یەکم نامەێ تیموتاوس 3:13 - کتاب مقدس به زبان کردی جنوبی - گویش کلهوری

¹³ شەماسێلێگ که خاس خزمەت کردوین، وه جیگەێ بان رەسن له ناو ئیمان خوێان وه مەسیح عیسا وه ئازای فرەگەوراێگ دەس پەێا کەن.

یەکم نامەێ تیموتاوس 3:13 Referans Kwoze

ئنجیل مەتا 25:21

ئەرواوەگەێ وەپێ وەت: ”ئافەرم، ئێ خوڵام خاس و وەفادار! تو وەناو چشتیل کەم وەفادار بیده، جا نەمەده بان سەر چشتیل گەورا. بەوه ناو شادی ئەرواوەگەد بەشدار به.“

عبرانییل 6:10

چوینکه خودا بی ئنساف نیه که کردەوەدان و مابەتێگ که وەبونەێ ناو ئەیو له خزمەت وه ئیمانداریل وه مەسیح نیشان داینه و هێمراێ نیشانیش دەین له هویرێ بچود.

دویم تیموتاوس 2:1

جا توی ئێ ڕوڵەم، له فیزێگ که ها ناو مەسیح عیسا، تویەنا بو

یەکم تسالونیکییل 2:2

بەڵکەم ئەو جوره که زانين، هەر چەن وەرجەوە له شار فیلیپی عەزاو دیمن و وه خراوی ڕێ رەوشت وەگەردمانا کریاد، وەلێ وەناو خوداێ خوەمان، ئازای دایمنه خەرج تا وەناوڕاس ئی هەمگه ناکوکیه ئینجیل خودا وەپێدان جار بێیم.

نامەێ فیلیپییل 1:14

فره له برایل وەخاتر زندانی بینم، وەناو خوداوەند دڵ قورسەو بین تا وه ئازای فرەێگەو کەڵام خودا بی هویچ ترسێگ بویشن.

یەکم قورنتییل 16:15

زانين که بنەماڵەێ ئستفاناس یەکمین کەسیلێگ بین که وه ناوچەێ ئەخائیه ئیمان هاوردن، جا خوێان خەریک خزمەت وه ئیمانداریل وه مەسیح کردنه. ئێ برایل، لاڵکمه پێدان

کاریل ڕەسولەیل 21:35

وەختێ پولوس ڕەسیه پاێ پلەی قەڵاگه، سەربازەگان وەبونەێ توڕه بین جەماێەتەگه ناچار بین پولوس وه بان دەسیلێان بوەن.

کاریل ڕەسولەیل 6:15

وه ئی وەخته گشت ئەوانەێ که دانیشتوینه ناو شورا چەو بڕوینه پێ و دین که دەمچەوی بیەسه جور دەمچەو فریشتەیل.

کاریل ڕەسولەیل 6:8

ئستیفان پڕ له فیز و هێز خودا، موجزەیل و نیشانەیل گەورا وەناو قەوم ئاشکرا کردیاد.

کاریل ڕەسولەیل 6:5

ئی قسیه گشتێان خوەشنودەو کرد. جا ئستیفان هەڵوژاردن، که پیاێگ پڕ له ئیمان و روح‌القودوس بی، وەگەرد فیلیپوس و پروخوروس و نیکانور و تیمون و پەرمیناس و نیکولائوس ئەنتاکی که بویه جویلەکە.

لوقا 19:17

ئەویش وەپێ وەت: ”ئافەرم، ئێ خوڵام خاس! وەبونەێ ئیه که وەناو کەم ئەمین بید، حوکومەت ده شار وه تو سپارم.

ئنجیل مەتا 20:28

تەنانەت کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا ڕزگاری ئایەمیل فرەێگ فەدا بکێ.»

یەکم نامەێ تیموتاوس 3:14

هەر چەن ئمید ئەوه دێرم که و ئی زویه بامه ئەڕا لاد، وەلێ ئیانه ئەڕاد نویسم،