یەکم تسالونیکییل 2:8 - کتاب مقدس به زبان کردی جنوبی - گویش کلهوری

⁸ ئەوقره خوەشمانه لێدان هات که گورجەو بیمن نه تەنیا ئینجیل خودا وەپێدان برەسنیم، بەڵکەم گیانمانیش له ڕێ ئیوه بێیم، وەبونەێ ئیه که ئیوه ئەڕامان فره عەزیزەو بوین.

یەکم تسالونیکییل 2:8 Referans Kwoze

یەکم یوحەنا 3:16

وه ئیجوره مابەت ناسیم که مەسیح زنەیی خوەێ ئەڕا ئیمه دا و ئیمەیش باێه زنەیی خوەمان ئەڕا برایل بێیم.

دویم قورنتییل 12:15

جا مه وه خوەشی فرەێگەو هەر چه دێرم دەم تەنانەت گیانمیش دریخ نیەکەم. ئەگەر من ئی هەمگه دوسدان دێرم، ئێ ئیوه باێه کەمتر دوسم بیاشتوین؟

نامەێ فیلیپییل 2:17

تەنانەت ئەگەر هەوەجی وه ئیه بود که خوین مه هەر جور شراو پیشکەش کریاێ، وه مل پیشکەشی قوروانی ئیماندان بڕشێید، وەناو وه جێ هاوردن ئی کاره خوەشاڵم و وەگەرد گشتدان خوەشی کەم.

عبرانییل 13:17

گوش له ڕابەريلدان بتەکنن و له لێان پێرەوی بکێن؛ چوینکه ئەوانه چەویان ها له گیانیل ئیوه و باێه حساو بیەنەو. بیلێن تا ئەوانه ئیه وه شادمانی بکەن نه وەگەرد ئاخ هەڵکیشان و ناڵین، چوینکه ئیه وه نەفدان نیه.

نامەێ فیلیپییل 4:1

جا، ئێ برایل عەزیزم که تاسەێ دیندان دێرم، ئێ ئیوه که خوەشی و تاج سەر منین، ئێ عەزیزەیلم، وەئیجوره وەناو خوداوەند بەردەوام بوین.

نامه وە غەلاتییل 4:19

ڕوڵەیلم، ئەڕادان وەدواره ژان زایێن کیشم تا وەختێ مەسیح وەناودان وێنه بگرێ،

دویم قورنتییل 6:1

وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

نامه وه فیلیمون 1:1

له پولوس، زندانی مەسیح عیسا و براگەمان تیموتاوس، وه هاوکار عەزیزمان فیلیمون،

نامه وه کولوسییل 4:12

ئەپافراس که یەکی له خوەدانەو و خزمەتکار مەسیح عیساس، سڵامدان رەسنێد. ئەوه هەمویشه وەناو دوعایلی ئەڕادان تەقالا کەی تا ئیوه جور ئایەمیلێ که بازڵەن و وه تەمامی خاترجەمن، بەردەوام بمینێن و خاست خودا وه تەمامی وەجێ بارین.

نامه وه کولوسییل 1:28

ئیمه مەسیح بانگەوازی کيمن و وه هەر کەسێگ هەڕەشه دیم و وه کەماڵ زانیاری گشتیەکی تالیم دیم، تا گشتیەکیگ بازڵه وەناو مەسیح باریمنه ئەڕا لاێ خودا.

نامه وه کولوسییل 1:7

هەر ئەوجورە که ئەوه له هاوخزمەت عەزیزمان، ئەپافراس یاێ گردین. ئەوه له لاێ ئیوه خزمەتکار وەفادار مەسیحه و

نامەێ فیلیپییل 2:20

چوینکه کەسێگ تر جور ئەوه نێرم که وه دڵپاکیەو نگران ئاشاسێگدان بود.

رومیەگان 15:29

زانم که وەختێ بامه ئەڕا لادان، وه پڕی بەەرکەت مەسیح تیەم.

رومیەگان 10:1

ئێ برایل، ئاوەختی دڵ و دوعای من وه دەرگاێ خودا ئەڕا قەوم ئێسرائیل ئیەسه که نجات پەێا بکەن.

نامەێ فیلیپییل 1:8

خودا شاێەتمه که چەنێ وه مابەت مەسیح عیسا، تاسەێ گشتدان دێرم.

لوقا 7:2

وه ئەوره ئەفسەرێگ رومی بی و خوڵامێگ داشت که فره ئەڕاێ عەزیز بی، نەخوەش کەفتوی و داشت مردیا.

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛