یەکم نامەێ تیموتاوس 2:7 - کتاب مقدس به زبان کردی جنوبی - گویش کلهوری

⁷ ئەڕا ئیه که مه هەر وه ئی بونه هەڵوژاریامه تا بانگەوازیکەر و ڕەسول و ماموستاێ ئیمان ڕاسەکانی ئەڕا ناجویلەکەیل بوم، ڕاس ئویشم و درو نیویشم.

یەکم نامەێ تیموتاوس 2:7 Referans Kwoze

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

دویم تیموتاوس 1:11

ئەڕا ئیه که مه هەڵوژاریامه تا بانگەوازیکەر، ڕەسول و ماموستاێ ئی ئینجیله بوم.

رومیەگان 9:1

وەناو مەسیح ڕاس ئویشم، درو نیویشم، وژدانمیش وەناو روح‌القودوس شاێەتی ئەڕام دەێ که

رومیەگان 15:16

تا بومه خزمەتکار مەسیح عیسا ئەڕا ناجویلەکەیل و خزمەت کاهنی جارداین ئینجیل خودا وه جێ بارم، تا ناجویلەکەیل پیشکەشی قەبوڵ کریاێگ بون وه دەرگاێ خودا که له ڕێ روح‌القودوس تەقدیس بینه.

نامه وە غەلاتییل 2:9

جا وەختێگ یاقوب و کیفا و یوحەنا که چماێ کوڵەکەیل کلیسان، فیزێگ که نسیو مه بوی دین، دەس دوسی وەگە‎رد من و بەرنابا دان تا ئیمه بچیمنه ئەڕا لاێ ناجویلەکەیل و ئەوانیش بچنه ئەڕا لاێ خەتەنه کریایل.

نامه وە غەلاتییل 1:20

وه نوای خودا دڵنیادان کەم که ئەو چشته ئەڕادان نویسم درو نیه.

نامه وە غەلاتییل 1:16

خوەشنود بی که کوڕەگەێ خوەێ وه مه ئاشکرا بکێ تا ئەیو له ناو ناجویلەکەیل بانگەوازی بکەم، له ئەو وەخته مه وەگە‎رد کەسێگ هاوفکری نەکردم و

رومیەگان 11:13

ئێرنگه ڕوی دەمم ها گەرد ئیوه ناجویلەکەیل. له ئەوره که من ڕەسول ناجویلەکەیلم، وه خزمەتەگەی خوەم فره شانازی کەم،

دویم پتروس 2:5

و ئەگەر بەزەیی خودا ناته جهان جارانیشەو، بەڵکەم وەختێ که وه جهان خودانەناسیل واهێڵان هەنارد، تەنیا نوح که بانگەوازیکەر سالح بوینه، وەگەرد هەفت نەفەر تر پارێزان؛

نامه وە غەلاتییل 3:9

جا کەسیلێ که پشت بەسانەسه ئیمان وەگەرد ئێبراهیم، ئەو پیاێ ئیمانه، بەەرکەتدارەو بون.

دویم قورنتییل 11:31

خودا، باوگ خوداوەند عیسا، که وه ئەیو تا ئەبەد بەرەکەت بود، زانی که درو نیویشم.

رومیەگان 10:14

ئێ چوی کەسێگ بچڕن که ئیمانه پێ ناوردنه؟ چوی وه کەسێگ ئیمان بارن که هویچ وەخت له باوەتێەو نەشنەفتنه؟ چوی بشنەفن، بی ئیه که کەسێگ ئەڕاێان بانگەوازی بکێ؟

کاریل ڕەسولەیل 26:20

بەڵکەم یەکم جار ئەڕا نیشتەجێیل دەمشق، وەشونێ ئورشەلیم و گشت ناوچەێ یەهودیه، هەر ئیجوره لەناو ناجویلەکەیل جار دامه که باێه توبه بکەن و هەڵوگەردیەنه ئەڕا لاێ خودا و کردەوێ شایسەێ توبه بیاشتون.

کاریل ڕەسولەیل 22:21

«ئەیو وەپێم وەت: ”بچو؛ کلد کەم ئەڕا جایل دویر، ئەڕا لاێ ناجویلەکەیل.“»

کاریل ڕەسولەیل 14:27

وەختێ ڕەسینه ئەوره، کلیسا وه دەور یەکەو گردەو کردن و باس ئەو چشتیله کردن که خودا وەگەردێان کردوی، هەر ئیجوره که چوی دەر ئیمان ئەڕا ناجویلەکەیل واز کردێه.

یوحەنا 7:35

جویلەکەیل وه یەکترەکی وەتیان: «ئی پیا تواێ بچوده ئەڕا کوره که ئیمه پەێاێ نیەکیم؟ یانێ تواێ بچوه ئەڕا لاێ جویلەکەیلێگ که وەناو یونانیەگان تەفرتویناوه بینه و یونانیەگان تالیم بێی؟

نامه وە غەلاتییل 2:16

وه ئی حاڵەو زانیمن که ئایەم وەگەرد کردەوەێ شەریعەت سالحان وه حساو نیەتێ، بەڵکەم وه پێ ئیمان وه عیسا مەسیح سالحان وه حساو تێ. جا خوەمانیش وه مەسیح عیسا ئیمان هاوردیمنه تا وەگەرد ئیمان وه مەسیح، سالحان وه حساو بایمن نه وەگەرد کردەوەێ شەریعەت، چوینکه وەگەرد وه جێ هاوردن کردەوەێ شەریعەت کەسێگ سالحان وه حساو نیەتێد.

رومیەگان 1:9

چوینکه خوداێگ که ئەیو وەگەرد روحم وەناو کار ئینجیل کوڕەگەێ خزمەتی کەم، شاێەتمه که چوی لەناو دوعایلم یەێسەر وه هەر وەختێگ تیەرمەدانه هویرم و

یەکم قورنتییل 9:1

ئێ مه ڕزگار نیم؟ ئێ مه ڕەسول نیم؟ ئێ خوداوەندمان عیسا نێیمه؟ ئێ ئیوه بەر کار من وەناو خوداوەند نین؟