یەکم تسالونیکییل 4:16 - کتاب مقدس به زبان کردی جنوبی - گویش کلهوری

¹⁶ چوینکه خوداوەند خوەێ وه فەرمانێگ که وه دەنگ بەرزه، وەگەرد دەنگ سەروک فریشتەیل و دەنگ شەیپور خودا، له ئاسمانەو تێدە خوار. ئەو وەخته یەکم جار ئیمانداریل وه مەسیح که مردنه، زنیەو بون.

یەکم تسالونیکییل 4:16 Referans Kwoze

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.

یەکم قورنتییل 15:23

وەلێ هەر کەس وه نوەی خوەێ: یەکم جار مەسیح که نەوبەر بی؛ وەشونێ، له وەخت هاتنێ، ئەوانه که هن مەسیحن.

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

ئنجیل مەتا 25:31

«وەختێ کوڕ ئنسان وەناو جەڵاڵ خوەێ وەگەرد گشت فریشتەگان باێد، ئەوسا وه سەر تەخت پڕ جەڵاڵ خوەێ دانیشێد و

دویم تسالونیکییل 1:7

تا ئیوه که بەرد کیشین و هەرئیجورەیشه وه ئیمه، ئارامی بێید. ئیه وەختێگ تێدە دی که خوداوەند عیسا وەگەرد فریشتەیل تویەناێ خوەێ وەگەرد ئاگر گڕانیگ له ئاسمانەو ئاشکرا بود.

دویم تسالونیکییل 2:1

ئێ برایل، له باوەت هاتن خوداوەند ئیمه عیسا مەسیح و گردەو بوین ئیمه وه لاێ ئەیو، لاڵکێیمنه پێدان،

کاریل ڕەسولەیل 1:11

وەتن: «ئێ پیاێل جەلیلی، ئەڕا وساینه و چەو بڕینەسه ئاسمان؟ هەر ئی عیسا که له لاێ ئیوه بڕیاده ئاسمان، هەر ئەوجورە که دین چیه ئاسمان، وه دواره تێیدەو.»

دویم پتروس 3:10

وەلێ ڕوژ هاتنەوەێ خوداوەند عیسا جور دز تێ و ئمجا ئاسمانیل وەگەرد قیڕەێ خراوێگ له بین چن و ئەجرام ئاسمانی سزیەن و تویچیەن، زەوی و گشت کاریلێگ که له بانێ کریاس، دیار دەێد.

وەحی وه یوحەنا 8:13

جا نوڕسم و شنەفتم هەڵوێگ هەر ئەوجورە که له ‎ناوڕاس ئاسمان باڵەو گرێ، وه دەنگ بەرز هاوار کرد: «وی، وی، وی وه نیشتەجێیل زەوی، چشتێگ نەمنیه دەنگ شەیپورەگان ئەو سێ فریشتەێتریشه هەڵسێد.»

ئنجیل مەتا 26:64

عیسا وەپێ وەت: «تو خوەد ئیجوره وەتی! وەلێ مه وەپێدان ئویشم وەشون ئیه کوڕ ئنسانیش دوینین که وه دەس ڕاس خوداێ هەر وه تویەنا نیشتیه و له بان هەوریل ئاسمانەو تێی.»

وەحی وه یوحەنا 14:13

ئمجا دەنگێگ له ئاسمانەو شنەفتم که وەتیا، «بنویس: خوەش وه حاڵ ئەوانه که له ئیەولا وەناو خوداوەند مرن.» جا روح خودا فەرمایش کرد: «وه ڕاسی خوەش وه حاڵ ئەوانه چوینکه له زامەتیل خوێان ئارام گرن، ئەڕا ئیه که کاریلێان وه شونێانەو تێد!»

یەهودا 1:9

وه حاڵێگەو تەنانەت میکائیل، فریشتەێ گەورا، ئەو وەخته که وەگەرد ئبلیسەو مرافه کردیاد و له باوەت جنازەێ موسا قەپقاڵ کردیاد، وەختێ که ماکومیەت ئەوه جار دیاد، جرئەت نەکرد خراو بیده پێ، بەڵکەم وەت: «خوداوەند، تو بگرێده گازتاوه!»

وەحی وه یوحەنا 1:10

له ڕوژ خوداوەند، روح خودا مه گردەوەر و دەنگ بەرزێگ هەر جور دەنگ شەیپور له پشت سەرم شنەفتم

ئنجیل مەتا 16:28

وه ڕاسی، وەپێدان ئویشم بڕێگ وه ئەوانه که وه ئێرا وسانه، تا کوڕ ئنسان نوینن که وەناو پادشاێ خوەێ تێدەو، تام مەرگ نیەکەن.»

یەکم قورنتییل 15:18

بەڵکەم ئەو ئیمانداریل وه مەسیحه که مردنه، له دەس چینه.

یەکم قورنتییل 15:20

وەلێ مەسیح وه ڕاسی له مردگیل زنیەو بیه و نەوبەر کەسیلێگه که له ناو مردگیل زنیەو کریاس.

یەکم تسالونیکییل 1:10

و تا چەوەڕێ هاتن کوڕ خودا له ئاسمان بوین، هەر ئەوه که خودا له مردگیل زنیەو کرد، یانێ عیسا، که ئیمه له خەزەوێگ که ها له وەرەڕوی ڕزگاری بەخشێد.

یەکم تسالونیکییل 3:11

با ئێرنگه خودامان یانێ باوگ ئاسمانیمان خوەێ و خوداوەندمان عیسا، ڕێ ئیمه وەر‎و لادان هامار بکێد

وەحی وه یوحەنا 8:2

جا ئەو هەفت فریشته که له نواێ خودا وسن، دیم که هەفت گله شەیپور دریاده پێان.