یەکم نامەێ تیموتاوس 4:16 - کتاب مقدس به زبان کردی جنوبی - گویش کلهوری

¹⁶ خاس خاس، هوشده رێ رەوشت زنەیی و تالیم خوەد بو. وەناو ئەوانه بەردەوام بو، که ئەگەر ئیجوره بکێد هەم خوەد و هەم ئەوانه که وه‎ لێد شنەفن نجات دەێ.

یەکم نامەێ تیموتاوس 4:16 Referans Kwoze

تیتوس 1:9

ئەوه باێه وه کەڵام دڵنیایگ که تالیم دریاس قورس بلچکێی تا بتویەنێ مەردم وه پێ تالیم درس ئاموژیاری بکێد و هەرئیجوره بخوڕێده مل کەسیلێ که له نوای وسن.

تیتوس 2:7

خوەد له گشت چشتێگ نمونەێ کاریل خاس بو. وەناو تالیم خوەد ڕاس درس و سەنگین ڕەنگین به و

دویم تیموتاوس 4:2

کەڵام بانگەوازی بکێد و وەخت و بی وەخت ئەڕا ئی کاره گورج بوێد و وەگەرد سەور فره و تالیم فره درس، وه درس بوین و گازتاوه و هانداین کار بکێد.

ئەفسوسیێل 4:14

ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.

عبرانییل 13:9

وەگەرد تالیمیل جورواجور و عەڵاجوی له ڕێ دەر نەچین؛ چوینکه خاسه که دڵ ئنسان له فیز وەقەوەتەو بود، نه له خواردەمەنیێلێ که ئەڕا کەسیلێگ که خوێان وەقفێ کردنه، هویچ نەفێگ نیاشتیه.

عبرانییل 12:15

هوشدان بود که نەخواێ کەسێگ له لێدان نەتویەنێ فیز خودا وه دەس بارێد تا هویچ ریشەێ تیەڵێگ جویق نێید و نوده بایس پەشێوی و وه وەسلەێ ئەوه قێر فرەێگیش ناپاکەو نەکێ.

دویم تیموتاوس 3:14

وەلێ توی له ئەو چشته که یاێ گردیده و ئیمان هاوردیدەسه پێ بەردەوام بمین، ئەڕا ئیه که زانید ئەوانه له چ کەسیلێگ یاێ گردیده و

لوقا 21:34

«هوشدان بود، نەخواێ عیش و نوش و سەرخوەشی و نگرانییل زنەیی دڵدان ڕەقەو بکێ و ئەو ڕوژه جور تەڵەیگ وه ناکاوه بگرێدەدان.

یەکم نامەێ تیموتاوس 4:6

ئەگەر ئی کاریله بخیدەێ هویر برایل، بیده خزمەتکار خاس مەسیح عیسا، گەورا بی وەناو کەڵام ئیمان و تالیم خاسێگ که کەفتیدەسه شونێ.

یەکم نامەێ تیموتاوس 1:3

ئەو جورەکه له وەخت هاتنم وه مەنتەقەی مەقدونیه پاملد بیم، وه دواره له لێد توام وەناو ئەفسوس بمینێ تا وه بڕێگ فەرمان بێید که تالیمی تر نیەن

رومیەگان 16:17

ئێ برایل، لاڵکمه پێدان تا هوشدانه ئەوانه بود که بایس جیاوازین و نوا ڕێەگەدان گرن و وه نوای تالیمی که ئیوه گردينه، وسن؛ له ئەوانه دویرەو بگرن،

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.

یەکم قورنتییل 9:27

بەڵکەم سەختی دەمه لەشم و کەمێ خوڵام خوەم، نەخواێ وەشون بانگەوازی وه مەردم، خوەم ڕفوزه بوم.

کاریل ڕەسولەیل 6:4

وەلێ ئیمه خوەمان خەریک دوعا و خزمەت کەڵام کەیمن.»

مەرقوس 13:9

«وەلێ ئیوه هوشدانه خوەدانەو بود، چوینکه دەنەدانه دەس دادگایل و وەناو کەنیسەيل دەنه لێدان و وەبونەێ مه بەنەدانه لاێ فەرمانداریل و پادشایل تا وه نوایان شاێەتی بیەین.

یاقوب 5:20

ئەو ئایەمه بزانێ که هەر کەس گوناکارێگ له چەفتیەگەێ باریدێەو، گیانێ له مەرگ نجات دەێ و گونایل فرەێگیش داپوشانێه.

تیتوس 2:15

ئی چشتیله جار بیه؛ وه تەمام دەسڵات هان بیه و بگره گازتاوه. مەیل کەسێگ وه سوک بگرێدەد.

نامه وه کولوسییل 4:17

وه ئارخیپوس بویشن: «هوشد بود تا خزمەتی که وەناو خوداوەند پەێا کردیده وه کەماڵ برەسنێ.»

یەکم قورنتییل 9:22

وەگەرد بی هازیل، بی هازەو بیمه تا بی هازیل ئەڕا مەسیح وه ئیمان بارم. ئەڕا گشتیەکی بیمەسه گشت چشتێگ تا وه هەر شێوەێگ بتویەنم قێرێگ نجات بێەم.

رومیەگان 11:14

تا یە جورێگ هاونژادیل جویلەکەم بارمه سەر غیرەت و ویجوره بڕێگیان نجات بێەم.

رومیەگان 2:7

ئەیو زنەیی ئەبەدی بەخشێده کەسیلێ که وەگەرد سەور، کاریل خاس وەجێ تیەرن و هانه شون جەڵاڵ و حرمەت و نەمری؛

کاریل ڕەسولەیل 26:22

وەلێ تا وه ئیمڕو، خودا مەیەتم داس و ئێرنگه وسامەسه ئێرا و وه گشتیەکی له ورد و زرو شاێەتی دەم. بێجگه ئەو چشته که پەێخەمەریل و موسای پەێخەمەر وەتنه که باێه هەڵبکەفێ چشتێ نەوەتم:

نامه وه فیلیمون 1:19

مه، پولوس، وه دەس خوەم نویسم که تاوانێ دەم، هەڵبەت هەوەجیگ نێری که بویشم تەنانەت گیان خوەدیش و مه قەردداری.

یەکم تسالونیکییل 2:16

و نێیلن ئیمه وەگەرد ناجویلەکەیل قسیه بکێم تا نجات پەێا بکەن. وەئیجوره هەمویشه پەێمانەی گونایلێان نیقەڵتوزەو کەن. وەلێ خەزەو خودا دەس ئاخر وه ملێانەو ڕشیاس.

یەکم قورنتییل 1:21

چوینکه له ئەوره که بەنا وه زانیاری خودا، جهان نەتویەنست وه پێ زانیاری خودا بناسێ، خودا ئەوجورە سەلاح زانست که وەگەرد بانگەوازی گیلگەوجانه، کەسیلێ که ئیمان تیەرن، نجات بێی.

یەکم نامەێ تیموتاوس 4:15

ئی چشتیله وه جێ بار و خوەد وه تەمامی ئەڕا ئەوه بنه تا پێش کەفتند ئەڕا گشتیەکی ئاشکرا بود.