یەکم تسالونیکییل 4:14 - کتاب مقدس به زبان کردی جنوبی - گویش کلهوری

¹⁴ چوینکه ئەگەر ئیمان دێریم که عیسا مرد و وەدواره زنیەو بی، جا هەر وه ئیجوره، خودا ئەو ئیمانداریلێگ که مردنه، له ڕێ عیسا تیەرێدەو.

یەکم تسالونیکییل 4:14 Referans Kwoze

رومیەگان 8:11

ئەگەر روح ئەیو که عیسا له مردگیل زنیەو کرد وەناودان نیشتەجێ بود، ئەیو که مەسیح عیسا له مردگیل زنیەو کرد، له ڕێ روح خوەێ که وەناودان نیشتەجێه وه جەسەیلدانیش که مرێ، زنەیی بەخشێد.

یەکم تسالونیکییل 4:13

وەلێ ئێ برایل، نیەتوایم له حاڵ ئیمانداریلێگ که مردنه بی خەوەر بوین، نەخواێ جور ئەوباقی مەردم که ئمیدێگ نێرن، بنیشینه ئازیەتی.

یەکم تسالونیکییل 3:13

تا دڵدان قورسەو بکێ تا ئەو وەخته که خوداوەندمان عیسا وەگەرد گشت موقەدەسیل خوەێ تێد، وه لاێ خودامان یانێ باوگ ئاسمانیمان، بی نەخس و موقەدەس بوین.

وەحی وه یوحەنا 1:18

منم ئەوه که زنیه. مردم، بنوڕ تا ئەبەد زنیم و کلیلەیل مەرگ و جهان مردگیل ها دەس منەو.

وەحی وه یوحەنا 14:13

ئمجا دەنگێگ له ئاسمانەو شنەفتم که وەتیا، «بنویس: خوەش وه حاڵ ئەوانه که له ئیەولا وەناو خوداوەند مرن.» جا روح خودا فەرمایش کرد: «وه ڕاسی خوەش وه حاڵ ئەوانه چوینکه له زامەتیل خوێان ئارام گرن، ئەڕا ئیه که کاریلێان وه شونێانەو تێد!»

یەکم تسالونیکییل 4:17

جا ئیمه که زنیمن و باقی مەنیمنه، وەگەرد ئەوانه وەرەو ناو هەوریل کیشیمنه بان تا وەناو هەواوه خوداوەند‎ بوینیم، وەئیجوره هەمویشه هایمنه گەرد خوداوەندەو.

ئنجیل مەتا 24:31

ئەیو فریشتەگانێ وه دەنگ بەرز شەیپور کل کەی و ئەوانه هەڵوژاردەگان ئەیو له چوار پەر جهان، له ئی سەر تا ئەو سەر ئاسمان، وه دەور یەکەو گردەو کەن.

دویم تسالونیکییل 2:1

ئێ برایل، له باوەت هاتن خوداوەند ئیمه عیسا مەسیح و گردەو بوین ئیمه وه لاێ ئەیو، لاڵکێیمنه پێدان،

رومیەگان 14:9

چوینکه وه ئی بونه مەسیح مرد و وەدواره زنیەو بی تا هەم بوده خوداوەند مردگیل و هەم خوداوەند زنیێل.