یەکم نامەێ تیموتاوس 6:16 - کتاب مقدس به زبان کردی جنوبی - گویش کلهوری

¹⁶ وه ئەیو که تەنیا وجود نەمریگه و له ناو نویریگ نیشتەجێه که کەس نیەتویەنێ وه ئەیو نزیکەو بود، ئەیو که هویچکەسێگ نێە‎سەێ و نیەتویەنێد بوینێدەێ، وه ئەیو حرمەت و حوکمرانی ئەبەدی بود. ئامین.

یەکم نامەێ تیموتاوس 6:16 Referans Kwoze

یەکم نامەێ تیموتاوس 1:17

وه ئەو خوداێگ که یەکێگە، پادشاێ دەورەیله، نەمر و نادیاریه، تا دنیا دنیاس حرمەت و جەڵاڵ بود؛ ئامین!

یوحەنا 1:18

هەراێهەر کەسێگ خودا نیه. وەلێ ئەو تەنیا کوڕه که ها لاێ باوگ ئاسمانی، ئەیو ناسانێه‎.

یەکم یوحەنا 1:5

ئیەسه پێخامێگ که له ئەیو شنەفتیمنه و وەپێدان جار دیم که خودا نویره و هەراێهەر هویچ تیەریکی وەناوێ نیه.

نامه وه کولوسییل 1:15

ئەیو وێنەێ خوداێ نادیاریه، یەکم زگ، نواتر و بانتر له گشت درسکریایل خوداس،

یوحەنا 6:46

هویچکەس باوگ ئاسمانی وه چەو نیه، بێجگه ئەوه که له لاێ خوداوه هاتێه؛ ئەیو باوگ وه‎ چەو دیه.

وەحی وه یوحەنا 22:5

دیتر شەو نیه و ئەوانه وه نویر چراخ یا خوەر هەوەجی نێرن، چوینکه خوداوەند خودا بوده نویر ئەوانه و ئەوانه تا ئەبەد و تا ئەبەد سەڵتەنەت کەن.

وەحی وه یوحەنا 4:11

«ئێ خوداوەند و خوداێ ئیمه، تو شایسەێ که جەڵاڵ و عزەت و هێز، پێشکەش بوده پێد، چوینکه تو گشت چشتێگ وه دی هاوردی و گشت چشتێگ وه خاست توی درسکریا و وه دی هات.»

وەحی وه یوحەنا 1:6

له ئیمه پادشایێگ درس کرد و کاهنیلێگ ئەڕا خودا، باوگ خوەێ، وه ئەیو تا ئەبەد و تا ئەبەد جەڵاڵ و حوکمرانی بود، ئامین.

یەهودا 1:25

وه ئەیو خوداێگ که یەکێگە و نجات دەر ئیمه، له ڕێ عیسا مەسیح، خوداوەند ئیمه، وه ئەیو که له ئەزەڵ بیه، ئێرنگه هەس و تا ئەبەد هەر هەسەێ، جەڵاڵ و گەورایی و حوکمرانی و دەسڵات بود! ئامین.

ئەفسوسیێل 3:21

جا وه ئەیو وەناو کلیسا و وەناو مەسیح عیسا، له گشت نەتەوەیل، تا ئەبەد و تا ئەبەد جەڵاڵ بود! ئامین.

وەحی وه یوحەنا 7:12

وەتن: «ئامین! ستایش و جەڵاڵ و زانیاری و سپاس و حرمەت و هێز و تویەنایی ئەڕا خوداێ ئیمه بود، تا ئەبەد و تا ئەبەد. ئامین!»

عبرانییل 13:8

عیسا مەسیح دویەکه و ئیمڕو و تا ئەبەد هەر ئەوەسه.

وەحی وه یوحەنا 21:3

له تەختەگه، دەنگ بەرزێگ شنەفتم که وەت: «بنوڕ، جیگەێ نیشتەجێ خودا ها گەرد ئایەمیل، ئەیو وەگەردێانەو نیشتەجێ بود؛ جا ئەوانه بونه قەوم ئەیو و خودا خوەێ ها گەردێانەو و بوده خوداێ ئیانه.

یوحەنا 14:9

عیسا وەپێ وەت: «فیلیپوس، قێر فرەێگه هامه گەرددانەو هێمراێ مه نەناسیده؟ کەسێگ که مه دیه، باوگ دیه؛ چوی تویەنێ بویشی ”باوگ وەپێمان نیشان بیه“؟

وەحی وه یوحەنا 1:8

خوداوەند خودا فەرمایش کەێد: «منم ’ئا‘ و منم ’ی‘ منم ئەیو هەر وه تویەنا که هەس و بی و تێد.»

یوحەنا 8:58

عیسا وەپێان وەت: «وه ڕاسی، وه ڕاسی، وەپێدان ئویشم، وەرجه ئەوه که ئێبراهیم بود، من هەم!»

نامەێ فیلیپییل 4:20

وه خودامان، باوگ ئاسمانیمان تا ئەبەد و تا ئەبەد جەڵاڵ بود. ئامین.

یاقوب 1:17

هەر خەڵات خاس و هەر خەڵات کامڵ له بانه، له لاێ باوگ نویریل تێدە خوار. هەر ئەو باوگه که وەناوێ نه گویڕیانیگ هەس و نه هویچ ساێەڕکیگ که وەبونەێ گویڕیان بود.

یەکم یوحەنا 1:7

وەلێ ئەگەر وەناو نویر زنەیی کەیمن، هەر ئەوجورە که ئەیو هاناو نویر، وەگەرد یەکەو دوسی دێریم و خوین عیساێ کوڕێ، ئیمه له هەر گوناێگ پاکەو کەی.

یەکم یوحەنا 4:12

هویچکەس هەراێهەر خودا نێه. ئەگەر ئیمه یەکترەکی مابەت بکێم، خودا وەناومان نیشتەجێه و مابەتەگەێ وەناومان وه کەماڵ ڕەسیه.