یەکم نامەێ تیموتاوس 1:17 - کتاب مقدس به زبان کردی جنوبی - گویش کلهوری

¹⁷ وه ئەو خوداێگ که یەکێگە، پادشاێ دەورەیله، نەمر و نادیاریه، تا دنیا دنیاس حرمەت و جەڵاڵ بود؛ ئامین!

یەکم نامەێ تیموتاوس 1:17 Referans Kwoze

یەهودا 1:25

وه ئەیو خوداێگ که یەکێگە و نجات دەر ئیمه، له ڕێ عیسا مەسیح، خوداوەند ئیمه، وه ئەیو که له ئەزەڵ بیه، ئێرنگه هەس و تا ئەبەد هەر هەسەێ، جەڵاڵ و گەورایی و حوکمرانی و دەسڵات بود! ئامین.

وەحی وه یوحەنا 19:1

وەشون ئیه، دەنگێگ شنەفتم مینستیاده دەنگ بەرز جەماێەت فره گەوراێگ له ئاسمان، که وەتیان: «هەللویاه! نجات و جەڵاڵ و هێز هن خوداێ ئیمەس،

وەحی وه یوحەنا 17:14

ئەوانه وەگەرد وەرکەگه شەڕ کەن و وەرکەگه وه ملێانەو زاڵەو بود، چوینکه ئەیو خوداوەند خوداوەندیل و شاێ شاێیله؛ و ئەوانه که هانه گەردێەو، دەنگ کریایل و هەڵوژاردیل و پێرەویل وەفادارین.»

نامه وه کولوسییل 1:15

ئەیو وێنەێ خوداێ نادیاریه، یەکم زگ، نواتر و بانتر له گشت درسکریایل خوداس،

وەحی وه یوحەنا 19:16

له بان بەتیه و له بان ڕانێ ناوێگ نویسریاس: ’شاێ شاێیل و خوداوەند خوداوەندیل.‘

رومیەگان 1:23

جەڵاڵ خوداێ نەمر وەگەرد پێکەریلی که جور ئنسانێگ که مرێ و باڵەندەیل و گیانەوەریل و خزنەیلن، گوڕانن.

وەحی وه یوحەنا 19:6

ئمجا دەنگێگ شنەفتم که مینستیاده دەنگ جەماێەت فره گەوراێگ و جور قیڕەێ ئاویل فرەێگ و جور دەنگ هەورەتریقەێ گەوراێگ، که وەتیا: «هەللویاه! چوینکه خوداوەند خوداێ ئیمه، ئەیو که هەر وه تویەناس، سەڵتەنەت کەێد.

یەکم یوحەنا 4:12

هویچکەس هەراێهەر خودا نێه. ئەگەر ئیمه یەکترەکی مابەت بکێم، خودا وەناومان نیشتەجێه و مابەتەگەێ وەناومان وه کەماڵ ڕەسیه.

یوحەنا 1:18

هەراێهەر کەسێگ خودا نیه. وەلێ ئەو تەنیا کوڕه که ها لاێ باوگ ئاسمانی، ئەیو ناسانێه‎.

ئنجیل مەتا 6:13

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

وەحی وه یوحەنا 15:3

ئەوانه بەیت خزمەتکار خودا، موسا، خوەنیان و بەیت وەرکەگه که: «فره گەورا و سەرسڕهاوەرە کاریل توی، ئێ خوداوەند خوداێ هەر وه تویەنا. داد و حەقه ڕێیل توی، ئێ پادشاێ ملەتیل.

وەحی وه یوحەنا 7:12

وەتن: «ئامین! ستایش و جەڵاڵ و زانیاری و سپاس و حرمەت و هێز و تویەنایی ئەڕا خوداێ ئیمه بود، تا ئەبەد و تا ئەبەد. ئامین!»

دویم پتروس 3:18

بەڵکەم وەناو فیز و ناسین خوداوەند و نجات دەر ئیمه عیسا مەسیح، گەوراوه بین. وه ئەیو له ئێرنگه تا ئەبەد و تا ئەبەد جەڵاڵ بود! ئامین.

یەکم پتروس 5:11

تا ئەبەد و تا ئەبەد حوکمرانی وه ئەیو بود. ئامین.

عبرانییل 11:27

وه ئیمان بی که موسا مسر هیشته جێ و له توڕەیی پادشا ڕخێ نەچی، چوینکه ئەوه جور کەسێگ که خوداێ نادیاری هەمویشه له وەر چەویل خوەێ دوینید، بەردەوام بی.

رومیەگان 16:27

وه ئەیو که یەکی خوداێ زاناس تا ئەبەد و تا ئەبەد له ڕێ عیسا مەسیح جەڵاڵ بود! ئامین.

رومیەگان 11:36

چوینکه گشت چشتێگ له ئەیو و له ڕێ ئەیو و ئەڕا ئەیوه. تا ئەبەد جەڵاڵ ئەڕا ئەیو بود. ئامین.

رومیەگان 2:7

ئەیو زنەیی ئەبەدی بەخشێده کەسیلێ که وەگەرد سەور، کاریل خاس وەجێ تیەرن و هانه شون جەڵاڵ و حرمەت و نەمری؛

رومیەگان 1:20

چوینکه هەر له ئەو وەخته که جهان وه دی هات، سفەتیل نادیاری خودا، یانێ هێز ئەبەدی و خودابوینێ، وەناو چشتیلی که درس کردێه، خاس بو بوینیدێ. جا هویچ دەسپێچکێگ ئەڕا ئەوانه نیه.

ئنجیل مەتا 28:20

تالیمیان بێەن تا گشت ئەو چشتیله که وەپێدان فەرمان دامه وه جا بارن. بنوڕن، من هەر ڕوژ تا ئاخر ئی دەورانه هامه گەرددانەو!»

ئنجیل مەتا 25:34

ئمجا پادشا وه ئەوانه که هانه لاێ ڕاسی ئویشێ: ”بان، ئێ ئەوانه که له باوگم بەەرکەت گردینه، ئەو پادشاییه که له دامەزرانن جهانەو ئەڕادان گورجەو بوی وه میرات بوەنێ.

یوحەنا 5:44

چوی تویەنين ئیمان بارین وەختێ جەڵاڵ له یەکترەکی گرین و مینێ جەڵاڵێگ نیەکین که له لاێ خوداێگ که یەکیگه، تێی؟

رومیەگان 2:10

وەلێ هەر کەسێگ که خاسێ بکێ، جەڵاڵ و حرمەت و ئاشتی و سڵامەتی بوده نسیوێ، یەکم جار جویلەکە و لەشونی یونانی.

عبرانییل 2:7

ئەوه ئەڕا ماوەێ کەمێگ خوارتر له فریشتەیل درسی کردی، تاج جەڵاڵ و حرمەت نایدەسه بان سەری