یەکم پتروس 1:8 - کتاب مقدس به زبان کردی جنوبی - گویش کلهوری

⁸ ئیوه هەرچەن نێنەسێ، وەلێ دوسێ دێرین و هەرچەن ئێرنگه نيوینینێ وەلێ ئیمانه پێ دێرین و له خوەشیگ که نیود شێوێ کرد و پڕ له جەڵاڵه، نیقەڵتوزەو بینه و

یەکم پتروس 1:8 Referans Kwoze

یوحەنا 20:29

عیسا وەته پێ: «وەبونەێ ئیه که مه دیده ئیمان هاوردی؟ خوەش وه حاڵ ئەوانه که مه نێنه و ئیمان هاوردن.»

دویم قورنتییل 5:7

چوینکه وه ئیمان زنەیی کیم، نه وه ئەو چشته که دوینیم.

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

عبرانییل 11:1

ئیمان، دڵنیایی وه ئەو چشتیلەسه که ئمیدەپێ بەسایمنه و خاترجەم بوین وه چشتیلێگه که نیەوینریەن.

یوحەنا 16:22

هەر ئیجوره ئیوەیش ئێرنگه خەمبارین؛ وەلێ وه دواره دوینمەدان و دڵشادەو بوین، هویچکەیش خوەشیەگە‎دان له لێدان نیەسینێد.

دویم قورنتییل 4:18

جا ئیمه نیەنوڕیمنه چشتیلی که بود بوینیدیان، بەڵکەم نوڕێیمنه چشتیلی که نادیارن، چوینکه چشتیلی که بود بوینیدیان گوزەران، وەلێ چشتیل نادیاری، ئەبەدین.

یەکم پتروس 1:6

له ئی باوەته خوەشاڵێن، هەرچەن ئێرنگه ماوەێ کەمێگ واجوه تا وەگەرد ئەزمونیل جورواجور خەمبارەو بین،

عبرانییل 11:27

وه ئیمان بی که موسا مسر هیشته جێ و له توڕەیی پادشا ڕخێ نەچی، چوینکه ئەوه جور کەسێگ که خوداێ نادیاری هەمویشه له وەر چەویل خوەێ دوینید، بەردەوام بی.

یەکم پتروس 2:7

جا ئی کوچگه ئەڕا ئیوه که ئیمان هاوردینه، حرمەته؛ وەلێ ئەڕا ئەوانه که ئیمان ناوردنه، «کوچگیگ که بەناگان ڕەدێ کردن بیەسه گرنگترین کوچگ بنەوا،»

نامەێ فیلیپییل 4:4

هەمویشه وەناو خوداوەند خوەشاڵ بوین؛ وه دوارەیش ئویشم: خوەشاڵ بوین.

یەکم پتروس 5:4

وەختێگ گەورەێ شوانیل ئاشکرا بود، تاج جەڵاڵێگ که له بین نیەچود، گرین.

ئەفسوسیێل 6:24

فیز خودا وه مل گشت کەسیلێ بود که خوداوەند ئیمه عیسا مەسیح وەگەرد مابەتێگ نەمر دوس دێرن.

نامەێ فیلیپییل 1:25

چوینکه وه ئی چشته دڵنیام و زانم که ئەڕا وەرەو نوا چین و خوەشیدان وەناو ئیمان، مینێدەم و وەگەرد گشتدان دەمێ سەر،

رومیەگان 14:17

چوینکه پادشایی خودا خواردن و نوشاین نیه، بەڵکەم سالح بوین و ئاشتی و سڵامەتی و خوەشی وەناو روح‌القودوسه.

یوحەنا 14:24

ئەوه که دوس مه نێری، کەڵاممیش نیەپارێزنێد؛ ئی کەڵامیشه که شنەفین له مه نیه، بەڵکەم له باوگیگه که کلم کرد.

یوحەنا 8:42

عیسا وەپێان وەت: «ئەگەر خودا باوگدان بویاد، دوسم داشتیاین، چوینکه مه له لاێ خوداوه هاتمه و هامه ئێره. مه له خوەمەو ناتمه، بەڵکەم ئەیو کلم کرد.

نامەێ فیلیپییل 3:3

چوینکه خەتەنه کریایل ڕاسەکانی ئیمەیم که وەگەرد روح خودا، پەرەسش کەیمن و شانازیمان وه مەسیح عیساس و پشت نیەوەسیمنه جەسه،

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

دویم قورنتییل 12:4

و چشتیلێگ شنەفت که نیود تاریفێ بکی، که قسیه کردن له ئەوانه ئەڕا ئایەم ڕەوا نیه.

دویم قورنتییل 9:15

سپاس ئەڕا خودا ئەڕا خەڵاتی که نیود شێوێ بکێ!

دویم قورنتییل 1:22

و مور خوەێ کوتاسه ملمانا که هن خوەێ بویمن و روح خوەێ جور بەیانه وەناو دڵمان جێ داس.

کاریل ڕەسولەیل 16:34

ئمجا بردێانه ئەڕا ماڵ خوەێ و سفرەێگ ئەڕاێان دا خست. خوەێ و گشت بنەماڵەگەێ وه بونەێ ئیه که ئیمان هاوردنه خودا دڵشادەو بوین.

یوحەنا 14:21

ئەوه که حوکمەگان مه دێرێ و پارێزنێدێان، ئەوه کەسێگه که مه دوس دێرێ؛ ئەویشه که مه دوس دێرێ، باوگمیش دوسی دێرێ و منیش دوسی دێرم و خوەم وەپێ نیشان دەم.»

یوحەنا 14:15

«ئەگەر دوسم بیاشتوین، حوکمەگانم پارێزنێن.

ئنجیل مەتا 10:37

«هەر کەسێگ باوگ یا داڵگ خوەێ فرەتر وه مه دوس بیاشتوید لایق مه نیه؛ هەر کەیش کوڕەگەێ یا دویەتەگەێ فرەتر له مه دوس بیاشتوید لایق مه نیه.

یەکم قورنتییل 16:22

کەسێگ که خوداوەند دوس نێری، لانەته پێ. خوداوەند ئیمه، بەو!

ئەفسوسیێل 3:19

مابەت مەسیح بناسین که فره بانتر له ماریفەت بەشەریه، تا له گشت پڕی خودا نیقەڵتوز بوین.