یەکم نامەێ تیموتاوس 1:5 - کتاب مقدس به زبان کردی جنوبی - گویش کلهوری

⁵ ئامانج ئی فەرمانه دوس داشتنه، دوس داشتنێگ که له دڵ پاک و وژدان درس و ئیمانێگ بی دوڕویی هەڵساس.

یەکم نامەێ تیموتاوس 1:5 Referans Kwoze

یەکم نامەێ تیموتاوس 1:19

و سفت هەڵبکیده قێ ئیمان و وژدان پاکێگ، ئەڕا ئیه که کەشتی ئیمان بڕێگ وه خاتر ژێر پا ناین ئەوانه شکیاسه ناو یەکەو.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

دویم تیموتاوس 2:22

له هەواوهەوەس جاێەلی دەر بچو و وەگەرد ئەوانه که وه دڵ پاکەو خوداوەند خوەنن، وەشون سالح بوین و ئیمان و مابەت و ئاشتی و سڵامەتی بو.

دویم تیموتاوس 1:5

ئیمان بی خڵت خەوش توی تیەرمه هویرم که یەکم جار له ناو نەنگد لوئیس و ئمجا له ناو داڵگد یونیکی نیشتەجێ بی و دڵنیام ئێرنگەیش له ناو توی نیشتەجێه.

دویم تیموتاوس 1:3

وەختێگ شەو و ڕوژ، یەێ‌سەر توی له ناو دوعایلم تیەرمه هویرم، سپاس خودا کەم، خوداێگ که منیش هەر‎ جور باپیریلم وەگەرد وژدان پاکێگەو خزمەتی کەم.

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،

یەکم پتروس 3:16

وژداندان پاک بپارێزنن تا کەسیلێگ که له ڕێ رەوشت خاس ئیوه وەناو مەسیح، خراو ئویشن له خراو وەتن خوێان شەرمزارەو بون.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

دویم پتروس 1:7

وه مل خوداناسی، دوسی براێانه و وه مل دوسی براێانه، مابەت.

رومیەگان 10:4

چوینکه مەسیح بن شەریعەته تا هەر کەس ئیمان بارێ، سالحان وه حساو باێ.

تیتوس 1:15

ئەڕا ئایەمیل پاک گشت چشتێگ پاکه، وەلێ ئەڕا ئەوانه که ناپاک و بی ئیمانن، هویچ چشتێگ پاک نیه، بەڵکەم هەم فکریلێان ناپاکه و هەم وژدانێان.

یەکم نامەێ تیموتاوس 3:9

باێه راز ئیمان وەگەرد وژدان پاکێگەو بپارێزنن.

دویم قورنتییل 1:12

شانازی ئیمه شاێەتی وژدانمانه که کردەوەمان وەناو جهان، وەتاێبەتی لەباوەت ئیوه، وەگەرد سادەی و ڕویڕاسی خودایی بی. ئیمه نه وه ڕوی زانیاری ئنسانی، بەڵکەم وه پێ فیز خودا کار کردیمنه.

یەکم پتروس 4:8

گرنگتر له گشتێ، یەکترەکی وه گیان و دڵ مابەت بکێن، چوینکه مابەت، گونایل فرەێگ داپوشنێ.

یاقوب 4:8

وه خودا نزیکەو بوین، که ئەیویش وەپێدان نزیکەو بود. ئێ ئیوه گوناکاریل، دەسيلدان پاکەو بکەن و ئێ ئیوه هوکی هوکییەل، دڵیلدان پاکەو بکەن.

کاریل ڕەسولەیل 23:1

پولوس چەو بڕیە ئاڵ شورا و وەت: «برایل، مه تا ئیمڕو له لاێ خوداوه وەگەرد وژدان پاکێگەو زنەیی کردمه.»

یەکم یوحەنا 3:3

هەر کەس وه ئەیو ئیجور ئمیدێگ دێرێ، خوەێ پاکەو کەی، هەر ئەوجورە که ئەیو پاکه.

عبرانییل 10:22

باین تا وه دڵێگ ڕاس و دڵنیایی تەمام ئیمان، نزیک خودا بویمن، وه حاڵێگەو که دڵیلمان له وژدان خراو پاکەو بویه و جەسەیلمان وەگەرد ئاو پاک شوریاس.

یەکم قورنتییل 13:1

ئەگەر وه زوانیل ئایەمیل و فریشتەیل قسیه بکەم، وەلێ مابەت نیاشتوم، دێوڵ ناوڕاس چوڵ و سەنجێگ پڕ قرموقاڵم.

رومیەگان 14:15

چوینکه ئەگەر وەگەرد ئەو چشته که خوەید، براگەد دەردەدارەو کەی، دیتر ڕێ رەوشتد وەناو مابەت نيه. وەگەرد ئەو چشته که خوەید، ئەو کەسه که مەسیح وەبونەێەو مرد، نابود مەکه.

رومیەگان 9:1

وەناو مەسیح ڕاس ئویشم، درو نیویشم، وژدانمیش وەناو روح‌القودوس شاێەتی ئەڕام دەێ که

کاریل ڕەسولەیل 24:16

جا من ئەڕا داشتن وژدانێگ پاک له لاێ خودا و مەردم تەقالا کەم.

کاریل ڕەسولەیل 15:9

ئەیو وەناو ئیمه و ئەوانه هویچ جیاوازێگ نەنا، بەڵکەم وه ئیمان، دڵیلێان پاکەو کرد.

ئنجیل مەتا 12:35

ئایەم خاس وه خەزانەی خاس دڵی، خاسێ وه بار تیەرێ، ئایەم خراویش وه خەزانەی خراو دڵی، خراوی وه بار تیەرێ.

ئنجیل مەتا 5:8

خوەش وه حاڵ ئەوانه که دڵپاکن، چوینکه ئەوانه خودا دوینن.

یەکم یوحەنا 3:23

حوکمەگەیشێ ئیەسه که، وه ناو عیسا مەسیح کوڕێ ئیمان باریم و یەکترەکی مابەت بکێم، هەر ئەوجورە که وەپێمان حوکم کردێه.

عبرانییل 13:18

ئەڕا ئیمه دوعا بکەن، چوینکه دڵنیایم که وژدانمان پاکه و توایم وەناو گشت چشت وه درسی ڕێ رەوشت بکێم.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

رومیەگان 12:9

مابەت باێه دویر له دوڕویی بود. له شەڕئاشویی قیندان باێ و قورس بلچکێینه ئەو چشته که خاسه.

یەکم نامەێ تیموتاوس 1:18

کوڕەگەم، تیموتاوس، ئی حوکمه وه ڕوی نەبوەتیلێگ که وەرجه ئیه له باوەت تنەو بیه، سپارمه پێد تا وه مەیەت ئەوانه وه خاسێ جەنگین ئەڕا خودا، بویده نوا،

یەکم یوحەنا 3:10

ڕوڵەیل خودا و ڕوڵەیل ئبلیس ئیجوره مالوم بون: هەر کەسێگ ئەو چشته که درسه وەجێ نارێ و یا براێ خوەێ دوس نیاشتود، له خودا نیه.