یەکم پتروس 3:22 - کتاب مقدس به زبان کردی جنوبی - گویش کلهوری

²² هەر ئەو عیسا مەسیحه که چیەسه ئاسمان و ئێرنگه ها له دەس ڕاس خودا و فریشتەیل و دەسڵاتداریل و هێزيل هانه ژێر فەرمانێ.

یەکم پتروس 3:22 Referans Kwoze

عبرانییل 9:24

چوینکه مەسیح نەچیه ناو موقەدەسترین شونێگ که وه دەس بەشەر درس کریاوی که نمونەێگ له چشتیل ڕاسەکانیه، بەڵکەم چیه ناو خود ئاسمان تا ئێرنگه له جێ ئیمه له لاێ خوداوه ئاشکرا بود.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 10:12

وەلێ مەسیح وەشون ئیه که ئەڕا هەمویشه یەێ قوروانی وەبونەێ گونایل پیشکەش کرد، دانیشته دەس ڕاس خودا.

مەرقوس 16:19

خوداوەند عیسا وەشون ئیه که ئی قسیەیله وەپێان وەت، بڕیاده ئاسمان بەرز و نیشته دەس ڕاس خودا.

عبرانییل 8:1

ئێرنگه گیان کەڵام وەناو ئەو چشته که ئویشیم، ئیەسه که ئیمه ئیجور کاهن گەوراێگ دێریم که وه لاێ ڕاس تەخت خوداێ گەورا وەناو ئاسمان دانيشتێه و

عبرانییل 6:20

شونێگ که عیسا هەر جور نواکیش ئیمه و له جێ ئیمه، چیەسه ناو؛ هەر ئەیو که بیەسه کاهن گەوراێ ئەبەدی، له جیگەێ ملکیسدق.

نامه وه کولوسییل 3:1

جا ئەگەر وەگەرد مەسیح زنیەو بینه، وەشون ئەو چشتیله بون که هانه بان، ئەوره که مەسیح هەس و وه دەس ڕاس خودا نيشتیه.

رومیەگان 8:38

چوینکه دڵنیام نه مەرگ و نه زنەیی، نه فریشتەیل و نه سەروکیل، نه چشتیل ئێرنگه و نه چشتیل وەرەڕوی، نه هێزیل و

رومیەگان 8:34

جا کیه که بتویەنێ ماکومێان بکێ؟ مەسیح عیساس ئەو کەسه که مرد، تەنانەت نه تەنیا ئیه بەڵکەم زنیەو بی و ها دەس ڕاس خودا، ئەوەسه که وه ڕاسی ئەڕامان ناوجێ کەێ!

ئنجیل مەتا 22:44

«”خوداوەند وه خوداوەند مه وەت: وه دەس ڕاس مه بنیش تا وەختێ دشمەنیلد بکەمه کورسی ژێر پاد.“

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

یەکم قورنتییل 15:24

ئمجا ئاخر زەمان رەسێد، وەختێ که مەسیح وەشون له بین بردن هەر فەرمانرەوایی و دەسڵات و هێز، پادشایی سپارێده دەس خوداێ باوگ.

کاریل ڕەسولەیل 3:21

که باێه بمێنێده ناو ئاسمان، تا وەخت خاسەو کردن گشت چشتێگ، هەر ئەو جوره که خودا له جارانەو وه زوان گشت پەێخەمەریل موقەدەس خوەێ وەتیه.

کاریل ڕەسولەیل 1:11

وەتن: «ئێ پیاێل جەلیلی، ئەڕا وساینه و چەو بڕینەسه ئاسمان؟ هەر ئی عیسا که له لاێ ئیوه بڕیاده ئاسمان، هەر ئەوجورە که دین چیه ئاسمان، وه دواره تێیدەو.»

مەرقوس 12:36

داود، خوەێ وه وەحی روح‌القودوس، وەت: ”خوداوەند وه خوداوەند مه وەت: «وه دەس ڕاس مه بنیش تا وەختێ دشمەنیلد بکەمه کورسی ژێر پاد.“

عبرانییل 1:13

خودا تا ئێرنگه وه کام یەکی له فریشتەیل فەرمایش کردێه: «دانیشه دەس ڕاس مه تا ئەو وەخته که دشمەنیلد بکەمه کورسی ژێر پاد.»

لوقا 20:42

چوینکه داود خوەێ وەناو کتاو زەبور ئویشێ: «”خوداوەند وه خوداوەند مه وەت: وه دەس ڕاس مه بنیش

ئنجیل مەتا 28:18

عیسا نزیکیانەو بی وەپێان وەت: «گشت دەسڵات وەناو ئاسمان و وەبان زەوی دریاسه پێم.

عبرانییل 1:6

وه دواره وەختێ که یەکم زگەگه تیەرێده ناو دنیا، فەرمایش کەید: «گشت فریشتەیل خودا ئەیو بپەرەسن.»

عبرانییل 4:14

جا چوینکه کاهن گەوراێ پایەبەرزێگ دێریم که له ئاسمانیل گوزیشتێه، یانێ عیسا کوڕ خودا، باین تاگه ئێقرارەگەێ خوەمان قورس بپارێزنیم.

یوحەنا 13:32

ئەگەر خودا وەناو ئەیو جەڵاڵ پەێا کرد، جا خودایش ئەیو وەناو خوەێ جەڵاڵی دەێ و ئەیو زویزی جەڵاڵی دەێ.