیز خوداوەندمان عیسا مەسیح ئاگادارین که هەر چەن دەوڵەمەن بی، وەبونەێ ئیوه دەستەنگێ گردەوەر تا ئیوه وەبونەێ دەستەنگێ ئەیو دەوڵەمەن بوین.

دویم قورنتییل 8:12

ئەڕا ئیه که ئەگەر تاسەێگ بود، خودا هدیەگەێ بەنا وه ڕوی هەرچێ که دێرێد، قەبوڵ کەێد نه ئەو چشته که نێرید.

یەکم قورنتییل 16:2

یەکمین ڕوژ هەر هەفته، هەر کامدان وه پێ پویلی که دەر تیەرێ قێرێگێ بنێده لا، بخیدەێ پشت دەس، تا وەختێ هاتمه ئەڕا لادان، هەوەجی وه گردە‎و کردن هدیەیل نود.

سێیەم یوحەنا 1:11

ئێ عەزیز، وه خراوی نمونه ئەڕا خوەد مەگر، بەڵکەم وه خاسێ نمونه بگر. هەر کەس خاسێ بکێ، له لاێ خوداس، وەلێ هەر کەس خراوی بکێ خودا وه چەو نێه.

یاقوب 2:5

برایل عەزیزم، گوش بگرن! مەر خودا دەستەنگیل ئی جهانه هەڵنەوژاردیه تا وەناو ئیمان دەوڵەمەن بون و پادشایێگ وه میراتی بوەن که ئەیو وه ئەوانه که دوسی دێرن، واده داس؟

کاریل ڕەسولەیل 9:36

وەناو شار یافا شاگردێگ زنەیی کردیا ناوێ تابیتا بی، که وه یونانی بوده دورکاس که وه ماناێ ئاسکه. ئی ژنه هەمویشه خەریک کاریل خاس و مەێەت داین وه کەمدەسیل بی.

یەکم پتروس 3:11

باێه له خراوی ڕوی هەڵوگەردنێد و خاسێ بکێ؛ بکەفێه شون ئاشتی و سڵامەتی و وەشونیەو بچود.

کاریل ڕەسولەیل 11:29

جا شاگردیل تواسن هەر کامێان چەنه تویەناێ خوێان، مەیەتی کل بکەن ئەڕا برایلێگ که نیشتەجێ یەهودیەن.

کاریل ڕەسولەیل 10:38

که چوی خودا، عیساێ ناسری وەگەرد روح‌القودوس و هێز مەسح و دەسنیشان کرد. ئەیو گەردیاد و کاریل خاسێ کردیاد و گشت ئەوانه که وه ژێر ستەم ئبلیس بین، شەفا دیاد، چوینکه خودا وەگەردیەو بی.

ئنجیل مەتا 5:42

ئەگەر کەسێگ داواێ چشتێ له لێد کرد، بیه پێ، کەسێگیش داواێ قەرد له لێد کرد، پشت مەکه پێ.

لوقا 3:11

یەحیا جواو دا: «ئەوه که دو گله شەوی دێرێ، یەکیگێ بیده ئەوه که نێری، ئەویش که خواردەمەنی دێرێ هەر ئی کاره بکێ.»

ئەفسوسیێل 4:28

دز دیتر دزی نەکێ، بەڵکەم وه جێ ئەوه کار بکێ، وه دەس خوەێ وه ڕاسی کار بکێ، تا بتویەنێ وه کەمدەسیلیش چشتێ بێی.