یەکم پتروس 5:2 - کتاب مقدس به زبان کردی جنوبی - گویش کلهوری

² ریەنەگەێ خودا که هانه ناودان شوانی بکەن و هێوەتێان بکەن، وەلێ نه وه زور بەڵکەم وه مەیل و دڵ خوەدان، ئەوجورە که خودا تواێ؛ نه وه تەمای نەف خوەدان بەڵکەم له ڕوی شوق و زوق.

یەکم پتروس 5:2 Referans Kwoze

تیتوس 1:7

ئەڕا ئیه که هێوەتکەر کلیسا کاروەدەس خوداس، جا نەبایه وەناو زنەیی چشتێگ بیاشتوی که بوده بایس سەرزەنشتێ. ئەوه نەبایه لویتبەرز بود یا زوی کەفلەهەرز بود یا سەرخوەشکەر یا زورگو بود یا تەمای پویل بیاشتوی،

یەکم نامەێ تیموتاوس 3:8

هەر ئیجوره شەماسەیل باێه سەنگین ڕەنگین بون؛ نه دوڕوی، یا گیرودەێ شراوخوەری یا وەشون مەمەر نا پەسەن بون.

تیتوس 3:1

باره هویرێان که له حاکمیل و دەسڵاتداریل گوش بتەکنن و مل بوەنه ژێر فەرمانێان و ئەڕا هەر کار خاسێگ گورجەو بون؛

یەکم نامەێ تیموتاوس 3:3

نه سەرخوەشکەر یا زورگو، بەڵکەم دڵنەرم، نه مرافەکەر یا پویل دوس.

یەکم قورنتییل 9:7

کیه که وه خەرج خوەێ سەربازی بکێ؟ کیه که باخ ئەنگویرێگ بخێ و له میوەگەێ نەخوەێ؟ یا کیه که ڕیەنێگ شوانی بکێ و له شیرەگەێ بەشێگ نیاشتود؟

دویم پتروس 2:3

ئیانه له ڕوی تەما، وەگەرد قسیەيل گولدەر، تاڵاندان کەن. ماکومیەتیان که له جارانەو دیاری کریاس، بێکار نەنیشتیه و له بین چینێان نەخەفتیه.

عبرانییل 12:15

هوشدان بود که نەخواێ کەسێگ له لێدان نەتویەنێ فیز خودا وه دەس بارێد تا هویچ ریشەێ تیەڵێگ جویق نێید و نوده بایس پەشێوی و وه وەسلەێ ئەوه قێر فرەێگیش ناپاکەو نەکێ.

تیتوس 1:11

ئەوانه باێه دەمکوت بکریەن، چوینکه ئەوانه وەخاتر تەمای سود کردن چشتیلی تالیم دەن که نەبایه تالیم بێەن و ویجوره وه تەمامی خاوخێزانیل فەنا کەن.

لوقا 12:32

«ئێ ریەن بویچگ، زاوردان نەچود، چوینکه خوەشنودی باوگ ئیوه ئیەسه که ئی پادشایه بێیده پێدان.

نامه وه فیلیمون 1:14

وەلێ نەتواسم کارێگ کردویم بی ئیه که توی قەبوڵ بکێد، تا خاسێ کردنێد وه گێ دڵیگ بود، نه که وادارد بکەم.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

رومیەگان 1:15

جا ئەزرەت فرەێگ دێرم که وه ئیوەیش که هاینه روم ئینجیل جار بێەم.

کاریل ڕەسولەیل 21:13

وەلێ پولوس جواو دا: «چەدانه گیره کین و دڵم شکنین؟ مه گورجەو بیمه ئەڕا ناو خوداوەند عیسا نه تەنیا بچمه زندان، بەڵکەم وه ئورشەلیم بمرم.»

کاریل ڕەسولەیل 20:29

زانم وەشون ئیه که چیم، گورگێل دڕنه تیەنه ناودان، که بەزەیێان وه ڕیەنەگه نیەتێی.