یەکم پتروس 2:15 - کتاب مقدس به زبان کردی جنوبی - گویش کلهوری

¹⁵ چوینکه خاست خودا ئیەسه که وەگەرد خاسێ کردن، نەفامی مەردم گیلگەوج، بێدەنگەو بکێن.

یەکم پتروس 2:15 Referans Kwoze

یەکم پتروس 3:17

چوینکه ئەگەر خاست خودا بود، خاستر ئیەسه ئەڕا خاسێ کردن رەنج بوینین تا خراوی کردن.

تیتوس 2:8

قسیەیلد ئەوقره درس بود که کەسێگ نەتویەنێ ماکومێ بکێد، تا دشمەن دەرفەت خراو وەتن له باوەت ئیمه پەێا نەکێ و ئیجوره شەرمزار بود.

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

ئنجیل مەتا 7:26

هەر کەیش ئی قسیەیلمه بشنەفێد و وه جا نارێ، مینێده پیاێ نە‎زانێگ که ماڵەگەێ وەبان شن درس کرد.

یەکم تسالونیکییل 5:18

له هەر وەز و حاڵێگ سپاس خودا بکەن، چوینکه ئیه ئەڕا ئیوه خاست خوداس وەناو مەسیح عیسا.

یەکم تسالونیکییل 4:3

چوینکه خاست خودا ئیەسه که موقەدەس بوین: خوەدان له خیزی دویرەو بکەن.

دویم پتروس 2:12

وەلێ ئیانه هەر جور گیانەوەریل نەفامن که ڕێ رەوشتیان له ڕوی سریشتێانه و هاتنەسه دنیا تا بکەفنه تەله و نابود بون. ئیانه له باوەت چشتیلی که نیەزانن چەس، کفر کەن. جا ئەوانه وەناو گەنیان خوێان، نابود بون.

رومیەگان 1:21

ئەڕا ئیه که هەر چەن ئەوانه خودا ناسین، وەلێ جور خودا حرمەت ئەیو نەگردن و سپاسێ نەکردن، بەڵکەم وەناو فکرێان تویش چشتیل پویچ هاتن و دڵ بێ فامێان تیەریکەو بی.

یەهودا 1:10

وەلێ ئی ئایەمیله وه گشت ئەو چشتیله که نیەفامن خراو دەن و گشت ئەو چشتیلی که جور گیانەوەریل بێ فام، له ڕوی سریشت فامن، هەر ئەوەیشه بوده سەوەو له بین چیێنیان.

یەکم پتروس 4:2

وەئی بونه باقی ژیانی وه جەسه ئەڕا خاست خودا زنەیی کێ، نه ئەڕا هەواوهەوەسیل بەشەری.

یەکم نامەێ تیموتاوس 1:13

هەر چەن له جاران، کفرچی و ستەمکەریل و زورگو بیم، وەلێ بەزەیی وە مه کریا، چوینکه له ڕوی نەزانی و بی ئیمانی بی که ئیجوره کردیام.

تیتوس 3:3

چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

نامه وە غەلاتییل 3:1

ئێ غەلاتییل نەزان، کی جادودان کردێه؟ مردن عیسا مەسیح وه ڕوشنی ئەڕادان شێو کریا جوری که چماێ لەنواێ چەویلدان وه سەلیب کیشریا.

ئنجیل مەتا 25:2

پەنج له لێان نەزان و پەنج له لێان زانا بین.

یەکم پتروس 3:16

وژداندان پاک بپارێزنن تا کەسیلێگ که له ڕێ رەوشت خاس ئیوه وەناو مەسیح، خراو ئویشن له خراو وەتن خوێان شەرمزارەو بون.