یەکم نامەێ تیموتاوس 5:8 - کتاب مقدس به زبان کردی جنوبی - گویش کلهوری

⁸ ئەگەر کەسێگ له شون مەمەر زنەیی خاوخێزان و وه تایبەتی بنەماڵەگەێ خوەی نەود، دەێده ژێر ئیمان و خراوتر له بی ئیمانه.

یەکم نامەێ تیموتاوس 5:8 Referans Kwoze

نامه وە غەلاتییل 6:10

جا تا دەرفەت دێریم بان تا وه گشتیەکی خاسێ بکێم، وه تایبەتی وه کەسیلێ که وه مەسیح ئیمان دێرن.

دویم قورنتییل 12:14

ئێرنگه ئەڕا سێیەم جار گورجم بام ئەڕا لادان، نیومه بار گرانێگ وه سەر کوڵدان. چوینکه نیمه شون داراێیدان، بەڵکەم هامه شون خوەدانەو. ئەڕا ئیه که مناڵیل نین که باێه ئەڕا داڵگ و باوگ خوێان گردەو بکەن، بەڵکەم داڵگ و باوگن که ئەڕا مناڵیل خوێان گردەو کەن.

تیتوس 1:16

ئەوانه ئویشن خودا ناسیم، وەلێ وەگەرد کردەوەێانەو ئەیو حاشا کەن. ئەوانه قیزهاوەر و ملچەفتەوکەر و نامناسو ئەڕا هەر کار خاسێگن.

ئنجیل مەتا 7:11

جا ئەگەر ئیوه وەگەرد گشت بەێ زاتیدان زانین که باێه وه مناڵیلدان خەڵاتییل خاس بیەین، باوگدان که ها ناو ئاسمان چەنێ فرەتر چشتیل خاس بەخشیده ئەوانه که داوا وه لێ کەن.

دویم تیموتاوس 3:5

و هەر چەن شێوەیان مێنیده خوداناس، وەلێ هێز ئەوه حاشا کەن. له ئیجور کەسیلێگ دویرەو بگر.

وەحی وه یوحەنا 3:8

کردەوەد زانم. بنوڕ، دەر واز کریاێگ له وەر دەم تو نامه که هویچکەسێگ نیەتویەنێ بوەسیدێ. زانم که هێز کەمێگ دێرێ، وەلێ کەڵام مه پارێزانیده و ناو مه حاشا نەکردیده.

وەحی وه یوحەنا 2:13

زانم له کوره نیشتەجێید، ئەوره که تەخت شەیتانه. وه ئی هەمگه وه ناو مه وەفادار مەنیده و ئیمانێ که وەپێم داشتی، حاشا نەکردێ، تەنانەت وه ڕوژگاریل ئانتیپاس، ئەو شاێەت ئەمین منه که وه ناو ئیوه کوشریاد، هەر ئەو شونه که شەیتان وەناوێ نیشتەجێه.

دویم پتروس 2:1

وەلێ لەناو قەوم جویلەکە، پەێخەمەریل دروەکانیش بین، هەر ئەوجورە که له ناو ئیوەیش ماموستایل دروەکانی تیەن که وه دزیەو تالیمیل هەڵه و نابودکەرێگ تیەرن و تەنانەت ئەرواوێگ که ئیانه سەن، حاشا کەن و ئیجوره وه سەر خوێان له بین چینێگ تیەرن که لەناکاوه تێد.

یوحەنا 15:22

ئەگەر ناتیام و ئەڕاێان قسیه نەکردیام، گوناێگ نیاشتن؛ وەلێ ئێرنگه دیتر دەسپێچکێگ ئەڕا گونایلێان نێرن.

یەهودا 1:4

چوینکه بڕێگ که له جارانەو ئەڕا ئی ماکومیەته دیاری کریانه، بیدەنگ خز خواردنەسه ناودان. ئیانه خودانەناسیلێگن که فیز خوداێ ئیمه کەنه هەرزەیی و عیسا مەسیح، که هەر یەێ ئەرواو و خوداوەندمانه، حاشا کەن.

دویم قورنتییل 6:15

یا چ وه یەکەو کەفتنێگ ها له بین مەسیح و بلیعال که هەر ئەو شەیتانەسه؟ یا ئیماندار چ هاوبەشیێگ وەگەرد بی ئیمان دێرێ؟

ئنجیل مەتا 18:17

ئەگەریش وه قسیەێ ئەوانه گوش نێا، وه کلیسا بویش؛ ئەگەریش تەنانەت وه کلیسا گوش نێا، بیل ئەوه ئەڕاێ تو جور بتپەرەس و باجگرێگ بود.

یەکم قورنتییل 6:6

وەلێ برا وه زد برا چوده دادگا، ئەویش لەلاێ بی ئیمانیل!

دویم تیموتاوس 2:12

ئەگەر تاموڵ بکێم، وەگەرد ئەیو سەڵتەنەتیش کەیمن. ئەگەر حاشاێ بکێم، ئەیویش حاشامان کەید.