یەکم پتروس 5:9 - کتاب مقدس به زبان کردی جنوبی - گویش کلهوری

⁹ جا وه نوای ئەوه بوسین، وەناو ئیماندان قورس بون، چوینکه زانین برايلدان وەناو دنیا هەر ئی زامەتیله کیشن.

یەکم پتروس 5:9 Referans Kwoze

یاقوب 4:7

جا خوەدان بێەنه دەس خودا. لەنواێ ئبلیس بوسن که ئەوه لەلێدان دەرچود.

کاریل ڕەسولەیل 14:22

وه ئەو شاریله شاگردیل وەقەوەتەو کردن تا وەناو ئیمانێان بەردەوام بمینن و وەتنه پێان که «باێه وه تاموڵ بەردیل فرەێگ وه پادشاێ خودا ڕێ پەێا بکێم.»

یەکم پتروس 2:21

چوینکه وه ئیه دەنگ کریاینه، ئەڕا ئیه که مەسیحیش ئەڕا ئیوه رەنج کیشا و نمونەێگ ئەڕادان هیشت تا پا بنینه شونه پاگەێ.

یەکم قورنتییل 10:13

تویش هویچ ئەزمونێگ ناتینه که ئەڕا بەشەر مناسو نود. جا خودا ئەمینە؛ ئەیو نێیلی فرەتر له تویەنایدان ئەزمون بوین، بەڵکەم وەگەرد ئەزمون ڕێ دەر چینیش گورجەو کێ تا تویەناێ تاموڵی بیاشتوین.

دویم تیموتاوس 3:12

وه ڕاسی، گشت کەسیلێگ که بتوان وەناو مەسیح عیسا وەگەرد خوداپەرەسی زنەیی بکەن، عەزاو دوینن؛

ئەفسوسیێل 6:16

وه هەر حاڵێگەو، قەڵخان ئیمان هەڵبگرن، تا بتویەنێن وەگەردیەو، گشت تیریل ئاگرین ئەو شەڕئاشوه بکوشنینەو.

یەکم پتروس 3:14

وەلێ تەنانەت ئەگەر وه بونەێ سالح بوین رەنج دوینین، بەەرکەت گرین! «له ئەوانه زاوردان نەچود و پەشێو نەون.»

عبرانییل 11:33

ئی ئایەمیله که له ڕێ ئیمان، پادشاییل داگیر کردن، دادپەروەری دامەزرانن، وادەگان وه دەس هاوردن؛ دەم شێریل بەسان،

یەکم نامەێ تیموتاوس 6:12

له جەنگ خاس ئیمان تەقالا بکه و بلچکیه ئەو زنەیی ئەبەدی که ئەڕا ئەوه دەنگ کریایه، ئەو وەخته که وه نوای شاێەتیل فرەێگ، ئێقرار خاسەگه کردی.

یەکم تسالونیکییل 3:3

تا هویچکەسێگ وه بونەێ ئی بەردیله نەکەفیه ڕکه، چوینکه ئیوه خوەدان خاس زانين که ئیمه ئەڕا ئیه دیاری کریایمنه.

ئەفسوسیێل 4:27

دەرفەت نینه ئبلیس.

وەحی وه یوحەنا 6:11

ئمجا وه هەر کام له ئەوانه، بەتیەێ چەرمێگ دریاد و وەتریاده پێان که قێرێگ‎تر ئارام بگرن تا وەختێگ که ژمارەێ هاوخزمەتیل و برایلێان که باێه جور ئەوانه بکوشریەن، کامڵەو بود.

یەکم پتروس 4:13

بەڵکەم خوەشاڵ بوین له ئیەک وەناو رەنجیل مەسیح بەشدار بوین، تا له وەخت ئاشکرابوین جەڵاڵ ئەیو هەم دڵشاد بوین و هەم خوەشی بکێن.

یەکم پتروس 1:6

له ئی باوەته خوەشاڵێن، هەرچەن ئێرنگه ماوەێ کەمێگ واجوه تا وەگەرد ئەزمونیل جورواجور خەمبارەو بین،

نامه وه کولوسییل 2:5

چوینکه هەرچەن وەناو جەسه لەلادان نیم، وەلێ وەناو روح هامه گەرددانەو له دین ڕێک‎وپێکی و ئیمان بەردەوامدان وه مەسیح، خوەشاڵم.

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

وەحی وه یوحەنا 7:14

جواو دام: «ئیه تو زانیدن، گەورەم.» جا ئەو وەته پێم: «ئیانه کەسیلێگن که له ئەو بەرد فره گەورا ڕەد بینه و بەتیەگانێان وەناو خوین وەرکەگه شوردنه و چەرمگەو کردنه.

لوقا 22:32

وەلێ من ئەڕا تو دوعا کردم تا ئیماند وه کیس نەچود. جا وەختێ هاتیدەو، ئیمان براگاند وه قەوەتەو بکه.»

وەحی وه یوحەنا 1:9

مه یوحەنا، براێ ئیوه، که له ناو بەرد و له ناو پادشاێ و له ناو سەور و بەردەوام بوینی که وه ناو عیسا هن ئیمەس، وەگەردانەو‎و هاوبەشم، وه بونەێ کەڵام خودا و شاێەتی عیسا، وه جەزیرەێگ وه ناو پاتموس بیم.

دویم تیموتاوس 4:7

جەنگ خاسەگە جەنگیمه، موسابقەگه رەسانمەسه ئاخر و ئیمانم بی خڵت خەوش پارێزانمه.

عبرانییل 12:8

ئەگەر ئیوه ئەدەو نوین هەر ئەو ئەدەوه که گشت بینه، جا زوڵەزاین، نه کوڕیل ڕاسەکانی.