یەکم تسالونیکییل 5:23 - کتاب مقدس به زبان کردی جنوبی - گویش کلهوری

²³ با خوداێ ئاشتی و سڵامەتی، خوەێ ئیوه وه تەمامی تەقدیس بکێد و گشت روح و گیان و لەشدان وه ڕوژ هاتنەوەێ خوداوەندمان عیسا مەسیح، بی نەخس بپارێزیەد.

یەکم تسالونیکییل 5:23 Referans Kwoze

یەهودا 1:24

وه ئەیو که تویەناس ئیوه له کەفتن بپارێزنێ و وه لاێ پڕ جەڵاڵ خوەێ بی نەخس و نیقەڵتوز له خوەشی فره گەوراێگ گورجەو بکێد،

عبرانییل 4:12

چوینکه کەڵام خودا زنیه و کارکەره و تێژتر له هەر شمشێر دو دەمێگه و ئەوجورە چوده ناو که گیان و روح، مەفسەلیل و مەخز سقانیل جیاوه کەید و فکریل و نیەتیل دڵ هەڵسەنگنێد.

یەکم تسالونیکییل 3:13

تا دڵدان قورسەو بکێ تا ئەو وەخته که خوداوەندمان عیسا وەگەرد گشت موقەدەسیل خوەێ تێد، وه لاێ خودامان یانێ باوگ ئاسمانیمان، بی نەخس و موقەدەس بوین.

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.

نامەێ فیلیپییل 1:10

تا خاسترین چشت بناسین، تا ئەڕا ڕوژ هاتنەوەێ مەسیح، پاک و بی نەخس بوین و

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

نامەێ فیلیپییل 1:6

وه ئیه دڵنیام ئەیو که کار خاسێگ وەناودان خسته ڕێ، ئەوه تا وه ڕوژ هاتنەوەێ عیسا مەسیح وه کەماڵ رەسنێد.

دویم پتروس 3:14

جا ئێ عەزیزەیل، ئیسه که چەوەڕێ ئی کاریلینه، خاس تەقالا بکەن تا له لاێ ئەیو بی لەکه یا بی نەخس وه ناو ئاشتی و سڵامەتی بوین.

عبرانییل 2:11

چوینکه ئەیو که موقەدەسەو کەید و ئەوانه که موقەدەسەو بون، گشتێان له یەێ باوگن. وه ئی باوەته، عیسا شەرمێ نیەتیێد ئەوانه وه برا بخوەنێ.

نامه وه کولوسییل 1:22

وەلێ ئێرنگه مەسیح ئیوه وەناو جەسەێ بەشەری خوەێ وەگەرد مردنێ ئاشتی داس، تا ئیوه موقەدەس و بی نەخس و دویر له هەر سەرزەنشتێگ بارێده ئەڕا لاێ خودا،

یەکم قورنتییل 14:33

چوینکه خودا، نه خوداێ شل شێویایی، بەڵکەم خوداێ ئاشتی و سڵامەتیه، هەر جوره که له ناو گشت کلیسایل ئیمانداریل وه مەسیح، ئیجورەسه.

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

لوقا 1:46

مریەم وەت: «گیانم ستایش خوداوەند کەید و

عبرانییل 13:20

ئیسه، خوداێ ئاشتی و سڵامەتی که شوان گەوراێ پەسیل یانێ خوداوەند ئیمه عیسا وه خوین ئەو پەێمان ئەبەدیه له مردگیل زنیەو کرد،

رومیەگان 15:5

با خوداێگ که سەرچاوەی بەردەوامی و دڵگەرمیه، بوەخشێده پێدان تا ئەوجورە که وەگەرد خاست مەسیح عیسا جور دەرتێد، وەگەرد یەکترەکی هاوفکر بوین،

دویم تسالونیکییل 3:16

ئیسه، با خوداوەند ئاشتی و سڵامەتی، خوەێ هەمویشه و له هەر باوەتەو وه پێدان ئاشتی و سڵامەتی بوەخشێد. خوداوەند وەگەرد گشتدانەو بود.

نامەێ فیلیپییل 4:9

هەر چشتێ که له مه یاێ گردینه و قەبوڵ کردینه و هەر چشتێ که له مه شنەفتینه و له لێم دینه، ئی چشتیله وه جێ بارین، که خوداێ ئاشتی و سڵامەتی ها گەرددانەو.

دویم قورنتییل 5:19

یانێ که خودا وەناو مەسیح بی و ئی جهانه وەگەرد خوێەو ئاشتی دیاد و خەتایل مەردم وه حساویان نیشتیاد و پێخام ئاشتی سپارده پێمان.

کاریل ڕەسولەیل 26:18

تا چەویلیان واز بکێ که له تیەریکی ئەڕا نویر و له هێز شەیتان ئەڕا لاێ خودا هەڵوگەردیەن، تا گونایلێان بوەخشرێید و وەناو ئەوانه که وەگەرد ئیمان وه من موقەدەسەو بینه، بەشێگ بیاشتون.“

یوحەنا 17:19

وەبونەێ ئەوانه خوەم تەقدیس کەم، تا ئەوانیش وەناو ڕاسی تەقدیس بون.

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

یەکم تسالونیکییل 4:3

چوینکه خاست خودا ئیەسه که موقەدەس بوین: خوەدان له خیزی دویرەو بکەن.

یەکم قورنتییل 1:2

وه کلیساێ خودا له شار قورنتوس، که وەناو مەسیح عیسا تەقدیس کریانه و دەنگ کریانه تا بونه قەوم موقەدەس خودا، وەگەرد گشت ئەوانه که وه هەر شون ترێگە‎و ناو خوداوەندمان عیسا مەسیح خوەنن، که خوداوەند ئیمه و خوداوەند ئەوانەسه:

رومیەگان 16:20

خوداێ ئاشتی و سڵامەتی وه ئی زوی شەیتان وه ژێر پایلدان تلنێد. فیز خوداوەندمان عیسا مەسیح وەگەرددانەو بود.

رومیەگان 15:33

خوداێ ئاشتی و سڵامەتی وەگەرد گشتدانەو بود. ئامین.

کاریل ڕەسولەیل 20:32

«ئێرنگه ئیوه سپارمه خودا و کەڵام فیز ئەیو، که تویەناس ئیوه وەناو ئیماندان بنێده سەر پاوه و بەەرکەتیلێ که میراتی ئیمانداریل وه مەسیحه، بوەخشێده پێدان.

یەکم تسالونیکییل 2:19

چوینکه چەس ئمید یا خوەشی یا تاج شانازی ئیمه له نوای خوداوەندمان عیسا له وەخت هاتنێ؟ مەر ئیوه نیين؟

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

یەکم تسالونیکییل 3:11

با ئێرنگه خودامان یانێ باوگ ئاسمانیمان خوەێ و خوداوەندمان عیسا، ڕێ ئیمه وەر‎و لادان هامار بکێد

یەکم تسالونیکییل 5:22

له هەر جور خراوی دویرەو بکەفن.

یاقوب 1:4

بیلن بەردەوامی کار خوەێ کامڵەو بکێ تاگه بازڵه و کامڵەو بوین و چشتێ کەم نیاشتوین.