یەکم تسالونیکییل 5:10 - کتاب مقدس به زبان کردی جنوبی - گویش کلهوری

¹⁰ که وەبونەێ ئیمه مرد، تا چ وەخەوەر بویمن و چ وەناو خەو، وەگەرد ئەیو زنەیی بکێم.

یەکم تسالونیکییل 5:10 Referans Kwoze

یەکم پتروس 3:18

چوینکه مەسیحیش یەێ جار ئەڕا گونایل رەنج کیشا، یانێ ئەو ئایەم سالحانه ئەڕا ئەوانه که سالحان نین، تا ئیمه بارێده ئەڕا لاێ خودا. ئەیو وەناو جەسه کوشریا، وەلێ وەناو روح، زنیەو بی و

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

رومیەگان 8:34

جا کیه که بتویەنێ ماکومێان بکێ؟ مەسیح عیساس ئەو کەسه که مرد، تەنانەت نه تەنیا ئیه بەڵکەم زنیەو بی و ها دەس ڕاس خودا، ئەوەسه که وه ڕاسی ئەڕامان ناوجێ کەێ!

یەکم تسالونیکییل 4:17

جا ئیمه که زنیمن و باقی مەنیمنه، وەگەرد ئەوانه وەرەو ناو هەوریل کیشیمنه بان تا وەناو هەواوه خوداوەند‎ بوینیم، وەئیجوره هەمویشه هایمنه گەرد خوداوەندەو.

دویم قورنتییل 5:21

خودا کەسێگ که گونا نەناسێ، ئەڕا ئیمه کرده گونا، تا وه یەکەو بون وەگەرد ئەیو بویمنه سالحان خودا.

دویم قورنتییل 5:15

ئەیو ئەڕا گشتیەکی مرد تا زنییل دیتر ئەڕا خوێان زنەیی نەکەن، بەڵکەم ئەڕا کەسێگ زنەیی بکەن که وەبونەێانەو مرد و زنیەو بی.

یەکم پتروس 2:24

مەسیح خوەێ گونایل ئیمه وەناو جەسەێ خوەێ کیشاده بان سەلیب، تا له باوەت گونا بمریم و ئەڕا سالح بوین زنەیی بکێم. ئیوه وه زامیلێ شەفا پەێا کردینه.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

یەکم نامەێ تیموتاوس 2:6

ئەیو که وه کەفارەت گیان خوەێ، تاوان ڕزگاری گشت ئایەمیل دا. وه ئی ڕاسیه له وەخت مناسو شاێەتی دریاس،

یەکم تسالونیکییل 4:13

وەلێ ئێ برایل، نیەتوایم له حاڵ ئیمانداریلێگ که مردنه بی خەوەر بوین، نەخواێ جور ئەوباقی مەردم که ئمیدێگ نێرن، بنیشینه ئازیەتی.

یەکم قورنتییل 15:3

چوینکه ئەو چشته که گرنگترینه، جار دامەسه پێدان: ئیه که مەسیح وه پێ نویسریایل موقەدەس ئەڕا گونایل ئیمه مرد و

یوحەنا 15:13

مابەتێگ گەوراتر له ئیه نیه که کەسێگ گیان خوەێ ئەڕا ڕەفیقەیلێ فەدا بکێ.

یوحەنا 10:17

وه ئی بونه باوگ دوسم دێرێ چوینکه گیان خوەم دەم تا وه دواره بسێنمێەو.

یوحەنا 10:11

«من شوان خاسەگەم. شوان خاس گیان خوەێ ئەڕا پەسەگان دەێ.

ئنجیل مەتا 20:28

تەنانەت کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا ڕزگاری ئایەمیل فرەێگ فەدا بکێ.»

یوحەنا 10:15

هەر ئەوجورە که باوگ ئاسمانی ناسێدەم و منیش باوگ ناسم. من گیانم ئەڕا پەسەگان دەم.

یەکم تسالونیکییل 4:15

ئیه وه وەسلەێ کەڵام خود خوداوەند جار دیمنه پێدان: ئیمه که زنیمن و تا هاتن خوداوەند باقی مینیم، نیەکەفیمنه نوای ئەو ئیمانداریلێگ که مردنه.

یەکم تسالونیکییل 5:6

جا بان تا جور ئەوباقی مەردم خەو نەکەفێه پێمانەو، بەڵکەم وه خەوەر و هوشیار بویمن.

دویم تیموتاوس 2:11

ئی قسیه شایسەێ دڵنیاییه که: ئەگەر وەگەرد ئەیو مردیم، وەگەرد ئەیو زنەییش کەیمن.