یەکم تسالونیکییل 5:15 - کتاب مقدس به زبان کردی جنوبی - گویش کلهوری

¹⁵ هوشدان بود، کەسێگ خراوی وەگەرد خراوی جواو نید، بەڵکەم هەمویشه وەشون خاسێ کردن وه یەکترەکی و وه گشت مەردم بوین.

یەکم تسالونیکییل 5:15 Referans Kwoze

یەکم پتروس 3:9

خراوی وەگەرد خراوی یا دژمین وەگەرد دژمین جواو مێەن، بەڵکەم وه پێچەوانه، داواێ بەەرکەت بکەن، چوینکه هەر ئەڕا ئیه دەنگ کریاینه تا بەەرکەت بوده نسیودان.

نامه وە غەلاتییل 6:10

جا تا دەرفەت دێریم بان تا وه گشتیەکی خاسێ بکێم، وه تایبەتی وه کەسیلێ که وه مەسیح ئیمان دێرن.

سێیەم یوحەنا 1:11

ئێ عەزیز، وه خراوی نمونه ئەڕا خوەد مەگر، بەڵکەم وه خاسێ نمونه بگر. هەر کەس خاسێ بکێ، له لاێ خوداس، وەلێ هەر کەس خراوی بکێ خودا وه چەو نێه.

عبرانییل 12:14

سەخت تەقالا بکەن که وەگەرد گشت مەردم وەناو ئاشتی و سڵامەتی بێەنێ سەر و موقەدەس بوین، چوینکه جیا له قودوسیەت هویچکەسێگ خوداوەند نیوینێد.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

دویم تیموتاوس 2:24

خزمەتکار خوداوەند نەبایه شەڕ بکێد، بەڵکەم باێه وەگەرد گشتیەکی مێرەبان بود و تویەناێ تالیم و سەور بیاشتوید.

یەکم نامەێ تیموتاوس 6:11

وەلێ توی ئێ پیاێ خودا، له گشت ئیانه دەر بچو، له شون سالح بوین و دینداری و ئیمان و مابەت و بەردەوامی و دڵنەرمی بو.

تیتوس 3:2

له باوەت کەسێگ خراو نویشن و له دەمقاڵ دویرەو بگرن و دڵنەرم بون و رێ رەوشتێان وەگەرد گشت مەردم وه حرمەتەو بود.

یەکم تسالونیکییل 2:12

ئیمەیش هەر کام له لێدان هان دایمن و دڵنەوایی کردیمن و سپاردیمنه پێدان تا ڕێ رەوشتدان ئەوجورە بود که شایسەێ خوداس، خوداێگ که ئیوه وه پادشایی و جەڵاڵ خوەێ دەنگ کەێد.

ئەفسوسیێل 5:15

جا، فره هوشدان بود که چوی زنەیی کین، نه جور نەزانیل بەڵکەم جور زانایل.

یەکم قورنتییل 14:1

بکەفنه شون ڕێ مابەت و وه تاسەێ تەمام وەشون خەڵاتییل روحانی بوین، وه تایبەتی ئیەک نەبوەت بکێن.

یەکم قورنتییل 6:7

داشتن ئیجور مرافەیلێگ وەناودان، ئیه خوەێ ئەڕادان شکەسێگه. ئەڕا گورج نین ستەمه پێدان بکرێی؟ ئەڕا گورج نین زیان بوینین؟

رومیەگان 14:19

جا بان وەشون ئەو چشته بویمن که بایس ئاشتی و سڵامەتی و وەسەرپاناین یەکترەکیمانه.

رومیەگان 12:9

مابەت باێه دویر له دوڕویی بود. له شەڕئاشویی قیندان باێ و قورس بلچکێینه ئەو چشته که خاسه.

لوقا 6:35

وەلێ ئیوه، دشمەنیلدان دوس بیاشتون و وەپێان خاسێ بکەن و قەرد بێەنه پێان و ئی ئمیده نیاشتون که له لێان بسینینێەو، چوینکه پاداشدان فره گەوراس و بوینه ڕوڵەێ خوداێ هەربەرز، چوینکه ئەوه وەگەرد ناسپاسیل و بەدکارەیل، مێرەبانه.

ئنجیل مەتا 5:39

وەلێ مه وەپێدان ئویشم، وه نوای ئایەم شەڕئاشو نەوسن. ئەگەر کەسێگ چەپاڵەی دا ناو گوش ڕاسد، ئەولادیش ئەڕاێ بگر.

یەکم پتروس 2:17

حرمەت گشتیەکی بگرن، برایل مابەت بکەن، له خودا ڕخدان بچود و حرمەت پادشا بگرن.

ئەفسوسیێل 5:33

کوڵ و کوڵبڕ، هەر کامدان باێه ژنەگەێ جور خوەێ دوس بیاشتود و ژنیش باێه هوشی بود که حرمەت شویەگەێ بگرێ.

یەکم قورنتییل 16:10

وەختێگ تیموتاوس هات، هوشدان بود تا هویچ نگرانیگ وەناودان نياشتود. چوینکه ئەویش جور من خەریک کار خوداوەنده؛

وەحی وه یوحەنا 22:9

وەلێ ئەو وه مه وەت: «نەبایه ئیجوره بکێ! منیش هەر جور توی و برایل توی، یانێ پەێخەمەریل و جور ئەوانه که کەڵام ئی کتاوه پارێزنن، خزمەتکارم. خودا بپەرەس.»

وەحی وه یوحەنا 19:10

ئمجا کەفتمه بان پایلێ تا بپەرەسمەێ. وەلێ وەپێم وەت: «نەبایه توی ئی کاره بکێ! منیش هەر جور توی و برایل توی که لچکینه شاێەتی عیسا، خزمەتکار ئەیوم. خودا بپەرەس! چوینکه شاێەتی عیسا، روح نەبوەته.»

یەکم تسالونیکییل 5:21

بەڵکەم گشت چشتێگ ئەزمون بکێن؛ قورس بلچکێینه ئەو چشته که خاسه.

کاریل ڕەسولەیل 16:28

وەلێ پولوس وه دەنگ بەرز هاوار کرد، وەت: «بەڵاێگ ناره سەر خوەد، گشتمان هایمنه ئێرا!»