یەکم پتروس 2:21 - کتاب مقدس به زبان کردی جنوبی - گویش کلهوری

²¹ چوینکه وه ئیه دەنگ کریاینه، ئەڕا ئیه که مەسیحیش ئەڕا ئیوه رەنج کیشا و نمونەێگ ئەڕادان هیشت تا پا بنینه شونه پاگەێ.

یەکم پتروس 2:21 Referans Kwoze

یەکم یوحەنا 2:6

هەر کەس که ئویشێ وەناو خودا نیشتەجێه، باێه هەر ئەو جوره زنەیی بکێ که عیسا زنەیی کردیا.

ئنجیل مەتا 16:24

ئمجا عیسا وه شاگردەگانێ وەت: «ئەگەر کەسێگ بتواێ بکەفێده شون مه، باێه له خوەێ دەس بکیشێ، سەلیب خوەێ هەڵبگرێ و وەشون منەو باێ.

یوحەنا 13:15

مه وەگەرد ئی کاره، نمونەێگ دامەسه پێدان تا ئیوەیش هەر ئیجوره بکێن که مه وەگەرددانەو کردمه.

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

یەکم یوحەنا 3:16

وه ئیجوره مابەت ناسیم که مەسیح زنەیی خوەێ ئەڕا ئیمه دا و ئیمەیش باێه زنەیی خوەمان ئەڕا برایل بێیم.

یەکم پتروس 2:24

مەسیح خوەێ گونایل ئیمه وەناو جەسەێ خوەێ کیشاده بان سەلیب، تا له باوەت گونا بمریم و ئەڕا سالح بوین زنەیی بکێم. ئیوه وه زامیلێ شەفا پەێا کردینه.

یەکم قورنتییل 11:1

له منا نمونه بگرن، هەر ئەوجورە که مه له مەسیح نمونه گرم.

یەکم پتروس 4:1

جا چوینکه مەسیح وه جەسه رەنج کیشا، خوەدان هەر وه ئەو فکره چەکدار و گورجەو بکەن، چوینکه هەر کەسێگ که وەناو جەسه رەنج کیشاس، دیتر وەگەرد گونا کارێگ نێرید و

نامەێ فیلیپییل 2:5

وەناودان هەر ئەو فکره بود که مەسیح عیسا داشت:

ئنجیل مەتا 11:29

هویەێ مه بخەنه ملدانەو له مه تالیم بگرن، چوینکه مه ئارام و دڵنەرمم و ئیوه وەناو گیان خوەدان ئاشاسێگ پەێا کەین،

رومیەگان 8:29

چوینکه خودا ئەوانه که وەرجەوە ناسی، هەر ئیجوره ئەوانه وەرجەوە دیاری کرد تا وێنەێ کوڕەگەێ خوەێ دەر بان، تا کوڕەگەێ بوده یەکم زگ وەناو برایل فرەێگ.

کاریل ڕەسولەیل 14:22

وه ئەو شاریله شاگردیل وەقەوەتەو کردن تا وەناو ئیمانێان بەردەوام بمینن و وەتنه پێان که «باێه وه تاموڵ بەردیل فرەێگ وه پادشاێ خودا ڕێ پەێا بکێم.»

یەکم پتروس 3:18

چوینکه مەسیحیش یەێ جار ئەڕا گونایل رەنج کیشا، یانێ ئەو ئایەم سالحانه ئەڕا ئەوانه که سالحان نین، تا ئیمه بارێده ئەڕا لاێ خودا. ئەیو وەناو جەسه کوشریا، وەلێ وەناو روح، زنیەو بی و

ئنجیل مەتا 10:38

هەر کەس سەلیبەگەێ خوەێ هەڵنەگرێ و وەشون منەو نای لایق مه نیه.

یەکم پتروس 3:9

خراوی وەگەرد خراوی یا دژمین وەگەرد دژمین جواو مێەن، بەڵکەم وه پێچەوانه، داواێ بەەرکەت بکەن، چوینکه هەر ئەڕا ئیه دەنگ کریاینه تا بەەرکەت بوده نسیودان.

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

وەحی وه یوحەنا 12:11

ئەوانه وەگەرد خوین وەرکەگه و وەگەرد کەڵام شاێەتی خوێان له ئەوه بردنەسەو. چوینکه گیان خوێان عەزیز نەزانستنه، تەنانەت تا وه قێ مردن.

عبرانییل 2:10

ئەڕا ئیه که شایسه بی خودا، که گشت چشتێگ ئەڕا ئەیو و له ڕێ ئەیو هەس، ئەڕا ئیەک کوڕيل فرەێگ وه جەڵاڵ برەسنێ، بنیادنەر نجاتیان له ڕێ رەنج، کامڵەو کەید.

دویم تیموتاوس 3:12

وه ڕاسی، گشت کەسیلێگ که بتوان وەناو مەسیح عیسا وەگەرد خوداپەرەسی زنەیی بکەن، عەزاو دوینن؛

یەکم پتروس 1:20

ئەیو وەرجه ئیه که جهان دامەرزیەد دیاری کریا، وەلێ له ئی زەمانیل ئاخره وه بونەێ ئیوه ئاشکراوه بوی.

یەکم تسالونیکییل 4:2

چوینکه ئاگادارین که له ڕێ خوداوەند عیسا، چ حوکمیلێگ دایمنه پێدان.

یەکم تسالونیکییل 3:3

تا هویچکەسێگ وه بونەێ ئی بەردیله نەکەفیه ڕکه، چوینکه ئیوه خوەدان خاس زانين که ئیمه ئەڕا ئیه دیاری کریایمنه.

کاریل ڕەسولەیل 17:3

ئەڕاێان شێو کردیاد و مدو هاوردیا که باێه مەسیح رەنج بکیشێد و له مردگیل زنیەو بود. ئەوه وەتیا: «ئی عیسا که ئەڕادان جاڕێ دام، هەر ئەو مەسیح وادەدریایەسه.»

کاریل ڕەسولەیل 9:16

چوینکه وەپێ نیشان دەم وەبونەێ ناو من چ رەنجیلێ باێه بکیشێد.»

لوقا 24:26

مەر نەبایه مەسیح ئی رەنجیله بوینی و وەشونێ بچوده ناو جەڵاڵ خوەێ؟»

یەکم پتروس 4:13

بەڵکەم خوەشاڵ بوین له ئیەک وەناو رەنجیل مەسیح بەشدار بوین، تا له وەخت ئاشکرابوین جەڵاڵ ئەیو هەم دڵشاد بوین و هەم خوەشی بکێن.