یەکم نامەێ تیموتاوس 6:11 - کتاب مقدس به زبان کردی جنوبی - گویش کلهوری

¹¹ وەلێ توی ئێ پیاێ خودا، له گشت ئیانه دەر بچو، له شون سالح بوین و دینداری و ئیمان و مابەت و بەردەوامی و دڵنەرمی بو.

یەکم نامەێ تیموتاوس 6:11 Referans Kwoze

دویم تیموتاوس 2:22

له هەواوهەوەس جاێەلی دەر بچو و وەگەرد ئەوانه که وه دڵ پاکەو خوداوەند خوەنن، وەشون سالح بوین و ئیمان و مابەت و ئاشتی و سڵامەتی بو.

دویم تیموتاوس 3:17

تا پیاێ خودا وه کەماڵ ئەڕا هەر کار خاسێگ گورجەو بود.

یەکم نامەێ تیموتاوس 4:12

مەیل با هویچکەسێگ توی وه سەوەو جاێەلێد وه سوک حساود بکێد، بەڵکەم وەناو وتار و کردەوه و مابەت و ئیمان و پاکێ، ئەڕا گشت ئیمانداریل بوه نمونه.

عبرانییل 12:14

سەخت تەقالا بکەن که وەگەرد گشت مەردم وەناو ئاشتی و سڵامەتی بێەنێ سەر و موقەدەس بوین، چوینکه جیا له قودوسیەت هویچکەسێگ خوداوەند نیوینێد.

یەکم قورنتییل 10:14

جا ئێ عەزیزەیلم، له بتپەرەسی دەر بچن.

یەکم پتروس 3:11

باێه له خراوی ڕوی هەڵوگەردنێد و خاسێ بکێ؛ بکەفێه شون ئاشتی و سڵامەتی و وەشونیەو بچود.

یەکم قورنتییل 6:18

له خیزی دەربچن! هەر گوناێگتر که ئنسان بکێ ها دەیشت جەسەێ، وەلێ کەسێگ که خیزی کێ، وه جەسەێ خوەێ گونا کێ.

یەکم نامەێ تیموتاوس 5:10

هەر ئیجوره باێه وه خاسێ ناوێان دەرچوی، یانێ مناڵیل خوێان خاس تەربیەت کردوین، غەریونەواز بون، پایل ئیمانداریل وه مەسیح شوردوین و وه مەیەت کەسیلێ که تویش بەردیل هاتنه دەوین و خوێان ناوینه ئەڕا وه جا هاوردن هەر جور کار خاسێگ.

یەکم قورنتییل 14:1

بکەفنه شون ڕێ مابەت و وه تاسەێ تەمام وەشون خەڵاتییل روحانی بوین، وه تایبەتی ئیەک نەبوەت بکێن.

رومیەگان 14:19

جا بان وەشون ئەو چشته بویمن که بایس ئاشتی و سڵامەتی و وەسەرپاناین یەکترەکیمانه.

یەکم نامەێ تیموتاوس 6:20

ئێ تیموتاوس، ئەمانەتێگ که وه پێد سپاریاس، بپارێزن. له قسیەیل مفت دنیایی و فکریل خەڵافێگ که وه درو، ناوێ نانەسه ماریفەت، دویرەو بگر؛

یەکم نامەێ تیموتاوس 1:14

فیز خوداوەند ئیمه له ڕێ ئیمان و مابەتێگ که وەناو مەسیح عیسا پەێا بود، فره فره ڕشیاده ملمانا.

دویم تیموتاوس 2:21

جا هەر کەسێگ خوەێ له چشتیل ناپەسەن پاک بپارێزنێد، دەفرێگه که وه دەرد کاریل خاس خوێد، دەفرێگ پاک و وه ‎دەرد خوەر ئەڕا خاون ماڵ و گورج ئەڕا هەر کار خاسێگ.

دویم تیموتاوس 3:10

وەلێ توی له تالیم و ڕێ رەوشت و ئامانج و ئیمان و سەور و مابەت و تاموڵم خەوەر دێرێ و