یەکم پتروس 3:8 - کتاب مقدس به زبان کردی جنوبی - گویش کلهوری

⁸ دەس ئاخر، گشتدان یەێ فکر و هاودەرد بون و مابەت براێانه بیاشتون و دڵسوز و بێ فیس بون.

یەکم پتروس 3:8 Referans Kwoze

رومیەگان 12:10

وەگەرد مابەت براێانه، یەکترەکی دوس بیاشتوین. وەناو حرمەت ناین وه یەکترەکی، بێەنه نوای یەکانەو.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

ئەفسوسیێل 4:31

هەر جور تیەڵی، توڕەیی، کەفلەهەرزی، هاوار کردن، بخت کردن و هەر جور دڵپێسی له خوەدان دویرەو بکەن.

یاقوب 3:17

وەلێ ئەو زانیاری که له ئاسمانه، یەکم جار پاکه، ئمجا ئاشتیخوازه، نەرم و ئاموژیاری گوشدەره، نیقەڵتوز له بەزەیی و بەریل خاسه، دویر له دوچەوەکی و دوڕوییه!

ئەفسوسیێل 4:2

وه تەمامی بێ فیسی و نەرمی؛ وەگەرد سەور وەناو مابەت یەکترەکی تاموڵ بکێن.

نامه وه کولوسییل 3:12

جا هەر جور هەڵوژاریەگان خودا که موقەدەس و عەزیزگرامین، دڵنگ دڵرەخمی، مێرەبانی، بێ فیسی، نەرمی و سەور بکەنه وەردان.

یەکم قورنتییل 12:26

ئەگەر ژان بکەفێه یە ئەنام، گشت‎ ئەنامیل له ژانەگەێ هاوبەشەو بون و ئەگەر یە ئەنام سەربەرزەو بود، گشت‎ ئەنامەیل وەناو خوەشیەگەێ هاوبەشەو بون.

ئنجیل مەتا 18:33

ئێ نەبایه تنیش بەزەیێد باتیا هاوکارەگەد هەر ئەو جوره که مه بەزەییم هاته پێدەو؟“

یەکم یوحەنا 3:14

ئیمه زانیمن که له مەرگ گوزەریایمنه و رەسیمنەسه ژیان، چوینکه دوس برایل دێریم. هەر کەسێگ که مابەت نیەکێ، وەناو مەرگ نیشتەجێه.

یەکم قورنتییل 1:10

ئێ برایل، وه ناو خوداوەندمان عیسا مەسیح لاڵکمه پێدان که بکەفینه یەکا و وەناودان دودەسەیی نود، بەڵکەم وەناو فکر و رأی پشت یەک بگرن.

کاریل ڕەسولەیل 4:32

گشت کەسیلێ که ئیمان هاوردوین یەێ دڵ و یەێ گیان بین، هویچکەسیش نەوەتیاد چشتێ له دارایەگەێ هن خوێه، بەڵکەم وەناو گشت چشتێگ وەگەرد یەکا هاوبەش بین.

یەکم پتروس 5:5

هەرئیجوره ئیوه ئێ جوانیل، له شێخیل گوش بتەکنن. گشتدان وەناو ڕێ رەوشتدان وەگەرد یەکترەکی دڵنگ بێ فیسی بکەنه وەردان چوینکه، «خودا وه نوای لویتبەرزەیل وسێد، وەلێ وه بێ فیسیل فیز بەخشێد.»

عبرانییل 13:1

بیلن مابەت برایی بەردەوام بود.

دویم پتروس 1:7

وه مل خوداناسی، دوسی براێانه و وه مل دوسی براێانه، مابەت.

یەکم پتروس 2:17

حرمەت گشتیەکی بگرن، برایل مابەت بکەن، له خودا ڕخدان بچود و حرمەت پادشا بگرن.

یاقوب 5:11

ئیمه کەسیلێگ که بەردەوامن، بەختەوەر زانیم. ئیوه له باوەت بەردەوامی ئەیوب شنەفتینه و دەس ئاخر کار خوداوەند دینه، که خوداوەند چەنێ مێرەبان و بەزەیکەره.

یاقوب 2:13

وەبونەێ ئیه که ئەوه که بەزەیی وه کەسێگ ناتیه، وه بەزەیی داوەری نیود. بەزەیی وه مل داوەری زاڵەو بود!

نامەێ فیلیپییل 3:16

تەنیا بیلن له باوەت حەقیقەتیل روحانی، وه هەر چشتێ که ڕەسیمنه، ڕێ رەوشتمان وه پێ ئەوه بود.

رومیەگان 15:5

با خوداێگ که سەرچاوەی بەردەوامی و دڵگەرمیه، بوەخشێده پێدان تا ئەوجورە که وەگەرد خاست مەسیح عیسا جور دەرتێد، وەگەرد یەکترەکی هاوفکر بوین،

کاریل ڕەسولەیل 28:7

وه ئەو نزیکیه زەویزارێگ بی که هن پوبلیوس سەروک جەزیرەگه بی. ئەوه بردەمانه ئەڕا ماڵ خوەێ و سێ ڕوژ وه خوەشی مێوانداریمان کرد.

کاریل ڕەسولەیل 27:3

ئی ڕوژەگەێ ڕەسیمنه شار سیدون. یولیوس وه پولوس لوتف داشت و هیشت بچوده ئەڕا لاێ ڕەفیقەیلێ تا هەوەجییلێ پەرچەو بکەن.

کاریل ڕەسولەیل 2:1

وەختێ ڕوژ پنتیکاست هات، گشت وه یەکەو له یەێ شون گردەو بوین.

لوقا 10:33

وەلێ ڕێویارێگ که له مەردم سامره بی وەختێ رەسێ ئەوره پیاگه دی، دڵی ئەڕاێ سزیا.

ئەفسوسیێل 4:32

وەگەرد یەکترەکی مێرەبان و دڵسوز بون و هەر ئەوجورە که خودا ئیوه وەناو مەسیح بەخشی، ئیوەیش یەکترەکی بوەخشن.

نامەێ فیلیپییل 2:3

هویچ کارێگیش له سەر جێخوازی یا لویتبەرزی نەکەن، بەڵکەم وه بێ فیسەو ئەو باقی مەردم له خوەدان خاستر بزانن.