یەکم تسالونیکییل 2:9 - کتاب مقدس به زبان کردی جنوبی - گویش کلهوری

⁹ چوینکه ئێ برایل، مێنەت و سەختیمان ها هویردان، که شەو و ڕوژ کار کردیایم تا وەختێگ ئینجیل خودا وەپێدان جار دايمن، سەربار هویچ کامدان نویمن.

یەکم تسالونیکییل 2:9 Referans Kwoze

دویم قورنتییل 11:9

جا وەختێ وەگەرددان بیم و هەوەجیم وه چشتێگ کەفتوی، بارێگ نەناویمه سەر کوڵ کەسێگ، ئەڕا ئیه که برایلێ که له مەنتەقەێ مەقدونیەوه هاتوین هەوەجییەلم پەرچەو کردن. جا مه بێ گومان بارێگ وه سەر کوڵدان نویمه و وەشون ئیەیشه نیوم.

کاریل ڕەسولەیل 18:3

جا چوینکه کەسب و کارێ جور ئەوانه دەوار دویڕانن بی، مەنه لاێان و وەگەردێان کار کرد.

دویم تیموتاوس 1:3

وەختێگ شەو و ڕوژ، یەێ‌سەر توی له ناو دوعایلم تیەرمه هویرم، سپاس خودا کەم، خوداێگ که منیش هەر‎ جور باپیریلم وەگەرد وژدان پاکێگەو خزمەتی کەم.

یەکم نامەێ تیموتاوس 5:5

وەلێ ئەوه که وه ڕاسی بێوه ژنه و بێ کەس مەنیه، ئمیدی یەێ‌سەره وه خوداس و شەو و ڕوژ وه دوعا و داوا کردن مەێەت له خودا دەێده سەر.

یەکم نامەێ تیموتاوس 4:10

که ئیمه ئمید خوەمان وه مل خوداێ زنی نایمنه که نجات دەر گشت ئایەمیل وه تایبەتی ئیمانداریله؛ و هەر ئەڕا ئیەیشه زامەت کیشیم و زور زمەکی کیم.

یەکم تسالونیکییل 2:6

هەر ئیجوره وه شون ئیه نویمنه که ئیوه یا کەسیلێگ تر جەڵاڵمان بێەن. هەر چەن له جیگەێ ڕەسولەیل مەسیح حەق وه ملدانەو داشتیم که ئیه وه لێدان بتوایم،

یەکم قورنتییل 9:18

جا چ دەسخوەشانەێ تویەنم بیاشتوم؟ تەنیا ئیەک وه پەتی ئینجیل بانگەوازی بکەم و سودێگ له حەق خوەم هەڵنەگرم.

یەکم قورنتییل 9:15

وەلێ من له هویچکام له ئی حەقیله بەشێگ نەوردمه، ئیەیشه نیەنویسم تا ئەڕا مه ئیجوره بکێن. بمرم خاستره که یەکیگ ئی شانازیه له لێم بگرێ.

کاریل ڕەسولەیل 20:31

جا هوشدان بود و له هویردان نەچود که من وه ماوەێ سێ ساڵ تەمام شەو و ڕوژ، وه ئەسر چەویلم وه ئاموژیاری کردن گشتدان نەوسامەسەو.

یەکم نامەێ تیموتاوس 1:11

تالیمێگ وه ڕوی ئینجیل پڕ جەڵاڵ خوداێ بمارک که وه مه سپاریاس.

یەکم تسالونیکییل 3:10

ئیمه شەو و ڕوژ وه دڵ و گیان دوعا کيمن که ڕوی وه ڕوی بوینیمنەدان و هەر کەم کوتی ئیماندان پەرچەو بکێم.

یەکم تسالونیکییل 2:2

بەڵکەم ئەو جوره که زانين، هەر چەن وەرجەوە له شار فیلیپی عەزاو دیمن و وه خراوی ڕێ رەوشت وەگەردمانا کریاد، وەلێ وەناو خوداێ خوەمان، ئازای دایمنه خەرج تا وەناوڕاس ئی هەمگه ناکوکیه ئینجیل خودا وەپێدان جار بێیم.

یەکم تسالونیکییل 1:3

و له لاێ خودا، باوگ ئاسمانیمان، کار ئیوه که له ئیمانه و مەینەت ئیوه که له مابەته و بەردەوامیدان که له ئمید وه خوداوەندمان عیسا مەسیحه، تیەرێمنه هویر.

نامەێ فیلیپییل 4:16

تەنانەت زەمانێگ که وەناو شار تسالونیکی بیم، ئەڕا پەرچەو کردن هەوەجیێلم، مەێەت ئەڕام کل کردین و وەدواره کل کردین.

دویم قورنتییل 6:5

له وەخت فەڵەکه بینیل، وەناو زندانیل، وەناو ئاژاوەێیل، وەناو کاریل سەخت، وەناو شەونەخەفی، وەناو ورسیایی؛

یەکم قورنتییل 4:12

زامەت کیشیمن و وه دەس خوەمان کار کەیمن. وەختێ نووڕمان بکەن، داواێ بەەرکەت کیم؛ جا وەختێ ئەزیەتمان بکەن، تاموڵ کيمن؛

رومیەگان 15:19

وەگەرد هێز نیشانەیل و موجزەیل، وەگەرد هێز روح خودا - ئەوجورە که له شار ئورشەلیم تا شار ئیلیریکوم دەور دامه و خزمەت ئینجیل مەسیح وه تەمامی، ئەنجام دامه.

رومیەگان 15:16

تا بومه خزمەتکار مەسیح عیسا ئەڕا ناجویلەکەیل و خزمەت کاهنی جارداین ئینجیل خودا وه جێ بارم، تا ناجویلەکەیل پیشکەشی قەبوڵ کریاێگ بون وه دەرگاێ خودا که له ڕێ روح‌القودوس تەقدیس بینه.

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

لوقا 18:7

ئێرنگه، خودا وه داد هەڵوژاریایل خوەێ که شەو و ڕوژ وه دەرگاێ هاوار کەن، نیەرەسێ؟ ئی کاره هەر خیدی دما؟

لوقا 2:37

جا تا هەیشتا و چوار ساڵگی بێوه ژن مەنوی. حەنا هەراێهەر مابەدەگه نێشتویه جێ بەڵکەم شەو و ڕوژ، وه ڕوژه و دوعا خەریک پەرەسش بی.

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

یەکم قورنتییل 9:4

ئێ حەق نێریم بخوەیمن و بنوشیم؟

دویم قورنتییل 11:27

وەناو سەختی و مینەت، وەناو شەو نەخەفتەنیل فرەێگ؛ وەناو ورسیایی و تیەنیایی، فره وەختیل بی نان، وەناو سەرما و ڕویتی.