یەکم نامەێ تیموتاوس 5:13 - کتاب مقدس به زبان کردی جنوبی - گویش کلهوری

¹³ بێجگه ئیه، فێر لەمتیکەری و ئی ماڵ ئەو ماڵ گەردین بون و نه تەنیا ڕوژگار وه لەمتیگەری دەنه سەر، بەڵکەم خوسپکەر و فتنیش بون و قسیەيل گە‎ن وه زوان تیەرن.

یەکم نامەێ تیموتاوس 5:13 Referans Kwoze

کاریل ڕەسولەیل 20:30

تەنانەت وەناو خوەدان کەسیلێگ پەێا بون که ڕاسی چەواشه کەن، تا شاگردیل بکەنه پێرەو خوێان و له ڕێ وه دەر بکەن.

تیتوس 1:11

ئەوانه باێه دەمکوت بکریەن، چوینکه ئەوانه وەخاتر تەمای سود کردن چشتیلی تالیم دەن که نەبایه تالیم بێەن و ویجوره وه تەمامی خاوخێزانیل فەنا کەن.

کاریل ڕەسولەیل 20:20

ئیوه زانين وه هەر چی که ئەڕادان فایده داشتیه دریخ نەکردمه، بەڵکەم پێخامەگه وەپێدان بانگەوازی کردمه، چ وەناو جەم و چ وەناو ماڵيلدان تالیمدان دامه.

لوقا 10:7

وەناو ئەو ماڵه بمینن و هەر چی دانه پێدان، بخوەن و بنوشن، چوینکه کارکەر حەقیه، حەق دەس بگرێ. ئی ماڵ و ئەو ماڵ نەکێن.

سێیەم یوحەنا 1:10

جا ئەگەر بام کاریلێ که کەی ئویشمەو، چوینکه وه قەسی له باوەت ئیمه قسیەێ خراو ئویشێد، وه ئیەیشه رازی نویه، بەڵکەم برایلیش ڕێ نێید و ئەو کەسیلێ که توان ڕێیان بێەن، نوایان گری و له کلیسا دەرێان کەی.

یەکم پتروس 4:15

وەلێ نێلین که هویچکامدان وه ناو خوینکەرێگ یا دزێگ یا بەێ کردەوەێگ یا تەنانەت فتفاتکەرێگ، عەزاو بکیشێ.

یاقوب 3:10

له یە دەم، هەم ستایش تێده دەیشت، هەم نووڕ! ئێ برایلم، خاس نیه ئی چشتیله ئیجوره بود.

یەکم نامەێ تیموتاوس 5:12

وەئیجوره، چوینکه ئیمان ئەوساێ خوێان نەنه ژێر پا، وه مل خوێانا ماکومیەت تیەرن.