یەکم تسالونیکییل 3:3 - کتاب مقدس به زبان کردی جنوبی - گویش کلهوری

³ تا هویچکەسێگ وه بونەێ ئی بەردیله نەکەفیه ڕکه، چوینکه ئیوه خوەدان خاس زانين که ئیمه ئەڕا ئیه دیاری کریایمنه.

یەکم تسالونیکییل 3:3 Referans Kwoze

کاریل ڕەسولەیل 14:22

وه ئەو شاریله شاگردیل وەقەوەتەو کردن تا وەناو ئیمانێان بەردەوام بمینن و وەتنه پێان که «باێه وه تاموڵ بەردیل فرەێگ وه پادشاێ خودا ڕێ پەێا بکێم.»

رومیەگان 5:3

نه تەنیا ئیه، بەڵکەم وەناو عەزاویلمانیش شادی کيمن، چوینکه زانیمن که عەزاو بەردەوامی وه بار تیەرێ و

کاریل ڕەسولەیل 9:16

چوینکه وەپێ نیشان دەم وەبونەێ ناو من چ رەنجیلێ باێه بکیشێد.»

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

یەکم قورنتییل 15:58

جا، برایل عەزیزم، قورس و بەردەوام بون، هەمویشه وه قوڕن دڵ خەریک کار خوداوەند بون، چوینکه زانين زامەتەگەدان وەناو خوداوەند هویچ پەتی نیه.

کاریل ڕەسولەیل 21:13

وەلێ پولوس جواو دا: «چەدانه گیره کین و دڵم شکنین؟ مه گورجەو بیمه ئەڕا ناو خوداوەند عیسا نه تەنیا بچمه زندان، بەڵکەم وه ئورشەلیم بمرم.»

یەکم تسالونیکییل 5:9

چوینکه خودا ئیمه نه ئەڕا خەزەو، بەڵکەم ئەڕا وه دەس هاوردن نجات له ڕێ خوداوەندمان عیسا مەسیح دیاری کردێه،

یەکم قورنتییل 4:9

ئەڕا ئیه که من فکر کەم که خودا ئیمه ڕەسولەیل هەر جور گیرودەیل ماکوم وه مەرگ ڕز کیشاسه دویای ئەوانه که ڕژه چن و ناسەمانه ئەڕا نیشان داین. ئەڕا ئیه که گشت جهان، چ ئایەمیل و چ فریشتەیل تماشاکەرمانن.

یەکم پتروس 2:21

چوینکه وه ئیه دەنگ کریاینه، ئەڕا ئیه که مەسیحیش ئەڕا ئیوه رەنج کیشا و نمونەێگ ئەڕادان هیشت تا پا بنینه شونه پاگەێ.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

ئەفسوسیێل 3:13

جا داوا لەلێدان کەم وه سەوەو رەنجیلێ که وەبونەێ ئیوه کیشم، دڵسەردەو نوین، ئەڕا ئیه که ئەوانه مایەێ شانازیدانن.

کاریل ڕەسولەیل 2:25

داود پادشا له باوەتێەو ئویشێد: «”هەمویشه خوداوەند له نوای چەوم دیمه، چوینکه ئەیو ها دەس ڕاسمەو تا نەجویلیەمەو.

یوحەنا 16:2

له کەنیسەگان دەردان کەن و تەنانەت زەمانێگ رەسێ که هەر کەس بکوشێدەدان، خیاڵ کێ که وه خودا خزمەت کێ.

لوقا 21:12

«وەلێ وەرجه ئی هەمگه، گرنەدان، ئازاردان دەن و دەنەدانه دەس کەنیسەیل و زندانیل، وەبونەێ ناو من، کیشنەدانه لاێ پادشایل و فەرمانداریل.

دویم تیموتاوس 1:8

جا، له شاێەتی داین وه خوداوەند ئیمه شەرمزار نەو، نه ئەڕا مه که وه خاتر ئەوه هامه زندان، بەڵکەم تنیش وه پاڵەو داین وه هێز خودا له زامەت کیشاین ئەڕا ئینجیل بەشدارەو بو.

دویم تسالونیکییل 1:4

وه ئی بونه، ئیمه خوەمان وەناو کلیسایل خودا وەبونەێ بەردەوام بین و ئیماندان وەناو گشت عەزاویل و بەردیلی که تاموڵ کین، وەپێدان شانازی کيمن.

وەحی وه یوحەنا 2:13

زانم له کوره نیشتەجێید، ئەوره که تەخت شەیتانه. وه ئی هەمگه وه ناو مه وەفادار مەنیده و ئیمانێ که وەپێم داشتی، حاشا نەکردێ، تەنانەت وه ڕوژگاریل ئانتیپاس، ئەو شاێەت ئەمین منه که وه ناو ئیوه کوشریاد، هەر ئەو شونه که شەیتان وەناوێ نیشتەجێه.

وەحی وه یوحەنا 2:10

له رەنجێگ که ڕوی کیه پێد، ڕخد نەچود. بنوڕ، ئبلیس تواێ بڕێگ لەلێدان بخێده زندان تا ئەزموندان بکێد و ده ڕوژ بەرد کیشێد. وەلێ تا وه مەرگ وەفادار بمێن که مه تاج زنەیی بەخشمه پێد.

نامەێ فیلیپییل 1:28

وەناو هویچ چشتێ له ئەوانه که له ڕویدان وسن، ڕخدان نیەچود. ئیه له باوەت ئەوانه یە نیشانەێ ئاشکراێ له بین چیێنیانه، وەلێ نیشانەێ نجات ئیوەس و ئیه له خوداس.

کاریل ڕەسولەیل 21:11

ئەوه هاته ئەڕا لاێ ئیمه و قەێوەنەگەێ پولوس گرد و دەس و پاێ خوەێ بەساد و وەت: «روح‌القودوس فەرمایش کەێ: ”جویلەکەیل ئورشەلیم ساێو ئی قەێوەنه هەر ئیجوره بەسنێ و دەنێ دەس ناجویلەکەیل.“»