یەکم پتروس 4:18 - کتاب مقدس به زبان کردی جنوبی - گویش کلهوری

¹⁸ جا «ئەگەر ئایەم سالحان وە سەختی نجات پەێا کێ، ئێ ئایەم خودانەناس و گوناکار چه وەسەرێ تێد؟»

یەکم پتروس 4:18 Referans Kwoze

لوقا 23:31

چوینکه ئەگەر وەگەرد چو تەر ئی کاره کردن، وەگەرد چو وشک چه کەن؟»

یەهودا 1:15

تا وه مل گشتیەکی داوەری بکێد و گشت خودانەناسیل وه سەوەو گشت کاریل خودانەناسانێان که له خودانەناسی کردنه، ماکوم بکێد. هەرئیجوره وه بونه گشت قسیەيل گەنێگ که گوناکاریل خودانەناس وه زد خودا وەتنه، ماکوم بکێد.»

یەکم قورنتییل 10:12

ئمجا ئەوه که گومان کێ ها سەرپاوه، هوشێ بود که نەکەفێ!

رومیەگان 1:18

چوینکه خەزەو خودا له ئاسمان ئاشکرا بود وه سەر هەر لەون خودانەناسی و نادرسێ ئایەمیلێگ که وەگەرد نادرسێ خوێان، نوای ڕاسی گرن.

کاریل ڕەسولەیل 14:22

وه ئەو شاریله شاگردیل وەقەوەتەو کردن تا وەناو ئیمانێان بەردەوام بمینن و وەتنه پێان که «باێه وه تاموڵ بەردیل فرەێگ وه پادشاێ خودا ڕێ پەێا بکێم.»

دویم پتروس 3:7

وەلێ هەر وه ئەو کەڵامه، ئاسمانیل و زەوی که ئێرنگه هەس ئەڕا ئاگر هەڵگریاس و تا ڕوژ داوەری و له بین چین خودانەناسیل، پارێزێید.

یەکم پتروس 5:8

جا هوشیار بوین، هوشدان بود. دشمەندان ئبلیس هەر جور شێرێگ که قیڕنێد و خڕ خوێد وەشون کەسێگ گەردێد تا قویرتی بێید.

رومیەگان 5:8

وەلێ خودا مابەت خوەێ وه ئیمه ئیجوره نیشان دەێ که هناێ ئیمه هێمراێ گوناکار بیمن، مەسیح ئەڕامان مرد.

عبرانییل 4:1

جا تا وەختێ که وادەێ ڕێ پەێا کردن وەشون ئاشاسێگ ئەیو هێمراێ ها سەر جێ خوەێ، بان زاورمان بچود تا نەخواێ دیار بێید که یەکی له ئیوه وەپێ دەس پەێا نەکردیه.

رومیەگان 5:6

ئەڕا ئیه که وەختێ هێمراێ ئیمه بێ هاز بیمن، مەسیح له وەخت مناسوێگ ئەڕا خودانەناسیل گیان خوەێ دا.

کاریل ڕەسولەیل 27:24

وەت: ”پولوس، ڕخد نەچود. تو باێه وه نوای قیسەر بوسێد و خودا گیان گشت ئەوانه که هانه گەردد بەخشیەسه تو.“

لوقا 15:1

جا باجگریل و گوناکاریل گشتێان له لاێ عیسا گردەو بویان تا قسیەیلی بشنەفن.

کاریل ڕەسولەیل 27:31

پولوس وه ئەفسەرەگه و سەربازەگان وەت: «ئەگەر ئی پیاێله وەناو کەشتی نەمینن، نیەتویەنین نجات پەێا بکێن.»

یەکم نامەێ تیموتاوس 1:9

هەر ئیجوره زانیمن که شەریعەت نه ئەڕا درسکاریل، بەڵکەم ئەڕا یاسا شکەنیل و ملچەفتەوکەریل نویسریاس، ئەڕا خودانەناسیل و گوناکاریل، ناپاکیل و کفرچییل؛ قاتڵیل باوگ و قاتڵیل داڵگ؛ ئایەم کوشیل،

یاقوب 5:6

ئیوه ئەیو ئایەم سالحانه که وه ڕویدانەو نیەوسد، ماکوم کردینه و کوشتینه.