یەکم پتروس 3:14 - کتاب مقدس به زبان کردی جنوبی - گویش کلهوری

¹⁴ وەلێ تەنانەت ئەگەر وه بونەێ سالح بوین رەنج دوینین، بەەرکەت گرین! «له ئەوانه زاوردان نەچود و پەشێو نەون.»

یەکم پتروس 3:14 Referans Kwoze

ئنجیل مەتا 10:28

وه کەسیلێگ که جەسه کوشن وەلێ تویەناێ کوشتن گیان نێرن ڕخدان نەچود؛ بەڵکەم وه ئەوه ڕخدان بچود که تویەنێ گیان و جەسه وەیەکەو وەناو جەهەنم نابود بکێ.

دویم قورنتییل 12:10

جا وەبونەێ مەسیح، وه بی هازییل، دشمینیل، سەختییل، عەزاویل و بەردیل، خوەشاڵم، چوینکه هەر وەخت بی هازم ئەو وەخته تویەنام.

یاقوب 1:12

خوەش وه حاڵ ئەوه که وەناو ئەزمونیل بەردەوامه، چوینکه وەختێ له ئەزمون سەربەرز باێه دەیشت، ئەو تاج ژیانه گرید که خودا وه ئەوانه که دوسی دێرن، وادەێ داس.

یوحەنا 14:27

ئاشتی و سڵامەتی ئەڕادان هیلمه جێ؛ ئاشتی و سڵامەتی خوەم دەمه پێدان. ئەوه که مه دەمه پێدان، جور ئەوه نیه که جهان دەێده پێدان. دڵدان پەشێو نود و ڕخدان نەچود.

یوحەنا 14:1

«دڵدان پەشێو نود. وه خودا ئیمان بیاشتون؛ وه منیش ئیمان بیاشتون.

مەرقوس 10:29

عیسا وەت: «وه ڕاسی، وەپێدان ئویشم، کەس نیه وەبونەێ من و وەبونەێ ئینجیل، ماڵ، برا، خویشک، داڵگ، باوگ، مناڵ یا ماڵ موڵک خوەێ بیلیده جێ و

مەرقوس 8:35

چوینکه هەر کەس بتواێ گیان خوەێ نجات بێی، له دەسێ دەێ؛ وەلێ هەر کەس وەبونەێ من و وەبونەێ ئینجیل گیان خوەێ له دەس بێی، گیان خوەێ نجات دەێ.

ئنجیل مەتا 19:29

هەر کەیش وەبونەێ ناو مه ماڵ یا برا یا خویشک یا داڵگ یا باوگ یا مناڵ یا ماڵ موڵک خوەێ بیلیده جێ، سەد ئەوقره پەێا کەی و زنەیی ئەبەدی وه میراتی بی.

ئنجیل مەتا 16:25

چوینکه هەر کەس بتواێ گیان خوەێ نجات بێی، له دەسێ دەێ؛ وەلێ هەر کەس وەبونەێ مه گیان خوەێ وه دەس بێی، گیان خوەێ وه دەس تیەرێ.

یەکم پتروس 3:6

ئەو جوره که سارا له ئێبراهیم گوش تەکانیاد و وەپێ وەتیا گەورەم. ئیوەیش ئەگەر کردەوەدان خاس بود و له هویچ چشت زیلەتەرەکنیگ ڕخدان نەچود، بوینه ڕوڵەیل سارا.

ئنجیل مەتا 10:39

هەر کەس بتواێ گیان خوەێ بپارێزنێ، وه دەسێ دەێ، هەر کەس گیان خوەێ وەبونەێ مه وه دەس بێی، گیان خوەێ وه دەس تیەرێ.

نامەێ فیلیپییل 1:29

چوینکه ئی شانازیه نسیو ئیوه بیه که نه تەنیا وه مەسیح ئیمان بارین، بەڵکەم وەبونەێ ئەیو رەنجیش بکیشین.

ئنجیل مەتا 10:31

جا ڕخدان نەچود، ئیوه فرەتر له هەزاران مەلویچگ تیەرزیەن.

کاریل ڕەسولەیل 9:16

چوینکه وەپێ نیشان دەم وەبونەێ ناو من چ رەنجیلێ باێه بکیشێد.»

یاقوب 5:11

ئیمه کەسیلێگ که بەردەوامن، بەختەوەر زانیم. ئیوه له باوەت بەردەوامی ئەیوب شنەفتینه و دەس ئاخر کار خوداوەند دینه، که خوداوەند چەنێ مێرەبان و بەزەیکەره.