یەکم تسالونیکییل 5:11 - کتاب مقدس به زبان کردی جنوبی - گویش کلهوری

¹¹ جا یەکان هان بێەن و بەنا بکەن، ئەو جوره که ئێرنگەیش ئی کاره کین.

یەکم تسالونیکییل 5:11 Referans Kwoze

ئەفسوسیێل 4:29

هویچ قسیەێ خراوێگ له دەمدان دەرنەچود، بەڵکەم جورێگ قسیه بکەن که وه جێ بود و ئەڕا وه سەر پا ناین مەردم وه کار باێ و تا وه ئەوانه که شنەفن فیز برەسنێد.

عبرانییل 10:25

له گردەو بوینمان وەگەرد یەکترەکی واز ناریم، ئەوجورە که ئەڕا بڕێگ بیەسه نەریتیگ، بەڵکەم یەکترەکی هان بێیم، وه تایبەتی ئێرنگه که شاێەت نزیکەو بوین ئەو ڕوژه، یانێ ڕوژ هاتنەوەێ خوداوەند عیساین.

رومیەگان 15:2

باین تا هەر کام له ئیمه وەناو ئەو چشت خاسه که وەناو هاوساگەێ خوەێ دوینی له ئەو باوەته ئەو ئایەمه خوەشنود بکێ تا بوده بایس سەر پا ناینی.

عبرانییل 3:13

بەڵکەم هەرچێ ڕوژه، تا وەختێگ که وەپێ ئویشرێ ’ئیمڕو‘ یەکترەکی هان بێین، تا هویچ کەسێگ له ئیوه وه فێڵ گونا، دڵڕەقەو نود.

یەکم تسالونیکییل 4:18

جا وەئی قسیەيله، یەکترەکی هان بێەن.

رومیەگان 14:19

جا بان وەشون ئەو چشته بویمن که بایس ئاشتی و سڵامەتی و وەسەرپاناین یەکترەکیمانه.

یەکم قورنتییل 14:12

له باوەت ئیوەیش ئیجورەسه. له ئەوره که تاسەبار خەڵاتییل روح خوداین، تەقالا بکەن که وەناو بنیاد ناین کلیسا بکەفیه نوا.

ئەفسوسیێل 4:12

تا ئیمانداریل وه مەسیح ئەڕا کار خزمەت گورجەو بکەن، ئەڕا وه سەرپا ناین جەسەێ مەسیح،

یەهودا 1:20

وەلێ ئیوه ئێ عەزیزەیل، خوەدان وەناو ئیمان فره موقەدەسدان بنینه سەر پاوه و وەناو روح‌القودوس دوعا بکێن،

ئەفسوسیێل 4:16

له ئەیوه که گشت جەسه، وه وەسلەێ هەر مەفسەلیگ که ئەڕا ئەوانه گورجەو بیه، بەسیەنه قێ یەک و یەکترەکی گرن. جا وەختێ هەر ئەنامێگ درس کار بکێ، بایس بود جەسه گەورا بود تا خوەێ وەناو مابەت بنێدەێ سەر پاوه.

یەکم قورنتییل 10:23

«گشت چشتێگ ڕەواس» - وەلێ گشت چشتێگ فایده نێری. «گشت چشتێگ ڕەواس» - وەلێ گشت چشتێگ بنیادنەر نیه.

دویم پتروس 1:12

جا توام ئی چشتیله هەمویشه بخەمه هویردان، هەر چەن ئەوانه زانين و له ئەو ڕاسیه که دێرین، بەردەوامین.

دویم قورنتییل 12:19

ئی هەمگه وەخته فکر کردیاین که ئيمه له خوەمان وەنوادان دەفا کردیمنه؟ نەخیر، ئیمه لەلاێ خوداوه جور کەسیلێگ قسیه کەیمن که هانه ناو مەسیح، هەر چی کيمن، ئێ عەزیزەیل، ئەڕا بنیاد ناین ئیوەس.

یەکم قورنتییل 14:29

جا له نەبوەتکەریل، دو یا سێ نەفەر نەبوەت بکەن و ئەو باقی وردەو بونه قسیەگانیان.

رومیەگان 15:14

ئێ برایلم، مه خوەم له ئیوه دڵنیام که خودان له خاسی پڕین و له هەر چی ماریفەته پڕین و تویەنین یەکترەکی تالیم بێین.

یەکم نامەێ تیموتاوس 1:4

و سەر خویان وەگەرد مەسلەتیل و بنەچەکیلێ که بنێ نیەتێی گەرمەو نەکەن، چوینکه ئیانه له جێ بڵاو کردن کار خودا که له ڕێ ئیمان تێدە دی، دامەن دەنه قسیه و باسیل.

یەکم تسالونیکییل 4:10

وه ڕاسی که وه گشت برایل له سەرئانسەر مەنتەقەێ مەقدونیه مابەت کین. وەلێ ئێ برایل، لاڵکێیمنه پێدان که ئی کاره فرەتر و فرەتر وه جێ بارین.

یەکم قورنتییل 14:5

ئاوەختیم ئیەسه که گشتدان وه زوانیلتر قسیه بکێن، وەلێ فرەتر توام که نەبوەت بکێن. ئەوه که نەبوەت کێ، گەوراتر له ئەوەسه که وه زوانیلتر قسیه کێ، مەر ئیه که زوانەگه هەڵوگەردنێ تا بایس بنیاد ناین ئیمان کلیسا بود.