یەکم پتروس 5:1 - کتاب مقدس به زبان کردی جنوبی - گویش کلهوری

¹ من که خوەم یەکی له شێخیلم و شاێەت رەنجیل مەسیح و هاوبەش جەڵاڵێگ که وه ئی زویه ئاشکرا بود، شێخیلێگ که هانه ناودان ئاموژیاری کەم که:‏

یەکم پتروس 5:1 Referans Kwoze

لوقا 24:48

ئیوه شاێەتی دەر ئی کاریلینه.

وەحی وه یوحەنا 1:9

مه یوحەنا، براێ ئیوه، که له ناو بەرد و له ناو پادشاێ و له ناو سەور و بەردەوام بوینی که وه ناو عیسا هن ئیمەس، وەگەردانەو‎و هاوبەشم، وه بونەێ کەڵام خودا و شاێەتی عیسا، وه جەزیرەێگ وه ناو پاتموس بیم.

دویم یوحەنا 1:1

له من شێخ، وه خاتوین هەڵوژاریای و مناڵەگانێ که وەناو ڕاسی دوسیان دێرم، نه تەنیا من، بەڵکەم گشت ئەوانیش که ڕاسی ناسن،

یەکم پتروس 5:4

وەختێگ گەورەێ شوانیل ئاشکرا بود، تاج جەڵاڵێگ که له بین نیەچود، گرین.

یەکم یوحەنا 3:2

ئێ عەزیزەیل، ئێرنگه ڕوڵەیل خودایم، هێمراێ ئاشکرا نویه بویمنه چه. وەلێ زانیمن وەختێ ئەیو ئاشکرا بود بویمنه وێنەێ ئەیو، چوینکه ئەیو هەر ئەوجورە که هەس، دوینیمنێ.

یەکم پتروس 1:7

تا بی خڵت خەوش بوین ئیماندان له ناو ئەزمون مور بود و له وەخت ئاشکرابوین عیسا مەسیح بایس ستایش و جەڵاڵ و حرمەت بود، هەر ئەو ئیمانه که فره گران قیمەت‎تر له تەڵاێگه که هەرچەن له بین چود وەلێ وه وەسلەێ ئاگر ئەزمون بود.

کاریل ڕەسولەیل 14:23

وه هەر کلیساێگ پولوس و بەرنابا شێخیلێگ ئەڕا ئیمانداریل دیاری کردن، وه ڕوژه و دوعا ئەوانه سپاردنه دەس خوداوەندێگ که وەپێ ئیمان هاوردوین.

کاریل ڕەسولەیل 11:30

جا ئیجوره کردن و وه دەس بەرنابا و شائول، هدیەێگ کل کردنه ئەڕا لاێ شێخیل ئورشەلیم.

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

نامه وه فیلیمون 1:9

وه ئی حاڵەو خاستر زانم که له ڕوی مابەت له لێد داوا بکەم. جا مه، پولوس پیر، که ئێرنگەیش ئەڕا مەسیح عیسا زندانیم،

تیتوس 1:5

وه ئەو بونه توی له جەزیرەی کرت هیشتمه جێ تا کاریل نا تەمامێگ که مەنوی، سەرسامان بێید و هەر ئەوجورە که ئەمر کردمه پێد، له ناو هەر شارێگ شێخیلێگ دیاری بکێ.

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

یەکم نامەێ تیموتاوس 5:19

هویچ بختێگ وه مل یەکیگ له شێخیل قەبوڵ مەکه، مەر وه شاێەتی دو یا سێ شاێەت.

یەکم نامەێ تیموتاوس 5:1

پیاێ سن ساڵ دار مەگره گازتاوە، بەڵکەم ئەوه هەر جور باوگ خوەد هان بیه و جوانیلیش هەر جور برایل خوەد

نامەێ فیلیپییل 1:19

چوینکه زانم که له ڕێ دوعایل ئیوه و مەیەت روح عیسا مەسیح، ئیه بوده بایس ڕزگاریم،

دویم قورنتییل 5:1

ئێرنگه زانیمن هەر وەخت ئی دەواره که ها بان زەوی که وەناوێ نیشتەجێیمن بڕمێد، ماڵێگ له خودا دێریم که ئەبەدیه و ها ناو ئاسمان، ماڵی که دەس درسی نەکردیه.

کاریل ڕەسولەیل 21:18

ئی ڕوژەگەێ وەگەرد پولوس چیمنه ئەڕا لاێ یاقوب. شێخیل گشتێان وه ئەوره بین.

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

کاریل ڕەسولەیل 20:17

پولوس له میلیتوس پێخامێگ ئەڕا ئەفسوس کل کرد و شێخیل کلیسا چڕیه لاێ خوەێ.

کاریل ڕەسولەیل 15:6

جا ڕەسولەگان و شێخیل گردەو بین تا ئی کاره سەرسامان بێەن.

کاریل ڕەسولەیل 15:4

وەختێ ڕەسینه ئورشەلیم، کلیسا و ڕەسولەگان و شێخیل چینه پیریانەو. پولوس و بەرنابا هەر چی که خودا له ڕێ ئەوانه کردوی، وەپێان وەتنەو.

کاریل ڕەسولەیل 2:32

خودا هەر ئی عیسا زنیەو کرد و ئیمەیش گشتمان شاێەت وه ئەویمنه.

کاریل ڕەسولەیل 1:22

له وەخت تەعمید یەحیا تا ڕوژیگ که عیسا له لامان بەرزەو کریا، یەکی له ئەو پیاێله باێه وەگەردمانا بوده شاێەت زنیەو بین عیسا.»

کاریل ڕەسولەیل 1:8

وەلێ وەختێ روح‌القودوس باێده ملدانەو، قەوەت گرين و بوینه شاێەتیل من، وەناو شار ئورشەلیم و گشت یەهودیه و سامره و تا ئەو پەر دنیا.»

دویم قورنتییل 5:8

ئەرێ، ئازایمن و ئیجوره خاس زانیم، که له ئی جەسه دویرەو بکەفیمن و لەلاێ خوداوەند نیشتەجێ بویمن.

کاریل ڕەسولەیل 3:15

ئیوه سەرچاوەی ژیان که خودا وەناو مردگیل زنیەو کرد، کوشتین. ئیمه شاێەت ئی هەڵکەفتیمنه.

عبرانییل 12:1

جا چوینکه ئیجور هەور فره گەوراێگ له شاێەتیل دەورەمان کردنه، باین هەر بار و هەر گوناێگ که ئیجوره سەخت لچکێده پێمانەو، له خوەمان دویرەو بکێم و باین تا وەگەرد بەردەوام بوین له موسابقەێگ که له نوامان نریاس، بدەویم.

یەکم پتروس 4:13

بەڵکەم خوەشاڵ بوین له ئیەک وەناو رەنجیل مەسیح بەشدار بوین، تا له وەخت ئاشکرابوین جەڵاڵ ئەیو هەم دڵشاد بوین و هەم خوەشی بکێن.

سێیەم یوحەنا 1:1

له من شێخ، وه گایوس عەزیز که وەناو ڕاسی دوسی دێرم.